حمد الله على سلامتك و سلامة اللوجى
عرض للطباعة
حمد الله على سلامتك و سلامة اللوجى
أهم حاجة ان انتا بخير , وقدر ولطف.
ألف سلامة على حضرتك و سلامة الاسرة والعربية
قدر الله و ما شاء فعل
حمدلله عالسلامة و فداك يا باشا اي حاجة طالما انت كويس
انا كان حصل معايا نفس الموقف بس انا كنت ماشي بالليل في طريق صحراوي و كنت ماشي علي 140 و كان فيه مقابل في وشي لن الطريق رايح جاي مع بعض للأسف
و انا بحب دايما انا و سايق بالليل استخدم النور بدون ما آذي اللي جاي في المقابل و بفضل انور و اطفي كل شوية عشان المقابل يقدر يشوف الطريق
المهم انا طفيت النور و ماشي علي 140 ولما جيت انور النور تاني لقيت قدامي حجر في و سط الطريق من اللي بيحطوه بتوع التريلات لما يبقوا واقفين في الطريق بيغيروا كاوتش او بيعملوا حاجة في العربية و مافيش غير اني يا اما اخده في وسط العربية بين العجلات او اني اروح يمين او شمال و ابعد عنه
للأسف المسافة كانت قريبة جدا و ما كنش ينفع افادية عشان العربية ما تروغش مني بسبب السرعة و بسبب المقابل اللي ممكن يتلخم و يعمل كارثة طبعا قررت ان اخده في النص و زي ما تيجي
انا طبعا سمعت صوت خبطة تحت العربية بس العربية ما غيرتش مكانها و لا اترفعت و لا حاجة
طبعا انا موقفتش لأن الطريق ضلمة و مش امان
فضلت طول ما انا ماشي كل شوية ابص علي لمبة الزيت لأني كنت خايف لتكون الخبطة جت في الكرتيرة و لا حاجة مع انني عارف ان العربية مصفحة من تحت الموتور و دي ميزة كبيرة جدا لنا في شوارع مصر
المهم رحت مشواري ورجعت و الدنيا حلوة
تاني يوم نزلت تحت العربية و قعدت ابص فيها من تحت عشان اعرف مكان الخبطة مالقيتش اي اثر الا خبطة بسيطة جدا في ماسورة الشكمان ممكن تكون بسبب الحجر دا
الحمدلله علي كدا و طبعا و انا في الصيانة طلبت من الناس اللي مركز الخدمة يراجعوا عالعربية من تحت و قالوا كله تمام
العربية فعلا مارتفاعها عن الأرض بيحميها من بلاوي كتيرة في شوارعنا الزفت و بالذات المطبات الغريبة اللي بنعدي عليا
عموما الف حمدلله عالسلامة
الحمد لله على كل حال
ألف سلامة على حضرتك المهم انت كويس
حمدا لله على سلامتك ويقوم العروسة بالسلامة إن شاء الله
قدر الله وما شاء فعل المهم أنك بخير
ميرسي جدا لشعوركم
وباذن الله تطلع حاجة بسيطة لان صاج العربية وجسمها والموتور ومن تحت سليم
لكن انا اللي شوفته هو ان الفوج لايت الشمال الشاسيهات بتاعته راحت وتقريبا في عوجة بسيطة جدا في المقص الشمال برضه والكارتير بتاع العجل والجنط اتعوج الشمال برضه
يعني وحكة في الاكصدام بس غالبا دي الحاجات الظاهرة
وبكره اعرف المقايسة وابلغكم
وربنا يحمي الناس كلها من الاهمال بجد
عشان العربية اللي كانت موقعة الحجارة دي لما وصل عربيات النجدة وكده كان مفروض يشيلوا اثار الحادث مش يسيبوها كده
والغريب اني نزلت اكتوبر اعمل محضر عشان التامين فبيسالني الحادثة فين فرديت عليه بسلامة نية قولت له علي الدائري قالي يبقي روح قسم العجوزة دي مش تبعنا
المهم روحت كده ناحية هايبر وان لقيت عربية دورية واقفة عند الشارع الجانبي في مدخل الشيخ زايد
سالت امين الشرطة ايه اللي ممكن نعمله عشان نبلغ في اي قسم هنا قالي انا هعمل معاك واجب وانت قول ان الكلام ده حصل معاك وانت طالع من الهايبر راح هو مبلغ النجدة عن ان الحادث حصل قدامه
وطبعا احنا تحت امرك ياباشا وانا صدقني خدمتك ومش عارف طبعا اديت له فلوس عشان بصراحة انا كنت علي اخري ومش عارف اروح العجوزة دي ازاي قولت اخلص وخلاص
جت عربية النجدة خدتني لقسم الشيخ زايد بس اول مرة اشوف قسم في مصر محترم زي القسم ده
عملت المحضر اخدت صورة منه مختومة ( الصراحة انا طلبت كده والراجل مدير المباحث وافق علي طول ) يعني بصراحة معاملة محترمة جدا ياريت تكون في كل الاقسام
بس وبكره المعاينة بتاعة التامين في التوكيل وربنا يسهل
ياريت لو حد ليه خبرة في الحاجات دي يقولي في حاجة اعملها او كده ولا انا ماشي كده صح لاني اول مرة اتعامل في موقف زي ده
وميرسي كتييييييييير
حمد الله على سلامتك و سلامة لوجي و ان شاء الله تكون الدنيا كويسة و مفيش حاجة كبيرة و التأمين يشيل كلو بدون ما يفتح بقوا
بس سؤال هو فلوس المقايسة دي لما تصلح العربية عندهم بيخصموها من التوتال يعني لو هتدفع 1000 جنيه تدفع 500 ولا بياخدوها و خلاص؟!