لماذا يقوم بعض الشباب السائقين للعربيات الكوري بمضايقة من يقود السيارات اليابانى

**M.ABDEEN** · 19-01-2010 10:34 AM

هو كل الجديد جرايي فعلا بس الناس مبقاش عندها صبر والسواقة بقت عافية ومفيش ذوق ولا احترام وكل واحد بيجري ويسابق كانه هياخد نشان !!!!!!!!طب الاسبوع اللي فات والدائري زحمة موت من كارفور وقبله لغاية ما دخلت التجمع بي ام فئة 5 وكورولا 1600 الشكل القديم مقطعيين نفسهم ومبهدليين الطريق حرق وشد وغرز بشكل مستفز طبعا هتستغربوا من المسابقة دي بس اهو 2 غير عاقليين عرضوا حياتهم وحياة الاخريين للخطر وكمان ال بي ام اللي هو 2500 سي سي مصغر نفسه والطريق شبه مقفول وعمال يتنطط على كورولا 1600 ,,,,,,,,,, وغيره وغيره للاسف المشكلة في الناس اولا وعقولها وربنا يهدي

**N.a.j.d** · 19-01-2010 11:11 AM

السواقه
فن زوق اخلاق

**Ahmed_Gadalah** · 19-01-2010 11:48 AM

أنا عن نفسي مبضايقش حد
بس كتير قوي بيحبوا يغتتوا عليا

**m2die4** · 19-01-2010 12:27 PM

امبارح كنت على كوبرى اكتوبر و كنت سايق الاكسنت و ماشى على الشمال خالص و حنزل نزله الزمالك , فتحت اشاره و كنا ماشين على 40 و برمى شمال خفيف , و الاقى عربيه jetta علق ايده على الزماره و بيحود معايا سبتو و فضلت زى منا فضل يرمى معايا و ايده على الزماره و خلاص باقى حارتين و ابقى جمب الرصيف اليمين راح عامل kick down و سحب جامد منى و طلع قدامى و كان حيلبس فى اتوبيس عديت من يمينه و ووقف هو ورا الاتوبيس بعد ما ضرب فرمله كان حيلبسنى فيه , رد على الموقف ده و انا ارد عليك , اهو راكب jetta ولا فرنا و لا حاجه

**Mohamed.Ramah** · 19-01-2010 12:35 PM

موضوع الجرى دة عند كل الشباب مهما كانت عربياتهم بس اللى بيبقى بيجرى بغشومية هما شباب والفيرنا والانسر والجولف دول الناس اللى تلاقيهم دايما معدلين عربياتهم وطيارات لاكن الباقى اللى معاة عربيات اعلى فى الفئة السعرية بيجرى بحساب وبيستمتع بعربيتة بدون شد وغرز علشان هو مكتفى مش محتاج يثبت ان عربية بتجرى ومفيش شاب مبيجريش بس فى العقلين وفى المتهورين سواء لو راكب فيرارى او 128 مش شرط خالص الماركة
واقرب موقف حصل عند الfbi جة واحد بفيرنا عاوز يرضى غرورة ويجرى مع الهوندا سيفيك 2009 اللى كنا راكبنها لدرجة ان عملنا الموضوع مرتين علشان كان مش مقتنع خلى صاحبة يسوق ولما عديناة بمسافة كبيرة رجع وقال دا بينقل غلط وراح ساق هو وبردوا عديناة لاحول ولا قوة الا بالله فعلا بعض الشباب بيفتكروا مدام عربيتهم بتجرى يبقى يقدروا يطلع ويثبتوا عربياتهم مع اى عربية تانية

**ahmedsamir79** · 19-01-2010 02:13 PM

المشاركة الأصلية كتبت بواسطة astradti

السواقه
فن زوق اخلاق

صح كده

**omar-saad** · 19-01-2010 07:50 PM

ياجماعة انا عايز اقول ان الشد والجرى عمرو ماكان بفئة معينة
يعنى مثلا انا شاب العربيتن الكورولا والصنى يابانى
ولكن انا اللى بجرى وبسحب مع نفسى بغض النظر عن اى عربية تانية
سواء يابانى او كورى او المانى او اى حاجة تانية
وبشد مع اى حد فيهم بس حسب الحالة المزاجية
يعنى مش كل اللى ماعاهم عربيات كورى بيشدوا على الالمانى او اليابانى او غيرها والعكس صحيح
الموضوع دا فى نظرى مش حلو خالص لان دا يعتبر تعالى وتنطيط على مالكى العربيات الكورى اللى منهم ارايبنا واخواتنا واصحابنا
فامينفعش ان احنا نقول على الناس دى كدة
لان دة بعتبر من الشخص اللى راكب العربية ومالهاش دعوة هوة راكب ايه
وزى ماقال بعض الزملاء ان فى ناس راكبة عربيات محترمة وبرضو بيشدو
انا عن نفسى ساعات انا اللى بشد على الفيرنا واللانوس او اى عربية كورى تانية
فاياريت صاحب الموضوع مايعملش بلبة على الفاضى
واسف اتى طولت عليكم

**samcar** · 19-01-2010 09:37 PM

المشاركة الأصلية كتبت بواسطة m2die4

امبارح كنت على كوبرى اكتوبر و كنت سايق الاكسنت و ماشى على الشمال خالص و حنزل نزله الزمالك , فتحت اشاره و كنا ماشين على 40 و برمى شمال خفيف , و الاقى عربيه jetta علق ايده على الزماره و بيحود معايا سبتو و فضلت زى منا فضل يرمى معايا و ايده على الزماره و خلاص باقى حارتين و ابقى جمب الرصيف اليمين راح عامل kick down و سحب جامد منى و طلع قدامى و كان حيلبس فى اتوبيس عديت من يمينه و ووقف هو ورا الاتوبيس بعد ما ضرب فرمله كان حيلبسنى فيه , رد على الموقف ده و انا ارد عليك , اهو راكب jetta ولا فرنا و لا حاجه

هو رد واحد ده سواق حمار- هو متخيل انه مسيطر على كل حاجه علشان عربيته اعلى من عربيتك- مش واخد باله ان هنا ابسط حاجه ان الطرق لا متصممه صح ولا متنفذه صح- يعنى الحمار ده ببساطه كان ممكن يضيع نفسه وغيره معاه

**samcar** · 19-01-2010 09:54 PM

المشاركة الأصلية كتبت بواسطة homos99

اولا انا قريت كل الردوود فى الموضوع دا,,,,,
وأحب أقول رأيييييي بمنتهى الصراحة,,,,,,,
اولا انا اسمى محمد وعندى 21 سنة فى هندسة عين شمس وساكن فى التجمع الخامس وبروح الكلية كل يوم بالسيفيا الرااااائعة,,,
اولا كلمه لصاحب الموضوع وبمنتهى الامانة {لا يوجد كلام من اللى حضرتك قلته دا عن الكورى اللى بيكسر على اليابانى او اى مضايقة تماما } كل ما فى الموضوع ان المحترم محترم واللى معندوش زوق معندوش زوق ,,,انا هقول لحضرتك بصراحة انا بموت فى حاجة اسمها سرعة بس على الطرق المفتوحة وكمان بشد سعات كتير مع لانوس وفيرنا ولانسر ومش انا اللى ببتدى لأ كتير بكون ماشى بسرعة وهمما اللى بيجارونى وانا طريقى كله الدائرى والقطامية وطريق السويس وفعلن بشعر ساعتها بمتعة فى القيادة الرياضية والمغامرة ممكن دا يكون غير امن بعض الشيئ بس انا بحاول احافظ على سلامتى وسلامة اللى على الطريق {يعنى بعمل اللى انا عايزه ومبجيش على حق حد} وداخل المدينة بكون محترم جدا فى القيادة وليس سريعا هل بقى كدا اكون غير محترم هل الواحد لمما يتمتع ويستعرض سرعة سيارته يبقى غير محترم وانا لست أقول اننى معايا بى ام او مرسيديس بس بحاول اشباع رغبتى {ويمكن معظم الشباب} فى متعة القيادة وكل سن وليه قيادته وانا قلت رأيي دا عشان مفيش حد قال الصراحة غير الشاب اللى كان حاطط الفيديو واتشال دا مجرد سن شباب وشقاوة بالعربيات والاحساس بمتعة القيادة اللى هية معدومة فى مصر بسبب الطرق المزدحمة والبلاعات والحفر والمطباااات والتخطيط الغلط وكتير اوى معاهم سيفيك وبى ام ومرسيديس وجولف وكمان جيتتا بيشدوا ويسابقوا كمان تعالى حضرتك شوف طريق السويس لغاية الرحاب اللى بيسوق على 100 km/h دا ملوش مكان كللو بيجرى ويطير فيه مع انه مش طريق سريع كبير زى الدائرى مسلن,,,,,,,وشكراااااااااا

يا باش مهندس لما يبقى عندك طرق متصممه ومتنفذه صح ابقى غامر واستمتع بالسرعه براحتك- لكن انت عندك طرق غبيه ومطبات وحفر تكسر مصفحات- عايز تقول لى انك حافظ كل المطبات والحفر- وعلى فرض انك عارفهم- ما بيحصلش تمشى الصبح فى طريق وترجع بالليل تلاقيه محفور او مكسر لاى سبب؟! لو الطريق فاضى وواسع اجرى واعمل اللى انت عايزه- لكن الدائرى - خلاص بقى داخلى والضغط عليه تقريبا نزل بالسرعه ل متوسط 60 او اقل - طريق الرحاب ده انا باستعجب اللى بيجرى حيسبق يعمل ايه - ثوانى وبيبقى الطريق قافل- يبقى اللى خاطر وجرى كسب ايه ؟؟؟
هو للاسف احساس - بالذات لمحدثى النعمه- مش انت طبعا- بيخليهم يفتكروا انهم سواقين احسم من غيرهم بصرف النظر عن ماركة العربيه - ربنا يشفى