حاجة غريبة فعلاً!!اقتباس:
يعني لو كان راجل اللي بيشيش كدا كان الموضوع هيبقى عادي؟
بصراحة الموضوع ذكوري و أتقلب للجدل حول شرعية الشيشة للست... يعني هو ربنا حرم على الستات الدخان و حلله لينا؟
حاجة غريبة فعلاً....!
عرض للطباعة
حاجة غريبة فعلاً!!اقتباس:
يعني لو كان راجل اللي بيشيش كدا كان الموضوع هيبقى عادي؟
بصراحة الموضوع ذكوري و أتقلب للجدل حول شرعية الشيشة للست... يعني هو ربنا حرم على الستات الدخان و حلله لينا؟
حاجة غريبة فعلاً....!
roxer
انا مش شايف ان الموضوع حاليا بقى ذكوري و لا حتى كوري
احنا بقالنا 10 مشاركات بنتكلم في الحرية الشخصية البحتة ..
للولد و البنت و الشايب و الله العظيم
و ارجو من سعادتك قراءة المداخلات بتأني
بس كده
بالنسبة يا جماعة لوضوع الركنة في مكان هناك اسمه علاء الدين بيقدملك الشيشه في العربية مش البنات بس اللي بتقف الوقفة دي ده علي طول كدة هناك بنات وعائلات وشباب بيقفوا علشان يشربوا الشيشة في العربية
يشربو شيشة يشربوا سم فران هم حرين ، كل واحد مسئول عن نفسه
لكن الصف التانى والبحاجة وسد الشوارع علشان خاطر الشيشة ، هى دى السفالة الحقيقية لأن ده اعتداء على حقوق الغير
والله ياجماعة انا شايف ان هؤلاء لايمثلون بنات مصر ولا حتى الشباب ! هم قلة منحرفة لا تلقى العناية الكاملة من اهاليهم سواء فى التربية او النشئة السليمة !
يعنى الامر لايتعدى بيتهم واساسة ولاداعى للبكاء عن مصر وبنات مصر لانهم بأذن الله بكل خير ، لان منهم اختى واختك واقاربى واقاربك ، وفى هذه الحالة سوف ترى بنفسك اننا ما زلنا بكل خير !!!!1
بنات مصر مش بنات مصر
طول مافي شيشة ( و انا بشيش علي فكرة ) و طول مفي سجاير ( بكرها دي بقى :)
متسألوش عن اي حاجة .. ست راجل او حتى كلب ..
ياجماعة احنا ليه بنضحك علي نفسنا ؟؟
احنا عاملين زي واحد يروح ديسكو و لا pub او بار .. و يرقص ويعمل الي هو عايزه .. و يقوم جاي طالب بيبسي ...ليه يا عم ؟ اصل الكحول حرام ..
الفكرة طول مافي مبيئات موجودة , طول ماحيبقى في كدة و العن !!
بس ببتحول لمشكلة عندنا فقط لما البنات يبدأو يمارسوها !
يعني كام الف واحد بيشتم التاني في اليوم
لو واحدة وقفت تشتم واحد او واحدة ... الشارع كله يقف يتفرج !
وبصراحة الشخص رجل ام ست , طلاما قبل ان يشيش او يشرب سجائر .. يبقى مالوش حق يستعجب من اي حاجة ...
ده قهوة أسمها علاء الدين و الطلبات فى السيارات
كار ديليفري يعني!!
مساء الخير ياشباب
طبعا أنا قرأت كل مشاركاتكم وعايز أقول
أن شرب السجاير والشيشه للبنات ظاهره غريبه على مجتمعنا عشان كده أستدعت الأنتباه وواجب أنتقادها بغض النظر بقى عن كونك بتدخن ولا لأ أو الحرام والحلال ...الخ
وبعدين إذا كان الشباب بيدخنوا لمجرد التقليد أو العاده أوأي سبب تاني فالبنات بتدخن بس لمجرد لفت الأنتباه أو أحساسها بأن حقوقها في المجتمع (كبنت ) مهضومه فبتحاول أنها تثبت أنها زيها زي الراجل في كل شيء بس ماتعرقش أنها بكده بتفقد أنوثتها على الأقل في نظر أي رجل هيشوفها كده
وعايز أقول كمان أن أنتا لما بتقوم عشان تقغد بنت في المترو مثلا أو الأوتوبيس ده لأنها أنثى (المفروض جنس لطيف (يالطيف منهم يالطيف)) مش هتعمل ده لو شفتها بتشرب شيشه قبل ماتركب لأنها خلاص هتبقى سقطت من نظرك وهذا رأيي الشخصي فقط
يا جماعه نقطة توضيحيه للناس عشان الأمور تكون واضحة للكل
أنا إعتراضى الأول على الركنه فى مكان ذى ده
إعتراضى التانى إن الركنه كمان عشان حاجة ذى دى (الشيشة)
إعتراضى الثالث على سلوك التشيش نفسه (سواء من واحد أو واحده)
طبعا الإعتراض الأخير بيكبر و يزيد إن الفعل من واحده لسبب واحد و بس عشان برده الناس فاهمنى غلط :
دلوقت لما بشوف واحد لابس بطريقة ما و بيتكلم بطريقة ما تحس منها إنه GAY بستنكر سلوكه و منظره و بكون قرفان منه
نفس الشئ لما بشوف واحده مسترجله أو بتعمل أى فعل متنافى مع الطبيعة الأنثوية إللى إحنا عارفينها من خلال ثقافة مجتمعنا برده بستنكر ده
يعنى أنا ضد التخنيث أو الجنس الثالث أو أيا كان المسمى أحب الشوف الراجل راجل و البنت بنت تاعمة و كلها أنوثه مش مسترجلة ولا تنزل تلاعبنى عشرة طاوله
يعنى الإعتراض على السلوك الغير حضارى هو الأساس أما الإعتراض إن السلوك صادر عن بنت ده لسبب تانى و بوضحه تانى إن البنت المفرود تظل مؤنثه و الراجل المفرود يظل مذكر
مثال أخير لو إنت ماشى فى الشارع و شوفت واحدة شايلة شعرها زيرو و بتروح تلعب جيم معاك و ماشية مسترجلة فى لبسها و كلامها و إسلوبها هاتنفر منها ولا ممكن تعجب بيها و تروح تتقدم لها ؟
المفرود الراجل بيحب فى المرأه أنوثتها و المرأة بتحب فى الراجل رجولته
كل ده بعيد عن مقاييس تانية ذى الدين أو الأخلاق أو أى حاجة دى الفطرة و بس بعيد عن الحريات و كل واحد يعمل إللى هو عايزة أنا مش بطالبها إنها ماتشيش ولا ماتحششش
لكن فى نفس الوقت مش تركن صف تانى و أنا و إنت نتحرق بجاز لأن دى مش حرية
فى نفس الوقت ذى ما كلنا عارفيين
لما هاتشيش سواء واحد أو واحده إنت مش حر لأنك :
1- لوثت الهواء إللى كلنا بتنفسه
2- أخدت دور واحد مريض و سريره فى مستشفى أو عيادة
3- أذيت حد بجوارك بتدخينك إللى خلاه يدخن معاك السلبى و التدخين السلبى خطورته أكبر
4- كنت قدوة سيئة لغيرك وده من أحد أسباب نشر الفساد
5- ضيعت من وقتك إللى المفرود هو بيتحسب فى الناتج القومى لبلدك و ضيعت من وقت الطبيب إللى عالجك و ضيعت من فلوسك رقم ما فى الآخر بيتحول لعملة صعبه فى إستيراد التبغ
تعرفوا إن فى شركات كثير بتسأل فى الإنترفيوهات بتاعتها إنت مدخن ولا لأ ؟ و المدخن بيكون فرصته فى العمل أقل - ده لأن المدخن بيضيع وقت كثير على شركته لما يقوم يدخن و يرجع تانى كام مره فى اليوم أنا معايا واحد زميلى فى شغلى بيدخن فى توقيت العمل حوالى 15 سيجارة بحسبة بسيطة كده لأن التدخين ممنوع داخل المبنى أو فى الأماكن المغلقة فبيطلع الرووف هانلاقى إن كل سيجارة على حد أدنى بتضيع من 10 ل 15 دقيقة ده لو مش بيضيع وقت أوى يعنى = هانقول متوسط 12 * 15 = 180 دقيقة تقريبا فى اليوم يعنى 3 ساعات !!!!!!!!!!!!!!!!!!!!
طبعا ده غير المصاريف و الوقت إللى بيضيعهم لما يروح لزيارة الدكتور و العلاج على حساب شركته