اشتري ايه من الاتنين؟ التيدا هاتش باك اوتوماتيك بلس (اعلى فئه) ولا السيراتو اوتوماتيك اللى ب 116 ألف؟ رجاء ذكر الاسباب.
عرض للطباعة
اشتري ايه من الاتنين؟ التيدا هاتش باك اوتوماتيك بلس (اعلى فئه) ولا السيراتو اوتوماتيك اللى ب 116 ألف؟ رجاء ذكر الاسباب.
تيدا تقفيل أفضل وإستلام فوري
السيراتو شنطه كبيرة وأرخص من التيدا
هو جه الزمن اللي هنقارن فيه عربية ياباني بعربية كوري !
كيا سيراتو
التيدا طبعا مش محتاجة كلام ولا أسباب
سيراتووووووووووووووووو طبعاااا
التيدا مافيش كلام
طيب ياريت كل واحد يقول اختياره بناءا على ايه
سيراتو واهم ميزة التوكيل الممتاز والشكل الجديد ولسه كمان حاجات
التيدا افضل عشان ياباني و اعتماديه اكبر
و ربنا يوفقك لاختيار مناسب
تيدا افضل -------------------
انا معنديش خلفيه عن اى عربيه من الاتنين بس هقوللك حاجه صغيره يمكن تكون مفيده,انا كنت محتار بين السيريون(يبانى)والنيو اكسنت(كورى) افتكر الاتنين متقاربين للعربيتين اللى انت بتفكر فيهم على اساس ان واحده هاتش باك يبانى والتانيه سيدان كورى,ربنا وفقنى واشتريت السيريون وفى نفس الشهر صديق ليا جاب النيو اكسنت,العربيتين متقاربين فى السعر طبعا مع اختلاف الامكانيات فى العربيتين وانا ركبت الاتنين كتير,اليابانى صدقنى ميتقارنش بالكورى من حيث جوده التقفيل والعمر الطويل,انا عربيتى سيريون 2009 مش برحمها بقعد فيها اكتر ما بقعد فى بيتى ورغم كدا تركبها بيبان عليها الفخامه من جوا والراحه,على عكس الاكسنت فى السفر مش مريحه وباين اوى ردائه الخامات مقارنه باليبانى ده غير مثلا المرايه اللى وقعت عند صديقى والكاسيت اللى باظ مع ان العربيه 2010,انا مقصدش اخرج عن الموضوع بس النقطه اللى عايز اوصلها ان الكورى بيديلك اقل الاحتياجات فى مقابل سعر منافس لكن اليابانى جوده وتقفيل ممتاز وعربيه تعيش معاك
انا مقصدش ان الكورى ردئ لكن اليبانى يتفوق عنه في حجات كتير وفرق السعر مش مدفوع فى كلام فارغ
تقبل مرورى وتحياتى
شكرا لجميع من شارك بالرد. يا ريت لو حد يقدر يعمل مقارنة سريعة بين الاتنين.
بص يلريس كفايه انها تيدا انا معاي العربيه دى ومش عايز اقولك انها
انها متتقارن بالسيراتو
من الاخر انتى بتدفع مبلغ محترم فى عربيه عشان تعيش معاك وتوفر فى البنزين ومش كل شويه تصرف عليها او تلقيها بتحدف منك ولا العفشه فيها حاجه ولاسخنت ولا مستحملتش
التيدا عن تجربه وبكل امانه انا بقولك هى الافضل بمراحل حتى فى جوده التصنع وكمان الخامات والاعتماديه وكفايه انها يبانى بالكامل وموتورها متطور جدا وعفى
تحياتى
لو عايز تعرف اكتر عن العربيه هتلاقى ملاك تيدا فى الجروب بتاع نيسان وهما يقولك كل الى انتى عوزه
بس نصيحه اخويه وربنا يشهد عليا التيدا افضل بمراحل
التيداتو احسن منهم الاثين
أنا شايف التيدا حلوه وشكلها كمان عجبنى قوى شكلها احلى من الصنى بكتير
أنا مش حقول رأيي أنا مستني الخناقة :gun_bandana::2guns:
طيب يا جماعة أنا حدخل أنام , أول لما الخناقة تبتدي صحوني , بس ابقوا قولولي مين تيدا ومين سيراتو لحسن أمسك واحد تيداوي زيي وأديهوملوه علشان أنا لما بأقوم من النوم مش بشوف كويس !!!
وأحب أقول لبتوع الكيا إني بانام والسلاح تحت المخدة علشان الغدر بس
هههههههههههههههههههه .. هى فعلا فى احتمال كبير تبقى خناقة :)
لان العربيتين متساويتان
بسم الله الرحمن الرحيم
حضرتك روح اعمل تست دريف للتيدا فى فرع المهندسين او السبع اللى فى المعادى
و بجد هتخلص التيست دريف بتاعتها وتنزل تخلص فيها
وعلى فكره والله انا سقت العربيتن وركبت فيهم مسافات طويله ولا ليا هدف اقولك هات نيسان او كيا غير انى افيدك
وبقولك التيدا بجد افضل من السيراتو
هو استخدامك ليهه أيه ؟ يعني لشاب ؟ ولا لعيلة ؟
بس عامةً أنا أرجح التيدا لأنها ياباني وتوكيلها محترم ( خاصةً توكيل السبع بزهراء المعادي )
السيراتو شبابية و هتأخذ شكل جميل من الخارج و الداخل و موتور سحبه عالى و عفشة عليها كلام شوية من حيث النشوفية, و نسبة انتشار اعلى, لكن من حيث الاعتمادية لسه الموضوع موضحش.
طيب التيدا يابانى 100% و محققة أرقام مبيعات عالية على مستوى الشرق الاوسط و ثابتة نفسها, عافشة محترمة جدا موتور قوى جدا وسع رهييييب اعتمادية عالية بس اعادة بيع مش اد كده.
(كمان من أجل الأمانة أختى فى الامارات كانت بتأخذ رأيى و نصحتها بيها لكن قالت ان ظهر بعض العيوب فى الامارات و لم تحدد, و لكن من جهة أخرى مع أحد الزملاء فى المكتب و بيشكر فيها جدا و معملتش معاه أى مشاكل.
أنا شخصيا لو بقارن بنهم بسس أكيد هتجه للتيدا
ممكن اتفرج معاك طيب...؟؟؟ هههههههههههه... ربنا ما يجيب خناق ان شاء الله
من فتره طويله, كان في موضوع شبه ده بالظبط و دخلنا انا و حضرتك فيه و كان نفس الكلام و الانقسامات....
بس هقول حاجه بسيطه, ممكن صاحب الموضوع يجرب الاتنين و يشوف هيحس براحه في الركوبه في انهي فيهم , التيدا ولا السيراتو... العربيه ركوبه
و ربنا يوفقك ان شاء الله...
بسم الله الرحمن الرحيم ,
يبدا سعر كيا سيراتو فى فئة محرك 1600 سى سى من 96000 الى 125000 على ستة موديلات مختلفة بحسب التجهيزات والكماليات ولكنها جميعا تشترك فى نفس البودى كما تاتى السيراتو بموديلين اضافيين فى فئة الكوبية بسعرين 120000 و136000
وترتكز سيراتو على شاسيه النترا من هيونداى وان اختلفت عن هيونداى كليا فى باقى المكونات وتعد كيا هى الصانع الجيد المرادف لاودى بالنسبة لفولكس فاجن اذ تشتركان فى خطط التصنيع ومعظم اساسيات التصميم ولكن تبقى الجودة المطلقة وفخامة المكونات لصالح اودى دائما وهو الحال تماما بالنسبة لكيا من مجموعة هيونداى اذ تبقى كيا متفردة فى مجال الجودة والفخامة عن هيونداى وبالطبع هى اغلى دائما من هيونداى.
اما بالنسبة لنيسان تيدا فتاتى فى ستة موديلات فى فئة المحرك 1600 ما بين السيدان والهاتشباك ويبدا سعرها فى مصر من 116000 الى 128000 وقد ظهرت تيدا لاول مرة فى عام 2004 باليابان نتيجة اندماج نيسان ورينو ونظرا لتقليل تكاليف الانتاج فقد رات الشركتان ان يتم استخدام المكونات الناجحة لدى كل من الشركتين بما فى ذلك هيكل السيارة والشاسيه ومن ثم اتفقا على ان تكون هناك فئة مشتركة اصطلحا على تسميتها بلاتفورم بى والتى بموجبها تندرج مكونات رينو كليو الجيل الثالث ورينو مودوس فى هذه الفئة ومن هنا جاءت تيدا على هيكل وشاسيه كليو 3 و ان استقلت نيسان فيما عدا ذلك كليا فى المحرك والتعليق والتشطيب الخارجى والداخلى عن رينو تماما
والجدير بالذكر ان نيسان قد حصلت على اعلى التقييمات فى عام 2007 من ناحية جودة الصناعة والفخامة .
وباختصار فان السيارتان جيدتان جدا وتتمعان بكافة مميزات السيارة القوية والامنة والانيقة
حبيب قلبي اللي واجعني قوي , محمد غازي
والله أنا بعمل كده علشان يبقى الموضوع أوله ضحك كده وهزار وروح رياضية
وربنا يديم المحبة
أنا مع النيسان طبعا قلبا و قالبا , مش تعصب لسيارتي ,حتى اسألوا إني طلعت قبل كده عربيات تانية إنها أحسن منها في مقارنات سابقة
إنما أنا كنت عامل موضوع قبل كده عن الشركات الرائدة اللي ليها بصمة في تكنولوجيا السيارات , مفيش منهم ولا واحدة كورية !! السيارات الكورية ما هي إلا تقليد ولكن بشكل جميل وتقفيل نضيف إنما مش عربيات رائدة ,وجمال الشكل لا يعني أي شيئ أنت بتشتري آلة تحمل أرواح عزيزة عليك ,أنت مش بتشتري قميص !
فرق كبير بين تصنيع السيارة و بين تطوير السيارة
انا بحب الكيا جدا و شايف إنها أحسن الكوري , بس لما نيجي نقارنها بالتيدا , بالذات لإنها من شركة ليها اسهامات مؤثرة في تطوير السيارات , الوضع يختلف
انا لما بمرض بإذن الله , بروح لإستشاري أو لأستاذ طبيب , مش بروح لممارس عام أو حتى أخصائي
أنا طبعي كده !
غاوي خبرة !.
لو بتفكر تبيع فى خلال سنتين تلاتة بس يبقى سيراتو
أما بقى لو هتخليه معالك و مابتفكرش فى البيع يبقى تيدا لأنها مش كويسة فى سعر أعادة البيع
طيب اي الموتورين احسن؟؟
انا ارجح السيراتو
بس عندى رأى مختلف شويه
فكرت فى التويوتا كورولا 2009
نازله ب 117 الف
لو قدرت تتأقلم مع mmt حيكون احسن خيار
انا فعلا فكرت في الكورولا ال mmt الادفانسد بس جوزي مش عايزها عشان موضوع مشاكل الفتيس و حكاية انه مش حينزل تاني خلاص. لغاية دلوقتي التيدا هي الاقرب بس انا كنت بفكر نروح نتفرج على الابيزا الجديدة 2010 أو الكوردوبا, ايه رأيكم؟
من حبث الصناعة و الجودة و ااتقفيل يبقى تيدا
لو الشكل سيراتو
التيدا الهاتش باك تحفة تدى السيراتو بالجزمة