الموضوع: عندما يتحدث الصانع الالمانى عن نفسه (لكل عشاق السيارات الالمانية ومالكيها)

عندما يتحدث الصانع الالمانى عن نفسه فأنة يتحدث عن الامان والفخامة والرفاهية والاداء الممتاز والجودة الممتازة فما بالك بنفسك وانت تمتلك تحفة من تحف الصانع الالمانى ومدى شعورك وانت تلامس هذة التحفة بيدك وتشعر بها بين يديك وكم من شعور رائع وانت تقود تلك التحفة بما فيها من عوامل امان ورفاهية واداء اكثر من رائع
اننى لا اقدر ان اوصف لكم شعورى مدى حبى لسيارتى تلك التحفة التى ابدعها الصانع الالمانى بما فيها من مميزات وبما فيها من مواصفات وبما فيها من عيوب وبكل ما فيها فانى اعشق تلك السيارة التى صنعت بيد الصانع الالمانى الذى اتقن كل شيئ بها واصبحت بذلك المستوى الان
عندما اذهب الى سيارتى وانظر اليها فارى فى نفسى مدى حبى لها وعندما تلامس يدى باب السيارة اشعر وكانى ذاهب الى عالم اخر اشعر فية بالمتعة والهدوء وصفاء الذهن وعندما ادخل ذلك العالم الاكثر من رائع وعندما تلامس اصابعى عجلة القيادة اشعر وكاننى امتلك ذلك العالم الاكثر من رائع وعندما انطلق بها واسمع صوت زئيرها اشعر وكاننى اطير فى السماء لااسير على الارض يالة من شعور اكثر من رائع عندما تشعر وانت تقود سيارتك بالامان انه حقا احساس اكثر من رائع ويالة من احساس انك امتلكت تحفة من تحف الصانع الالمانى
فحقا ان الصانع الالمانى لة منى كل تقدير واحترام امام صناعتة لتلك التحفة التى امتلكها وان يديمها الله على نعمة

المشاركة الأصلية كتبت بواسطة SAiF3S

الالمانى و الاوربى قادم لا محاله
اللى يشوف السيارات اللى ماشيه فى الشارع هيلاقى الكثير من السيارات الالمانى مرسيدس و بى ام و فولكس و اوبل ده بخلاف الرينو ميجان والسينك وغيرها كثير
ده التطور الطبيعى المصرى بيعدى على الفيات و بعدين الكورى و بعد كده اليابانى و ينتهى بالاوربى
الالمان وخاصه فولكس سيارتهم تتمتع بجمال التصميم و جوده الخامات و التكنولوجيا العاليه المستخدمه و الثبات و المرونه العاليه فى المناوره الامان الكامل من اول انظمه الفرامل انتهاء بتصميم الكرسى اللى بتقعد عليه
الاحساس الطاغى فى ركوب الفولكس ليس التباهى بما تملك لكن ال self confidence الذى يتملكك فى نفسك كقائد للسياره فى تحكمك الكامل فى السياره بأذن الله , وليس تحكم السياره بقائدها
ده التطور بتاعى فى تملك السيارات
93-96 فيات ريتمو مو 85
97 -2000 سكودا فليشيا
2001 - 2005 دايو نوبيرا
2005 -2009 تويوتا كورولا
2009 فولكس باسات ربنا يبارك لى فيها و بها
ولو قدر لى ربى العمر و الرزق سأشترى الالمانى لان اللى بيجرب و يحس غير اللى بيسمع
انا ارى ان القبول على الأوربى بشكل عام و الفولكس بشكل خاص ستكون السمه السائده للسنوات القادمه

انت فعلا قولت وجهة نظرى فى العربيات الالمانى وانك بتتحكم فى العربية مش هى الى بتتحكم فيك وفعلا الى بيركب الالمانى ما بيعرفش يغيرة
97 - 99 جولف 2
2001 - 2007 بورا
2002 - لحد الان بيجو 206
2004 - 2007 بيجو 406
من 2009 جيتا ولا غير الالمانى بعد ذلك بأذن الله
يعنى يا استاذ SAiF3S انا لفيت لفيت ومارجعتش غير للالمانى لان هى دى العربيات الى بعتز بيها وبحب امتلكها لان فعلا هى حلال فيها كل قرش بيندفع فيها مع احترامى لملاك السيارات الاسيوية بس بجد حضرتك قولتها كلمة صحيحة انت الى بتتحكم فى العربية مش هى الى بتتحكم فيك ودا الى عارف السيارات الالمانى تركيبتها اية ونظامها اية انما مع احترامى لاى صناعة اخرى مثل اليابانى او الكورى او الفرنساوى او اى كانت صناعة اى سيارة اخرى غير الالمانى فلن تعطيك وترضيك وتشعرك بالامان والراحة والرفاهية والاداء الاكثر من رائع مثل الالمانى اكيد حضرتك وانت راكب عربيتك وماشى بيها فى هدوء وبعيد عن الزحمة اكيد بتحس من جواك بشعور ممتع انك معاك التحفة دى من تحف الصانع الالمانى والى بترضيك من جواك وتقدر تستمتع بيها وانها مش مجرد اله او محرك ولكن بتكون بالنسبالك عالم اخر من المتعة والهدوء والراحة والانسجام وبتتمنى انك تفضل فيها اكتر وقت ممكن حتى لا تنتهى تلك المتعة
لان انا فى عربيتى بتمتع بيها وانا بسوقها رغم انى ما بحب السواقة كتير بس بتمتع بالعربية دى لانى وانا راكبها بترضى غرورى من حيث القيادة والامان والرفاهية وبكل المميزات الى فيها فا ربنا يباركلنا يارب ويبارك لكل شخص عندة تحفة المانية الصنع وان يدومها الله نعمة علينا جميعا