ده نص رد لك يا بشمهندس في قسم رينو
اريد توضيح بس على مسألة انه يراجع السلانسيه بتاع المكنة ده بيعني ايه لو فيه رجه وجزاك الله كل خير
عرض للطباعة
لو في رجه مهناه ان السلانسية واطي ( كهربا العربية واطية) ولو كده بتعمل رجه
الميكانيكي بيعليها في 5 دقائق
في معظم العربيات الكهربا المثاليه هي ان يكون rpm ما بين 800-900
من غير ما تدوس بنزين
معلش أخى الفاضل ( أبو عبد الله )
دى أول مره أشوف موضوع حضرتك هذا
بس أوعدك أراجع على ملف الفتيس الأوتو
وأترجملك الكلام مباشرة عن الأثر السلبى
لعدم ضبط سرعة السلانسيه على آداء السياره
وبالذات فى حالة السيارات المزوده بفتيس أوتو
بس عموما قبل ما أجبلك الكلام فيما بعد أن شاء الله
عاوز أقولك أن الفتيس الأوتو
التحكم فيه فى أول نقله بيتم آليا ( زى ما أنت عارف ) غير نظام الفتايس العاديه
حيث أن
السواق بأحساسه بيظبط أموره
وهو مصمم على هذا الأساس
فلو لم تكن السرعه وقت السلانسيه على الوضع المقنن لأول تعشيق طبيعى
فأن هذا سيولد رجه وآداء غير مرضى لقائد السياره
وأنعكاس غير جيد على آداء الفتيس
وجارى المتابعه
وأستسمحك فى بعض الوقت لتجهيز المطلوب علميا
شوف بأه الكتالوج قال أيه بهذا الخصوص
تحت عنوان
أفحص سرعة السلانسيه وأعد ضبطها أذا كان هذا متاح مع محرك سيارتك الأوتو
بيقول أيه
سرعة السلانسيه عليها دور فعال ومهم وذات تأثير مباشر على كفاءة عملية التعشيق فى البدايه
1- أذا كانت السرعه أعلى من المقنن بكثير
حينما يتم النقل للسيلكتور من الوضع n إلى الوضع d أو r
فأن التعشيق سيكون مفاجىء وغير متوقع ( تقدر تقول زى زغطه وقلقله داخل الفتيس بتتم فى الأحوال دى )
ووجود هذا الوضع ليس فقط سيشعر قائد السياره بعدم الراحه والقلق
ولكن سيؤثلر بالسلب على مكونات الفتيس فى البدايه التى ستتعرض لصدمة تعشيق فجائيه فى هذه الأثناء
2- أذا كانت السرعه أقل من المقنن بكثير
فأن ذلك سيؤثر تأثير مباشر على محرك السياره
ويصل الوضع الى أشعار قائد السياره بأن المحرك به مشكله فنيه خاصه بدورة السلانسيه
حيث ستتعرض المكنه لرعشه ورجه فى هذه الأثناء
جزاك الله كل خير يا بشمهندس
ولكن انا كنت فهمت من الكلام المقتبس لردك في قسم رينو
ان الرجه لها علاقة بالزيت
لأن انا لسه مغير زيت الفتيس ومغير كاوتش جديد اعرض واثقل اكيد من القديم بتاع العربيه
فطبعا السلانسيه قل عندي شويه
وفي بعض الحالات وانا واقف وضاغط فرامل والفتيس على d بحس برعشه خفيفه كده
فأنا حبيت اتأكد ان الموضوع لي له علاقة بزيت الفتيس
وجزاك الله كل خير
يبقى ازود السلانسيه بتاع العربيه شويه
هو دلوقتي تقريبا بقه عند 0.5 على عداد الأر بي ام
لا موضوع الزيت او الكاوتش ملوش علاقهاقتباس:
لأن انا لسه مغير زيت الفتيس ومغير كاوتش جديد اعرض واثقل اكيد من القديم بتاع العربيه
بالخلل اللى حصل عندك فى السلانسيه
ولو كلامك على الكورولا مثلا
فأكيد منظومة التحكم فى هواء السلانسيه
سواء من ناحية الهواء أو البنزين
هى اللى عاوزه شوية ضبط ونظافه
ودى بأه ممكن تسأل عليها التوكيل مثلا
لضبط السلانسيه
بأى أتجاه
لأن هما أكيد أدرى بالمطلوب من أعمال صيانه للمكنه عندك