لاحظت انه لما بيكون معايا ناس في العربية ان الفرامل بتبقي خفيفة اوي لدرجة اني باضطر ادوس فرامل جامد علشان العربية تهدي بس ........
اما لما باكون لوحدي في العربية الفرامل بتبقي ممتازة جدا ومش باحس بمشكلة خالص .......
ياريت حد يقولي سبب المشكلة
عرض للطباعة
لاحظت انه لما بيكون معايا ناس في العربية ان الفرامل بتبقي خفيفة اوي لدرجة اني باضطر ادوس فرامل جامد علشان العربية تهدي بس ........
اما لما باكون لوحدي في العربية الفرامل بتبقي ممتازة جدا ومش باحس بمشكلة خالص .......
ياريت حد يقولي سبب المشكلة
كدى عندك كبس الزيت ضعيف دى ممكن يكون فى تسريب او صعف فى السرفو او تيل امامى او خلفى حاجات كتير اوى لازم تكشف على الفرامل كلها واستنى باقى الاعضاء ممكن يساعد اكتر منى
انت لما بتحمل السيارة العربية بتوطى من ورا جامد ودة بيزيد الحمل على الطنابير الخلفية ودة بيزيد من زمن التوقف وتحس ان العربية فراملها ضعيفة ,فكدة طبعا حضرتك هتشيك على الحاجات دية
ان التيل الخلفى كويس
ان العربية ضغط المساتر بتاعها كويس ودة بيبان بسهولة
حاول لو لقيت العربية بتوطى جامد قوى تغيرلها السوست العرضية بتاعتها الخلفية ماتحاولش تشدها او تعدل فيها
انا فعلا العربية بتوطي جامد لما يكون فيه شخصين قاعدين علي الكنبة ورا والدليل اني لقيت العربية بتحك في المطبات علي غير العادة لما باكون راكب لوحدي في العربية ....
فانا حاروح للعفشجي يرفعلي العربية سنة من ورا و اشوف النتيجة ايه لان الفرامل عندي كويسة لما باركب العربية لوحدي ........ وانا علي فكرة ما عنديش سيرفو لان عربيتي نصر مش فيورا
السيرفو ده كهربه
العادى ده مالوش دعوه بكهربة العربيه (ده اللى اعرفه)
السيرفو بيكون بداخلة كاوتشة على شكل دائرة خفيفة
وبيعتمد اعتماد كلى فى انة يفرمل العربية عن طريق اخذ هواء من الماتور وذلك عن طريق خرطوم متوصل بالماتور وطبعا لازم يكون الماتور مؤهل لذلك ,
يعنى لو عندك العربية بطلت وهية ماشية وفيها فرامل بنظام السيرفو هتلاقى دوستين بالظبط والفرامل بقت ناشفة حجر لان الماتور مش شغال ودة مصدرة اللى بيشتغل بية السيرفو لايقاف السيارة وطبعا قوتة اشد بكتير من الفرامل التى تعمل بضغط الزيت فقط
تمام وشكرا على المعلومة
ممكن تعدلها وتركب سرفو بتاع فيورا بس صعب تلاقى منه استعمال او جديد وكمان هتحتاج لقاعدة سرفو وهتغير المنافو اللى تحت الكربراتير بواحد تانى يكون فيه فتحه يركب فيها الخرطوم بتاع السرفو . وطبعاً هتحس بفرق كبير جداً فى الفرامل ، بس مبدئياً حاول تاخد هواء من مجموعة الفرامل وتكشف على مساتر الفرامل والمستر العمومى والتيل الخلفى والامامى .وشكراً