اقتباس المشاركة الأصلية كتبت بواسطة great_eagle مشاهدة المشاركة
انا احد مالكي السيراتو 2010 كويس
لما شفت الحادثه عرفت السبب فورا
بما انها سيراتو فلازم صاحبها نزل الصبح الساعه 10 دورها قامت دارت ومن الهزة بتاعت الموتور المقص اتلخلخ وبعدين نقل غيار قوم ايه المقص اتلوح قام مشي لحد اول الشارع قوم ايه المقص تاني و هوة هوة نفس المقص قام اتني وبعدين صاحبها نزل و قفل الباب بس الظاهر رزعه سنه قامت حدفت شمال او يمين حسب موقع كوكب الزهرة ودخول عطارد في مجاله قام ايه المقص اتكسر ال ايه المقص اتكسر واضح
طبعا لا صاحبها عمل حادثه ولا ممكن اي خبطه ولا ممكن رزع السيارة في الحيطه وطبعا بما انها نيو سيراتو فاكيد العنصر البشري ولا الطريق ولا عامل خطا الاخر ولا اي عامل تاني متوافر في الحادث ليه؟؟؟ طبعا عارفين لانها نيو سيراتو هيا السيراتو الي عملت الحادثه لوحدها...
بيعوا السيراتو وشوفوا اخوانا المشتركين الجداد الي طبعا فاهمين كل حاجه و سعاده المخبرين الجدد علي راي صديقنا في المنتدي ممكن نسال سعادتهم ايه الماركه الجديده الي تشبه ماركه الوحشه ام حدفه شمال و مقص بلاستيك - مقص الاظافر انشف من مقصها مش كده برضه- وناويين يروجوا لانتشارها نسالهم ونشتريها بدل السيراتو... بجد كلام ممل واصبح موضوع سخيف وممجوج و الكلام فيه كتر من الغير متخصصين ويمكن غير مالكي السيارات اصلا.
سامحومني نهايه الكلام انا معايا سيراتو بقالها حوالي 6 اشهر وفي اخر 4 اشهر عامل بيها قرب ال 9000 كيلو ماشي و ماشاء الله و ربنا يبارك للكل في سيارته ممتازة ممتازة ومعلش لو في عيب غير جوهري عند حد من الساده مالكي السيارة دي فده عادي و بيحصل في اي ماركه و اسمحولي استعير مقوله حد من المنتدي احترمت رايه -وهم كتار الي بحترم رايهم هنا- الراجل قال ان السيراتو دي اجمل حاجه في المنطقه الرماديه الي انا و غيري موحودين فيها . الي معاه فلوس ويقدر يشتري جاجور اهلا بيه و الي ربنا يديله ان شاء الله يشتري 128 لحد ما ربنا يديله غير كده كفايه ملل و محدش يعيب في السيراتو ولا يحطها تحت ميكرسكوب الي عايز يشتريها يشتريها و الي مش عاجباه براحته
واسف لااطاله بس الواحد اتخنق خلاص وانا عن نفسي اتمني لما حد يشوف حادثه وطبعا السيراتو هيه بس الي بتعمل حوادث ميتعبش نفسه و يصورها انا عن نفسي واثق في سيارتي واتمني لكل مالكي السيراتو الخير والبركه
نداء اخر الرجاء العاملين فى توكيل كيا بلاش تدخل و تسيب الناس تقول رايها