الموضوع: سؤال فى وحدات رفع الزجاج

انا عندى زوجاج كهربه ومكنت رفع لم بقفل العربيه والحمد لله بقلها 14 سنه شغاله دى حجه عشان معظم الى فى التوكيلات بهايم ومبيعرفوش يركبو الحجات دى واقولك الدليا الهيونداى كوبيه كانت بتنزل ب ابواب فلاى او طياره دلوقتى بقت بتنزل عاديه مع ان لو جبتها من بره حتلاقى هو هو موديل السنه بس فلاى وعندنا عادى طبعان حتقول عشان دى بتنزل بره لا مش ده السبب السبب ان البهايم الى فى التوكيل مبيعرفوش يركبو البيبان الفلاى فبقو بيركبوها عادى مع ان لو رحت الحرفين مهماش توكيل ول حاجه حيركبوهالد احسن من الى نزله ببنها فلاى اتكل على الله وروح عند اى حد بتاع زوجاج كهربه فى الحرفيين وركبهم وفكك من الهرتله والافتكسات بتاعت التوكيل دى الا لو كانت حتخرجها من الضمان فى الحاله دى بعد ميخلص الضمان ركبهم

كل التوكيلات * * * * * * * * وعاوزين ياخدوا اللي في جيبك والشئ اللي بجنيه يبيعوهولك بمئة جنيه ويقولولك اصلي وهو مش اصلي وهو نفس اللي بره و في حالات كثيرة اقل من اللي بره ومغشوش.فإبعد عن اي وكيل حتى لو توكيل توك توك. وعاوزين يحسسوك إنهم فاهمين كل كبيرة و صغيرة في العربية وهما على باب الله.وبيتشرطوا في الهيافة وعلي الفاضي. وفي معلمين في ورش برا واحسن من التوكيل الف مرة وانت فاهم شغل النصبة اللي بيعملوه لما يلاقوا زبون جاي يعمل صيانة عدة الفات من الكيلومترات لعربية زيرو مافيهاش مشكلة ويقولولك حنبعت للمركز الرئيسي و بعد كده للمخازن و نستنى رد بالكمبيوتر في خلال اسبوعين الى شهر. تقولش بتعمل صيانة لحاملة طائرات ويكرهوك في اللحظة اللي فكرت تشتري فيها الماركة الزبالة بتاعت العربية وتلاقي الكلام ده في كل ماركات العربيات مش ماركة معينة.وكأنهم بيطلعوا قطعة الغيار من جلدهم.

العضو المحترم
برجاء مراعاة اداب الحوار و البعد عن السب
و الاكتفاء بعرض وجهة النظر بأسلوب موضوعي

مشرف عام .4

عاش يا رجاله أنا هاتوكل على الله و أركبهم

أحد أسباب عدم تركيب وحدات رفع وقد يكون اكسسوارات أخرى لدى التوكيل هو التهرب من المسئولية إذا حدث اى شىء فى ضفيرة الكهرباء ، أنا أرى ان السبب الرئيسى هو الرغبة فى عدم تحمل المسئولية ، بالإضافة إلى قد يكون هذا حجة للوكيل لتخريج السيارة من الضمان ، ولقد رأيت هذا على وجه مهندس الصيانة بمركز غبور ، حيث أعلن أنهم غير مسئولين تماما عن تركيب أى اكسسوارت للسيارة لدى مركز الخدمة ، وبالسؤال عن ترشيح أحد المراكز والتى تحفظ السيارة فى الضمان ، قال "مقدرش أفيدك مش مسئولينتالفو حصل حاجة فى ضفيرة الكهرباء" وعليه ذهبت إلى محل أدريان وتم تركيب وحدات رفع للسيارة ماركة غريب والتكلفة الاجمالية بالتركيب لدى أدريان 150 جنيه مع ضمان لبعض الوقت ، أو يتم الشراء من التوفيقية بقيمة 80 جنيها للوحدتين وتركيبهم لدى أدريان أو عشم نوار بقيمة خمسون جنيها للتركيب ، وأنصح بتركيبهم بالكامل لدى أدريان أو عشم نوار وعدم الشراء من التوفيقية ذلك لأنك قد تشترى أحد القطع ويكون فيها عيب ولا تعمل ثم تضطر للرجوع مرة ثانية إلى التوفيقية للتغيير.

تحياتى

طيب ممكن العناوين لو سمحت و شكرا على الإهتمام