http://storage.conduit.com/50/26/ct2.../....89223.gif قول في المواقف الجايه دي هاتتصرف ازاي ..
1_ لو طلع لك عفريت في يوم هاتعمل ايه؟
استعيذ بالله من الشيطان الرجيم المعوذتان واية الكرسي 2_ لو حسيت ان في عفريت موجود في المكان اللى انت فيه هاتعمل ايه؟
سورة البقرة 3_ لو حد قالك انك ملبوس هاتتصرف ازاي؟
ارقي نفسي 4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
الحمد لله مباخفش 5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
ها هشه 6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟
هبص ورا اشوف مين 7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
حصلت معايا قبل كده والحمد لله ماخفتش 8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
هتفش العفريت منها...... ده انا دافع فلوس عشان اصيف 9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
الله يرحمه هو جد لاقي شقق 10_ اشتريت عربيه وطلع ان واحد كان مقتول فيها؟
ده احنا بنجيب قطع غيار استراد لعربيات عمله حوادث بس العفريت مبيكونش فيها جايز مجاش مع الشحن 11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
هاحمض الصورة تاني اكيد المصوراتي غلط في التحميض 12_ قالولك ان البيت ده مسكون تعالا ندخله هاتدخل ولا لا؟
هدخل وحصلت بجد بس كانت مزرعة فراخ مهجوره من سنين 13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
صعب اوي المشهد ده اولا العفريت لا يسطتع فتح باب 14_ احكي لنا عن موقف مع العفارين حصل لك وعمرك ماتنساه؟
ما عفريت الا بن ادم 15_ شفت حد ملبوس قبل كده؟
كتير وحضرت علاجات كتيرة 16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
حصلت كان راجل ميت من اسبوع وكنت مع الشرطة وهيه بتكسر الباب بس الى تعبني اوي الريحه بتعته 17_ تقدر تروح بيت مسكون وتقعد فيه لوحدك يوم كامل؟
ممكن 18_ سمعت قبل كده اصوات خوفتك ؟ امتي ؟ وفين؟
مش خوف ممكن خضتني اكون لوحدي في الشقة وحاجة تقع مرة وحدة وحصلت قبل كده 19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
عادي هو حد لاقي شقق فضيه عشان اسيب شقتي عشان عفريت 20_ تقدر تروح الاماكن دي بالليل لوحدك ومن غير اى وسيله اتصال بالناس :_
1_ المقابر حصلت في مقابر بعين شمس في شارع احمد عصمت دخاتها باليل تحدي مع واحد صحبي
2_ جبل في منطقة بعيده حصلت كنت شغال في شركة مقاولات في راس سدر
3_ تبقي في مركب في عرض البحر حصلت في اسكندرية في ابو قير بس ماكنتش لوحدي مركب صيد
21_ انت خواف بنسبه كام في الميه؟
100% من الله غير كده العمر واحد والانسان بيموت مرة وحده ومايكنش ناقص عمر 22_ ايه رايك في الصوره دي
حلوه جرافك ممتاز دي اخر صوره تم التقاطها في19 ديسمبر سنة 2003 في قصر هامبوتن المسكون ؟
23_ ايه اكتر فيلم رعب بتحبه؟ بعض افلام الرعب بيعجبني دماغ المؤلف والمخرج