المشاركة الأصلية كتبت بواسطة samirayad
المفروض يا أستاذ : محمد
أننا نشيك على الثغره
سواء البوجيه جديد أو سيتم نظافته وتركيبه مره أخرى
مقاس الثغره مرتبط أرتباط وثيق
بناتج الشراره اللى حيحصل لما الكهرباء ( ذات الفولت العالى )
تنط من الألكترود الموجب
الى الألكترود السالب ( المتنى )
طبعا دى قيمه تصميميه ومحددها صانع كل محرك ( حسب تصميم دايرة الأشعال )
عملية النط للجهد الكهربى بين الموجب والسالب
بتسمى فى هندسة الكهرباء بكسر جهد العزل لقيمة سمك الهواء
الموجود بين قطبى البوجيه ( لأن الهواء عازل كهربيا )
وكسر جهد عزله ( هو اللى بيولد الشراره المعروفه )
كل ماكانت الثغره أكبر من المقنن ( ضعفت الشراره )
يعنى حريق تعبان جوه الغرف
كل ماكانت الثغره أقل من المقنن ( زادت الشراره )
بس ده بيبوظ البوجيه فى فتره وجيزه
لأن بيحصل تآكل للأقطاب وبالذات القطب السالب ( المتنى )
بتلاقيه مشوه وسمكه متآكل ومنقر
على فكره ده الكلام العلمى الدقيق
بس أهو أنت عارف
أن كله شغال
وزى مابيقولوا فى المثل
كله عند العرب صابون