بنات بتستهبل وشوفت بنات كتير فى المولات بتشرب شيشة وكمان سجاير لزوم المشاوير
النصيبة فى القانون اللى هيتطبق جديد ده لو اطبق تبقا حوووووووسة على اللى متجوزين
ان اى زوج يزعل زوجته او حاجة يتحكم عليه بكنس ومسح الشارع او دارالايتام او المراحيض :D
عرض للطباعة
بنات بتستهبل وشوفت بنات كتير فى المولات بتشرب شيشة وكمان سجاير لزوم المشاوير
النصيبة فى القانون اللى هيتطبق جديد ده لو اطبق تبقا حوووووووسة على اللى متجوزين
ان اى زوج يزعل زوجته او حاجة يتحكم عليه بكنس ومسح الشارع او دارالايتام او المراحيض :D
هو احنا ليه محموقين علي البنات بس أما تشرب شيشة ولا سجاير؟؟؟؟
مش دول بنيأدمين برده و لا هما من كوكب تاني...و اشمعنا الرجالة أما بتشرب محدش بيقول عيب و رجالة اخر زمن و الكلام ده؟؟؟
أنا معاكوا ان المنظر غريب و الركنة غريبة و حاجة المفروض متحصلش بالشكل ده لكن لو كانوا 3 شباب هما العملوا كده مش كنا هنقعد نضحك و نهرج؟؟
أنا معرفش البنات دول و الحمدلله عمري ماشربت سجاير أو شيشة...لكن مدايقني ان الحديث تحول لمناقشة حال البنات اللي بتشرب شيشة مش حال اللي بيشربوها عموما!!
أسف لو كان كلامي دايق حد
fahd_628 قال بنات اية دية دول بنات الشيشه
يا نادر احنا بنقول عليهم الجنس اللطيف، تخيل واحد متجوز واحدة وقاعدين في كافيترية وهي قاعدة تشيش وهو لأ!! فين الرقة مع سحب الدخان اللي بتطلع من المدخنة؟!
وهل انت ترضى تتجوز واحدة بتشيش ولابتشرب سجاير؟؟ دة في بنات بيشطرطوا على خطابهم انهم يبطلوا سجاير قبل الجواز ... دلوقتي الاية هتتعكس؟!
أنا موفقك تماما يا نادر في كلامك و عندي في الجامعة ما أكثرهم...بيبقوا في منتهى الجمال و أفاجأ بعد محاضرة ولا بتاع ألاقيها ماسكة السيجارة و بتشد و بتولع لصاحبها...أنا مش معترض يعملوا كده ولا ميعملوش دي حاجة ترجعلهم زي ما بترجع لكل الشباب و الرجالة برده...
أنا بس معترض علي فكرة ان البنات تعمل و متعملش..اللي احنا شايفينه مينفعش ناس كتير ممكن تكون شايفة عكس كده و مقتنعين بده
بس دول اكيد متاثرين بثقافة مجتمعات اخري قد نعتبر نحن عاداتها غريبة او شاذة ومن هنا ياتي التعجب.اقتباس:
أنا بس معترض علي فكرة ان البنات تعمل و متعملش..اللي احنا شايفينه مينفعش ناس كتير ممكن تكون شايفة عكس كده و مقتنعين بده
مش مجتمعات خارجية أد ما هي بيئة الواحد بيبقى عايش فيها من صغره أو اتحط فيها...
زي مثلا تكون البنت شلتها فيهم بنات بتدخن تقوم عامله كده زيهم....أو تكون العائلة شاغله شيشة و سجاير في البيت فا يترسب في ذهنها الموضوع ده....و ده علي فكره ينطبق علي الجنسين
و من هنا الIdentity أو الهوية بتاعت الانسان بتبان سواء كان قوي فيها و متمسك بقيمه وأخلاقة أو الموضوع بالنسباله أي حاجة و خلاص و مش فارقة في حاجة.....و ده برده بينطبق علي جميع السلوكيات الخاطئة اللي بنشوفها كل يوم حوالينا...و المصيبة انها بقت حاجات عادية!!
استاذ نادر نبيل الموضوع فى سؤال
هل توافق ان تتزوج واحدة بتشرب شيشة او سجاير
هل توافق ان ابنتك تشرب شيشة او سجائر
فى كلا الحالتين سواء فى الاماكن العامة او لا
هو دة لب الموضوع ...اقتباس:
المصيبة انها بقت حاجات عادية!!
في جميع الأحوال لا و ألف لا...عشان مبدئي ان الدخان بجميع اشكاله مضيعة للصحة والفلوس و الوقت...و لأن ده مبدئي في الحياة اللي عايز يمشي بيه أهلا و سهلا اللي مش عايز بالسلامة (مراتي قبل ماتجوزها مش بنتي :) )
تاني حاجة لو ركزت في كلامي يا أستاذ وائل هتلاقيني معترض بس على حتة الناس تعمل و متعملش...للمرة التانية بقول الناس حره تعمل اللي هيه عايزاه..كل واحد ينا علي الجنب اللي يريحه