الموضوع: سؤال في 128

المشاركة الأصلية كتبت بواسطة mmd3

في الاول اسف جدا لعدم متابعتي للموضوع بسبب سفري المفاجئ وانا كنت في مكان مفيهوش نت
انا عايز اشكر بجد كل اللي قام بالرد علي موضوعي وشكرا لجميع اعضاء النايل موتورز
كلنا هنا لمساعدة بعض .. متقولش كدة

انا اول حاجة عملتها شوفت فلتر الهوا وعلشان اتاكد فصلت الخرطوم اللي رايح من العمة الي الماتور وقلت اجرب وفعلا العربية بقت بتشد وتسحب شوية لكن سرعتها زي ماهي 80 كلم
لو الفلتر مش نظيف أو متهالك .. حتخنق معاك

اما بخصوص الاسبراتير انا اتاكد ان كل الوصلات شغالة بس مش عارف الكهربا بتاعتة عالية ولا واطية وكمان مش بعرف اظبط كهربتة علشان كل لما بلعب فية سواء بزيادة الكهربا او اقللها العربية تسخن بسرعة
سيدي الفاضل .. يا ريت لو في إمكانك تغير الأبلاتين والكوندنسر باتنين جداد علشان تقطع الشك باليقين .. تقليل الكهربا أو زيادتها بيتم بأنك تحرك الاسبراتير يمين وشمال لحد ما تظبط معاك .. بس عاوزة أيد خبيرة (مش زينا يعني)

و بالنسبة للبيكات كلها متغيرة من حوالي شهر و منظف الكربيراتير كويس
مع العلم انة مفيش تقطيع في العربية وصوت الماتور عادي
ممكن توضحلي أنت بتحط بنزين نوعه أيه لأن البنزين الـ 80 بيكون فيه رواسب ممكن تسد البيكات في يوم مش في شهر ولا اتنين .. وكمان تخنق العربية في السحب .. يا ريت تخلي الميكانيكي يبصلك على الفحماية اللي في الاسبراتير .. لأن دي بتفرق في السحب والتقطيع .. وكمان تنضف شاكوش الاسبراتير

انا فعلا حاسس انة العيب في كهربة العربية علشان لو قرصت عليها شوية بتسمع صوت تكتكة الكهربا بس مش عارف ازاي اعلي او اوطي الكهربا من الاسبراتير
صوت الصفع ده (التسقيف) يكون كهرباء مش مظبوطه أو بنزين وحش خالص (لو متعود تحط من بنزينه معينه غيرها .. ويا ريت تكون أمارات مصر أو وطنية)

معلش يا جماعة صدعتكو معايا انا وعربيتي الخربانة والف شكر لكل من رد علي الموضوع
يا باشا متقولش كدة

ويا ريت تراجع على المداخلة اللي عملتها .. وتقول للميكانيكي أنه يعمل الخطوات اللي قلتها (في ميكانيكية لما يلاقوا الواحد مش فاهم يبتدوا يطولوا في الشغلانة علشان كل شوية تروحله وتكع فلوس) .. والمشكلة مش حتخرج عنهم إن شاء الله .. ويا ريت متنساش تطمنا .

المشاركة الأصلية كتبت بواسطة mmd3

السلام عليكم يا جماعة انا لسة راجع من عند الميكانيكي ومش هتصدقو العربية مكانتش بتسحب لية ....كل واحد يفكرفي عقل بالة اية السبب؟
وعل فكرة طلعت حاجة هايفة جدا

ها
ها
ها
حد فكر في السبب؟
طيب اقولكو ... بيكات العربية كانت مسدودة علي الاخر ودة مكانش بيوصل درجة مناسبة من البنزين للمحرك وكمان الكربيراتير كان عايز يظبط شوية و خليتة ظبتلي الكهربا واشتريت بيكات تانية بس مقاس اكبر شوية و هو قالي ان المقاس الاكبر احسن وهيريح العربية في السحب بس هتاكل بنزين اكتر شوية عن الاول
يعني الحساب 8 جنية بيكات + 10 جنية مصنعية الميكانيكي = 100 % سحب
والحمد للة رجعت تجيب 110 كلم اهو احسن من الاول
شكرا بجد لكل من ساهم في موضوعي

أولاً الحمد لله أنت رضيت على أداء العربية .
ثانياً أكيد البكات حتبقى مسدودة علشان البنزين 80 والرواسب اللي فيه (أو البنزينة اللي بتمون منها مش كويسة).. وأكيد مع الوقت برضه حتلاقيها بتسد ليك البكات الأكبر منها اللي أنت جبتها .
ثالثاً مش البكات القديمة لما كانت متنضفة كانت بتسحب معاك كويس . وبتجيب بيها السرعات اللي أنت عاوزها .
رابعاً اكيد ظبط الكربراتير والكهربا فوق العربية .
خامساً وأخيراً ..... فكر تاني في موضوع البنزين ال80 ده .. هو رخيص ايوة .. بس في المقابل حتقصر في عمر الموتور وعلى أداء العربية وعلى راحة بالك .. لأن وجهة نظري أن البنزين 92 ما هو إلا بنزين 90 .. والنزين 90 ما هو إلا بنزين 80 .. والبنزين 80 ما هو إلا أي حاجة تانية غير البنزين