العربية خلصت الحمد لله
المصاريف:
التوكيل:
٦٥٠٠ مقنعية
٨٠٠٠ ايرباج تارة
٣٠٠٠ كمبيوتر ايرباج
٢٠٠٠ رفرف وكارتيرة رفرف وشوية حاجات رفيعة
قطع غيار برة التوكيل:
٣٠٠٠ ايرباج تابلوه
٣٠٠٠ قنطرة
٩٠٠ زجاج أمامي
٩٠٠٠ كوبلن ومساعدين وشمعدان ومقصات وميزان عجل وفانوس أمامي وباقي قطع الغيار مش فاكرها
٩٠٠ لحام تابلوه
٧٠٠ قفل حزام امان
٣٥٠ لحام اكصدام
وبعد ما استلمتها من التوكيل مشيت بيها ٣٠٠ كم وجابت موتور
السبب مش عارفه بصراحة احتمال الموتور كان فيه شرخ في البلوك من الحادثة او السيليكون بتاع كارتيرة الزيت دخل جوة الله اعلم
طبعا ما وديتهاش التوكيل تاني دوخت علي مكنة ١٦٠٠ مالقيتش غير في إسكندرية ب٨٥٠٠ ومصاريف تركيب ومواصلات١٥٠٠
بعد الاصلاح:
الموتور تمام
العفشة معقولة بس في خبطة الناحية الشمال اكن في حاجة مفكوكة بتخبط في العربية ولغاية دلوقتي مش عارفها
الفرامل معقولة بس علي سرعة العجلة الشمال بتمسك قبل اليمين وبحس العربية هتلف
الصاج والرش تمام
الاتزان تمام لغاية ١٦٠ وما زودتش
بس بردة مش عاجباني وبفكر ابيعها مش عارف تجيب كام (مش رشة دواخل فقط اكصدام ورفرف)
دعواتكوا.
المفضلات