الموضوع: ::خدمة جديدة لكل أصحاب السيارات الآن فى مصر::

المشاركة الأصلية كتبت بواسطة الريس

طيب السؤال المعاكس
توافق ان اختك او بنتك تتجوز واحد بيشرب شيشة او مدخن

المبادئ لا تتجزأ

أولا ديه حايتها هيه...مش حاياتي أنا يعني هيه خارج نطاق مبادئي
ثانيا انا علي اني أنصحها و أعرفها السلبيات من ورا الموضوع ده و علي برده اني أسأل عن الولد ده كويس قبل اي حاجة
ثالثا لو فرضنا انه تمت الموافقة عليه أنا هروح انصحه و أقعد معاه قاعده نتكلم عن الموضوع ده...يبقي كده أنا نصحت و أرشدت جميع الأطراف بالصح أو اللي مفروض يتعمل...هنرجع تاني لنقطة كل واحد ينام علي الجنب اللي يريحه

هتسألني دي أختك أو بنتك هقولك أيوه...هما ليهم حايتهم الخاصة ذي ما انا ليه بالظبط و أكيد ليهم مبادئهم اللي ممكن تكون مختلفه عني

للاسف اختلف مع حضرتك ... المجتمع المصري له طبيعة خاصة .. و هي ان الابن او الابنة بيكونو قاعدين و لابدين للاب و الام .. و معتمدين عليهم كلية
لا في استقلال مادي و لا معنوي
و لا في وعي
و لا تحمل للمسئولية
فمينفعش (في وجهة نظري) اسيبه و اقول دي حياته
لانه و لانها معندهمش تاهيل كافي .. للحكم الصح على الامور
بمعنى تاني
لو انا جايب لابني الشقة و العربية و دافع المهر من جيبي ّّ!! مينفعش يقول لي انا هاخد بنت البواب مع كامل احترامي لكل عمل شريف
مش عارف الفكرة بتاعتي واضحة و لا لأ

يمكن البنات دول كمان كانو في ساعة خظ دلوتي الجنس اثالث انتشر في البلد

المشاركة الأصلية كتبت بواسطة الريس

للاسف اختلف مع حضرتك ... المجتمع المصري له طبيعة خاصة .. و هي ان الابن او الابنة بيكونو قاعدين و لابدين للاب و الام .. و معتمدين عليهم كلية
لا في استقلال مادي و لا معنوي
و لا في وعي
و لا تحمل للمسئولية
فمينفعش (في وجهة نظري) اسيبه و اقول دي حياته
لانه و لانها معندهمش تاهيل كافي .. للحكم الصح على الامور
بمعنى تاني
لو انا جايب لابني الشقة و العربية و دافع المهر من جيبي ّّ!! مينفعش يقول لي انا هاخد بنت البواب مع كامل احترامي لكل عمل شريف
مش عارف الفكرة بتاعتي واضحة و لا لأ

أنا شخصيا لو ربنا أداني زوجة و جبت ولاد ..هعلمهم يعني شخصية..يعني ايه استقلال...يعني اية مسؤلية...يعني ايه مشاعر ..و يعني ايه حب.
هعلمهم ياخدوا قرارتهم بنفسهم مش كل حاجة ماما تقول أه و بابا يقول لأ...عشان اما يجي يتحط في مواقف الحياه يبقي معتمد علي نفسه و مستقل بذاته و عارف كويس العواقب من اتخاذ هذا القرار.
المصايب اللي احنا بنشفها من الجيل بتاعي ده ناتج عن عدم وجود شخصية محدده داخل كل شاب و فتاه..شوية تلاقيه عايز يرضي اللي قدامه..و شوية عايز يشبع رغبته..و شوية تلاقيه مش عارف هوه عايز ايه أصلا...الشباب مش هامه غير انه يبقى مبسوط و باسط الناس اللي حواليه بأفعاله و تصرفاته

أنا علي فكره مستمتع بالحديث جدا

انت حر مالم تضر
و ممكن اجيبلك 10 اسباب للضرر

ضياع صحتك
فلوسك
استثمار اهلك اللي تعبو و شقيو فيك
بتحجز مكان واحد عيان في المستشفى لسبب مالوش ذنب فيه
شكلك و رائحتك مؤذية
التبغ بيستورد .. يعني فلوس راحة لناس تانية
بتشجع ناس يقلدوك
بتشجع ناس يشتغلو في الحاجات دي (قهاوي و خلافه)
بتدي مثل سيء لاولادك
و اخر و اهم حاجة ....... بتغضب ربك

أنا شخصيا لو ربنا أداني زوجة و جبت ولاد ..هعلمهم يعني شخصية..يعني ايه استقلال...يعني اية مسؤلية...يعني ايه مشاعر ..و يعني ايه حب.
هعلمهم ياخدوا قرارتهم بنفسهم مش كل حاجة ماما تقول أه و بابا يقول لأ...عشان اما يجي يتحط في مواقف الحياه يبقي معتمد علي نفسه و مستقل بذاته و عارف كويس العواقب من اتخاذ هذا القرار.
المصايب اللي احنا بنشفها من الجيل بتاعي ده ناتج عن عدم وجود شخصية محدده داخل كل شاب و فتاه..شوية تلاقيه عايز يرضي اللي قدامه..و شوية عايز يشبع رغبته..و شوية تلاقيه مش عارف هوه عايز ايه أصلا...الشباب مش هامه غير انه يبقى مبسوط و باسط الناس اللي حواليه بأفعاله و تصرفاته

أنا علي فكره مستمتع بالحديث جدا

و انا كمان مستمتع بالحوار الهادي و المحترم بتاع حضرتك:)
من وجهة نظري المتواضعة
الحرية الشخصية لها شروط
و لها كمان حدود

الشروط:
العقل .. الوعي .. الخبرة بالعواقب

الحدود:
الا تؤثر سلبيا على اخرين
ان تنمو في بيئة تؤمن بالحرية ... كمسئولية
الا تتنافى مع الفطرة

انا لو طبقت ده على التدخين .. هلاقيه تعدي على كل الشروط و الحدود
بس كده

كلام مظبوط تماما...بس مين يسمع و يعمل!!
واجبنا احنا تجاه اولادنا نعلمهم كده على الأقل يبقي زرعنا فيهم حاجة كويسه تفيدهم و تفيدد الناس اللي حواليهم