هيا خلاص وصلت لكده

**zidaneelwaly** · 27-12-2009 02:17 AM

المشاركة الأصلية كتبت بواسطة dr.amr

معلش اذا كنت اتضايقت من الرد
مش القصد والله

لا طبعا ازاي
انتو كلكو اخواتي و انا كل ما اخش المنتدي لازم ابص في القسم ألي فيه عربيتي عشان لو حد محتاج رأي نقولو
و لو عربيه تانيه شغال بردو بس ما افتيش

**zidaneelwaly** · 27-12-2009 02:25 AM

موضوع النمر ده حسب كل واحد شايف ايه

نمر سوده - نمر بيضه - نمر ملونه - مفيش نمر - نسر مكان النمر
كل يوم الواحد يشوف حاجات غريبه
بس احترام القانون فوق كل شيء

مره من 5 سنوات اتسرقت نمر الفيات 131 ربنا يمسيها بالخير و يعين صاحبها الجديد
و والدي مشي بيها و ماخدش بالو
اتمسك و اضطر يروح يعمل محضر انها اتسرقت

**ابوهاشم** · 27-12-2009 02:40 AM

لكل قاعده شواذ ومش معنى ان موجود انسان مستهتر زى ده
ان الدنيا كلها بقت كده

**zidaneelwaly** · 27-12-2009 02:48 AM

ربنا يحفظك يا مصر
انا خايف من نقطه
ان دول شباب المستقبل و بيخالفو القانون و تسيب و هما صغيرين
امال بقا بعد كده ها يعملو ايه

**newhansol** · 27-12-2009 03:23 AM

بصراحة مش عارف اقول اية
حسبى الله ونعم الوكيل فى الناس دى
حسبى الله ونعم الوكيل فى كل واحد فاكر نفسة فوق الكل ودى مش غلطتتة على فكرة دى غلطة البهوات الى فوقة لانهم اول ناس بتعمل كدة فمابالك بقى بالاصغر منة
انا هاحكلكو حكاية صغيرة مرة قبل ماتطلع الرخصة كنت واخد العربية وماشى بيها من غير لا رخصة سواقة الى هية كانت بتاع اخويا ولا حتى رخصة العربية
المهم امين زفت وقفنى واخدنى على الظابط وكنا بالليل وجوة البلد والله العظيم يا جدعان الظابط كان ملازم اول ولسة شانبة مانبت ولسة محلقوش لاول مرة حتى المهم لاقانى من غير لا رخص ولا حتى رخصة العربية قالى يعنى ينفع كدة انت ماشى من غير اى حاجة اثبتلى انى دى عربيتك او حتى عربيتة ابوك وانا ماكنش معايا غير كارنية الكلية قالى يعنى اخدك دلوقتى على القسم
وفجا جة واد سيس كدة راكب تويوتا كرولا وكانت لسة نازلة والامين بيقولة معهوش رخصة قيادة يا باشا تفتكرو الواد عمل اية
والله رمى الوصل فى وش الظابط الى كان بيكلمة بحترام وقالة انا بابا العميد مش عارف مين بصراحة الامين اتكهرب والظابط بيقولة ماينفعش الى انت بتعملة دة عيب انك ترمى الوصل فى وشى احترمنى حتى علشان خاطر والدك
لا عمال يزعق وفى الاخر جة الوالد وانا طبعا قالى اركن على جنب وانا مش عارف اقول اية وركبى بتخبط فى بعض والادهى من كدة كان فى عربية مكروباص مليانة مخبرين اعوذب بالله منظرهم يقطع الخلف وانا ببصلهم وبتخيل منظرى وكل واحد من دول ايدة الى زى المرزبة بتسلم على قفايا وعمال اقول دة انا لو رحت القسم هاتنفخ ....يالهوى يامة
المهم البية العميد جة والواد الظابط عاجبنى قوى قالة انا اسف حضرتك على عينى وراسى بس الورقة والقلم الى بينا وانا عارف انك هاتجيب الرخصة بسهولة بس ابنك مش محترم ورمى الوصل فى وشى
طبعا سيادتة العميد شكلة بقى زى الامؤاخذة وخد الواد ومشى
وانا قاعد اتفرج على الفيلم الى بيحصل دة جة الظابط وقالى انت بتعمل اية هنا ....ماردتش قالى خد كارنيهك وروح وماتمشيش كدة تانى من غير رخص
وحمد ربنا على كدة وطيارة على البيت وتانى يومرحت سحبت ملف من المرور وطلعت رخصة
معلش طولت عليكم فى الكلام بس والله انا ماشفت حد لحد دلوقتى من ساعة الموقف دة محترم من بتوع المرور دول كلهم بتبقى نفسك تجيب جركن بنزين وتدلقة علية وتولع وخاصة الرتب الصغيرة منهم انما الكبيرة ساعات ساعات يعنى بيبقى عندهم دم

**Haitham10** · 27-12-2009 04:21 AM

طب هو مش حاسس بالبرد يعني ولا ايه انا مش فاهم الموقف اكيد واحد مختل عقليا وخالع هدومة ودي امثله بتقابل الواحد كتير بس في العربيه ولوحده دي جديدة

**ashraf229** · 27-12-2009 08:47 AM

أنا مش فاهم الموضوع تماما!!

هوه يعني قاعد في العربية من غير بنطلون و بملابسه الداخلية يعني و لا مش لابس حاجة خالص خالص ولا ايه!!!و الأتوبيس ظاط على ايه؟؟و لو عربيتك معاك كنت هتجيبه و تعرفه مقامه (وأنا مع احترامي ليك مش فاهم هتعمله ايه يعني !!) و ايه دخل كل ده بأن العربية معليهاش نمر !! هوه سواقة العربيات و انته قالع هدومك دليل عالسلطة دلوقت ولا ايه!!!!!!

بأمانة ارجو توضيح الموضوع كله لأنه صعب عليا فهمه ده لو تسمح!!!

واسفين عالازعاج.......

و ردا على اللي بيقارنوا الشرطه بالجيش في موضوع التفييم و المشي من غير نمر فكل انسان حسب نفسيته و اصله و تربيته يعني زماااااان ايام التربية العسكرية في الكلية في جامعة حلوان كان العقيد أو العميد رئيس التربية العسكرية في جامعة حلوان كان معاه مرسيدس 230 خنزيرة و نمرها عادية جدا ملاكي القاهرة 6 ارقام ملخبطه و لا فميه و لا نيلة في نفس الوقت كان فيه ملازم و مش حتى ملازم أول حراسة على بوابة الجامعة كان معاه سويفت صالون مفيمها كلها حتى الفوانيس فيميه دارك و من غير نمر خالص و خنوط مفنة و سرينة وكلاكس شرطه و خمسين نسر و استكر كبير بوليس اكاديمي............

في نفس الوقت جارنا برضه معرفش رتبته ايه بس هوه لم يتجاوز التلاتين و خريج فنية عسكرية كمان مش حربية و عربيته لانسر بومة متفيمة بالكامل و برضه منغير نمر ورا و ساوند سيستم و قلق...و قريبي تاني ضابط شرطه معاه نوبيرا ولا الهوا ولا حتى كاب عالتابلوه مع انه كبير في السن و رتبته اكيد بقت كبيرة..........

يعني مش قاعدة كل انسان و طبعه.....المهم انه القانون بعيد عنهم جميعا و سايبلهم حرية القرار ...................