السلام عليكم طبعا هو ممكن يكون سؤال عجيب وفضيحه بس انا قلت اتفضح فى المنتدى اولى ما اقول لحد من اصحابى ويتسيحلى
هو ليه ديما لما كنت بتعلم السواقه وحتى دلوقتى كل الناس بتقولى ماتمشيش على التانى كتير عشان ده بيحرق اسطوانة الدبرياج او حاجه زى كده وناس كتير قوى قالولى الحوار ده انا عايز اعرف اولا هو صح ولا افتكاسه ؟؟
تانى حاجه بعد ازنكو هو للو صح ايه تفسيره العلمى مش التانى ده ترس زي التالت والرابع وكده يبقى ايه الفرق؟؟؟
وشكرا وعلى طول تاعبكو معايا معلش بقى استحملونى
:khd::khd::shyy:
بص ياباشا متهيالي كده الكلام ده صح اصل الاول والتاني الترس بيبقى كبير فبينقل عزم كبير وكل مالعزم زاد زادت قوة الاحتكاك اللي بتقلل من عمر الاسطوانه والدسك
الموضوع ده موجه للغيار الاول وليس التانى
وده
علشان لفات المتور بتبقى اعلى وبتاثرعلى عمره
والا مكنونش عملوا غيارات
العبة كلها زى العجلة بتاعة زمان كلما كان الترس الرئيسى كبير والاخر صغير حجماُ
يبقى مع اقل مجهودتجد سرعة والعكس فى حالة الغيار الاول وذلك لدفع السيارة للتحرك الى ان تصل للغيار الاخير اقل مجهود تجدها فى سحب العربية واستهلاك بنزين اقل
اولا طبعا شكرا جزيلاعلى الردود الجميله
بس اصل انا بحب امشى بهدوء يعنى فبضطر امشى كتير على التانى يعنى مثلا سرعتى على طول ما بين 30 و 40 وكمان البلد كلها مطبات فأنا بفضل مدى تانى وماشى بهدوء كده فكل حد يقولى يا بنى ادى تالت التانى كتير يحرق الاسطوانه بس انا كنت عايز اعرف ايه السبب ؟؟
اعتقد على قد معلوماتى المتواضعة أن الموضوع ملوش علاقة بالاسطوانة والدسك انما فعلا عدد لفات الماتور فى الغيار الاول لما بتوصل معانا ل 3000 لفه والسرعة 15 كيلو متر / ساعة تتقل للتانى (الارقام ديه على سبيل المثال وبتختلف من عربية للتانية )
وفى الغيار الثانى بندوس بنزين لغاية عدد لفات الماتو ر ما تبقى 3000 لفه برضه والسرعة 40 كيلو متر / ساعة وننقل فى الغيار الثالث
وعلى التالت بنوصل لنفس عدد اللفات والسرعةبتوصل 50 كيلو متر / ساعة وهكذا
يعنى بالرغم من أن عدد اللفات ثابت الا أن السرعة تزيد وده بسبب النقل على ترس اضغر زى ما اخونا وضح فى المشاركة السابقة
عشان كده لما بننقل على غيار اعلى ده بريح العربية اكتر وبيقلل الحمل على الماتور وبيقلل استهلاك البنزين
لكن ما اعتقدش أنه ليه دعوه بالدسيك والاسطوانه - مجرد اعتقاد ولو حد فاهم اكتر ممكن يصححلى
مهو انا بقول كده بردو بس فى ناس كتير بغباء بيقولو العكس وانا بصراحه مش بحب ادخل نقاش وانا معنديش اساس بدل ماتكسف ويطلع تربيتيتى ههههههههههههه
وبدل ماعد ادى تالت تانى تالت تانى وكل دقبقه مطب وكده بروح ماشى تانى بس ومش بدى تالت وبفضل على السرعه اللذيذه دى 30 40 بالكتير
هتستهلك بنزين زيادة
بالظبطاقتباس:
المشاركة الأصلية كتبت بواسطة د.محمود صلاح
وكمان هتجهد الماتور اكتر
النقل بدرى برده غلط
يعنى لو سمعت صوت كركرة ده برده غلط
ولا تاخد في بالك من الموضوع ده, أنا بطر إني أمشي كتير علاول عشان ظروف طريقي وكله تمام. كل اللي مطلوب بس إنك تنقل لما توصل ل سرعة مناسبة أو مثلا 3000 rpm كده.
عمليا أنا ماعتقدش إن الكلام ده ليه أساس لإن كلها تروس زي بعد بس هو يمكن قالوا كده عشان الأول و التاني الواحد اللي لسة رايح يتعلم سواقة ممكن يحرق الموتور عليهم عشان سهل تعدي الريدلين بيهم و ده طبعا guess.
بس لو فكرت فيها إنت ممكن تجيب أول وتبقى في عادي في وسط البلد وتقرص عليه لغاية مثلا 8000-9000 ربم والموتور يقفش منك وكل ده في سرعة لا تتجاوز 40 مثلا. ونفس الكلام فالتاني. إنما كلها تروس زي بعض.
شكرا يا جماعه لكل اللى رد وانا بجد متشكر
وانا فعلا كنت بقول كده شكله فعلا كلام منطقىاقتباس:
ولا تاخد في بالك من الموضوع ده, أنا بطر إني أمشي كتير علاول عشان ظروف طريقي وكله تمام. كل اللي مطلوب بس إنك تنقل لما توصل ل سرعة مناسبة أو مثلا 3000 rpm كده.
عمليا أنا ماعتقدش إن الكلام ده ليه أساس لإن كلها تروس زي بعد بس هو يمكن قالوا كده عشان الأول و التاني الواحد اللي لسة رايح يتعلم سواقة ممكن يحرق الموتور عليهم عشان سهل تعدي الريدلين بيهم و ده طبعا guess.
بس لو فكرت فيها إنت ممكن تجيب أول وتبقى في عادي في وسط البلد وتقرص عليه لغاية مثلا 8000-9000 ربم والموتور يقفش منك وكل ده في سرعة لا تتجاوز 40 مثلا. ونفس الكلام فالتاني. إنما كلها تروس زي بعض.
حدد عدد لفات انقل عليه الغيارات وليكن مثلا 2.5 فى الغيار الاول وبعدين 3 فى باقى الغيارات كلها , كدا انت بتنقل على افضل سرعه ولا قليل يتعب الموتور ولا كتير يقصر عمره
هو ده الكلاماقتباس:
المشاركة الأصلية كتبت بواسطة Ahmed0Nouh