نور الله وجهك يا صديقي
أيوه هو الـ zagg بغباوته ورخامته مش عارف هل في أنواع تانية متوفرة أحسن وللا إيه، بس أنا مشفتش حد فيمصر بيبيع حاجة زي كده، ممكن على النت تلاقي بس المهم يكون مناسب لأبعاد تليفونك...بالتوفيق
عرض للطباعة
البتاع ده موجود عند فيرجن اللى فى سيتى ستار وسعره 140 جينه للشاشه الامايه بس وبالنسبه للظهر (لو ا فون) هايوصل 200 وبصراحه مافيش خدوش ابدا بس بيبصم يعنى لو ايدك نضيفه ومغسوله الماء والصابون:POINTI~2[2]:برضه هاتسيب اثر وكل شويه لازم تمسح
غير انه موش لميع يعنى تحس الشاشه مطفيه كده وانا بصراحه لولا تمنه كنت شيلته من زمان هاتلك حاجه فى ابو الرخيص وفى منها كتير
تحياتى :rfds:
هحاول ادور على الموضوع واشوف رأى الناس فيه , بس هو عموما الابتكار ده واضح انه مش زى ما بيعلن عنه
الله يكرمك يا دكتور هدانا الله واياك
انا حسب ما شوفت ان الزاج ده انضف نوع , وانا لقيت حد بيبيعه وموديل الجهاز بتاعى معاه بس طبعا هو بيبيعه استيراد يعنى مش معاه توكيل المنتج وملوش علاقه بالضمان
بس انا خلاص اقتنعت انه ميستاهلش تمنه ويبقى الجراب انضف
هو بيتباع برا فيرجن للأى فون الجهاز كله ب 170 والاسعار تختلف لباقى الاجهزه فى رنج من 160 ل 200 جنيه
بس كذا فيديو اشوفه ناس تركبه وتقول ان فقاعات الهوا اللى تحته مش بتروح زى الاعلان ما بيقول وانه بيعلم وبيبقى عامل زى ما يكون معبى ميه تحته وكدا فانا صرفت نظر عنه
شكرا لمشاركتك
انا زيك
ووصلت انى استمتع بالحاجه اللى معايا و مش بوجع دماغى اتبهدل ولا لأ
كده كده عمره من سنه و نص لسنتين
و بعدين انا مش بحب انى افضل مخلى بالى على موبايل عشان ابيعه كمان سنتين تلاته بمبلغ زهيد و اقول انى محافظ عليه عشان ميه ولا تلتميت جنيه زياده
اللى خايف على فلوسه مايجبش تكنولوجيا حديثه من اصله عشان كده كده بيخسر كتير حتى لو بيبيع تانى يوم ما اشترى
تمام مهو ده اللى وصلتله فالأخر
انا مش ببيع اى موبايل بطلت استعمله لأنى ببساطه ميهونش على ابيعه ب 300 جنيه ده كفايه انى استعملته سنه ولا اتنين وبيبقى عزيز على
بس هى مجرد رغبه ان الحاجه تبقى شكلها نضيف من برا مش اكتر لأن اصحابى دايما يتريقو عليا فى موضوع الخرابيش وتقشير الموبايلات منى ده من سوء الاستعمال , انما خلاص رجعت ريما :)
ولا شيلد ولا غيره
بص يا حمد باشا اعتقد ان شاشة الموبايل التاتش بتستحمل بكتير عن حاجات زمان. اخويا معاه ال Nokia 5800 واستخدامة سئ بمعنى الكلمة, لكن الحمد الله الشاشة مفيهاش خدشة.
يص على الفيديو دة, الراجل مش لازق حاجة:
YouTube - HTC TOUCH HD2 testing glass screen for scratch resistance