نصيحة بخصوص البنزين لكل أصحاب السيارات

**ssafwat** · 04-06-2008 01:44 AM

بما إن كان في نقاش من شوية عن البنزين وده وصلنا لنوع البنزين عندي نصيحة لأي حد عنده عربية.

رجاء تفادوا محطات البنزين القديمة !!

وبالقديمة أقصد اللي بقالها أكثر من 10 سنين مثلا في مكانها من غير تجديد. المشكلة في محطات البنزين نه لازم بعد فترة معينة (انا معرفش هيا كام سنة الصراحة) لازم تتخلع الأرض وتتغير التنكات اللي في الأرض وده مش بيحصل في مصر الا نادراً وبتكون نتيجته ان التنك اللي بيتسحب منه جوه عربيتك بيكون فيه صدا وشوائب تخش جوة عربيتك تسد فلتر البنزين أو الأضل سبيلا انها تسد طلمبة البنزين لو مافيش في عربيتك فلتر.

أنظف محطات دلوقتي وطنية لأن كل محطاتهم جديدة ولا يجرؤا يغشوا البنزين بميه او سولار زي ما بيحصل في بعض المحطات التانية والسبب ان وطنية ملك الجيش لن جميع المحطات التانية موبيل وشل مملوكة لأفراد وكل واحد وضميره بقه.

**the-hero** · 04-06-2008 02:27 AM

الف شكر يا نجم على النصحية

**ssafwat** · 04-06-2008 02:52 AM

العفو يا هيرو بس ياريت تنشروا النصيحة دي لكل الناس اللي عندعم عربيات اللي تعرفوهم

**the-hero** · 04-06-2008 10:57 PM

المشاركة الأصلية كتبت بواسطة the-hero

الف شكر يا نجم على النصحية

ههههههههههههههههههههههههه هههههههههههههههههههه
تانى انا
أما انا طلعت غنداف خالص

**ssafwat** · 05-06-2008 02:32 AM

Lol معلش حتاخد وقت على ممتعود :)

**the-hero** · 05-06-2008 06:36 PM

لا لا خلاص كدا هاخد بالى من كل الأعضاء وبالنسبة ليكى خلاص سميتك نجمةالمنتدى
star.Peugeot

**TOLDO** · 05-06-2008 10:48 PM

فعلا عندك حق انظف المحطات هية الوطنية لسة فاتحة واحدة جديدة فمدينة نصر الحي العاشر

رووعة حدمتها جميلة جدا و فيها سوبر ماركت خرافي بيبيع كل ادوات تنظيف العربية و الجنوط و الفرش و كلو كلو

كفاية كلام بقى عنها لتفتكروا اني شغال هناك ولا حاجة هههههههههه

شكرا على النصيحة فعلا الواحد مش واخد بالو من الموضوع دا

تحياتي

**ssafwat** · 06-06-2008 02:42 AM

star.Peugeot!! لقب كبير عليا جداّ جداً يا هيرو :$

صح يا تولدو محطة العاشر اجدد واحدة وأكبرهم في الحجم لكن فعلاً محطات وطنية هايلين حتى في الغسيل تحفة وده منطقة ما كلهم مجدندين

**dr_3eshoo** · 06-06-2008 03:51 PM

الف شكر بس اجيب و طنيه منين انا في اكتوبر و كل الي اعرفه موبيل بتاعت اون زا رن

**Xpert** · 06-06-2008 08:33 PM

هيا فعلاً صح .. علشان التنكات بتصدي و تعمل رواسب في البنزين .. بس انا مثلاُ معندناش غير 3 بنزينات .. فلازم تتعامل ... بس نصيحه .. ركبوا فلتر بنزين تاني كمان زياده ...