الفرنسيين عاملين مظاهرة عشان حصار غزة

**PRO-DRIVE** · 29-12-2009 02:52 AM

السادة مناصري حقوق الانسان لديهم عناوين سفارات الكيان الغاصب الذي يحتل و يقتل و يحاصر و يستطيع ان ينظم حملة ضدهم لمقاطعة البضائع او ما يريدوا ان يفعلوه

فعلا حصل و كل المنتجات اللي طالعه من المستوطنات الاسرائيليه اتحط عليها علامه عشان المشتري يقرر يدعمهم ولا لا

و لا هو تحميل مصر لمسئولية القطاع بأي شكل و خلاص رمي جتت

و نجي بعد كده لما صاروخ يطلع من غزة يحملوا مصر المسئولية

اذا كان كلامك علي الانفاق فا هي اصغر بكتير من ان يعدي منها صواريخ منها دا بعتراف السياسيين المصريين , بعدين هي مصر فيها سلاح عشان تدخله !!

اضافة الي اننا لسنا في حال يسمح لنا لا بدعم المقاومة و تحمل الضغوط الخارجية او القتال الشامل

و بالتالي هنكون اتاخدنا من الدار للنار زي ما بيقولوا بلا استعداد و لا اي شئ

محدش طلب اي حاجه من دي !! كل المطالب ان مصر توافق تفتح المعبر عشان المعونات تدخل غزه !

و مصر تمسك في حماس و نقعد نضرب احنا في بعض

فعلا مصر بتعاقب حماس و بتلو دراعها ! امال مش راضيين ندخل حاجه ليه ؟

و عليه فليتفضل المتظاهرين الفرنسين " ذوي الاصول العربية لبعضهم " بالسفر الي تل ابيب و التظاهر هناك في بلاد الديموقراطية

كان في واحد واقف معاهم امبارح رافع لافته كاتب عليها
I'm Jew not Zionist

**youssefmustang** · 29-12-2009 05:35 AM

المشاركة الأصلية كتبت بواسطة shnory

هو لما المصريين كانو بيعملوا مظاهرات وبتوصل لدرجه ان فينا ناس بتموت وبتتكسر وبتتحبس
حضرتك كنت فين ؟؟؟؟
بترص حجاره علي الشيشه ؟؟
ولا عايش في بلد تانيه ومعندكش تليفزيون ؟؟؟؟؟؟؟؟
انا كنت داخل اتناقش في الموضوع لحد ما لقيت السطر ده
وعموما حتي لو احنا معملناش فمش علشان هما عملوا احنا لازم نعمل
وكانت عندك مظاهره الفرنسيين كنت نزلت وقفت فيها
ولا يمكن علشان حضرتك كنت في الهرم لفتت نظرك الحجاره علشان مرصوصه من 7000 سنه وقولت لازم تترص بطريقه متطوره وحضاريه
ملحوظه:
احنا اتظاهرنا من كام يوم ورفعنا علم مصر علي عربياتنا
ورصينا العربيات بطريقه حضاريه متطوره

ومالك ........*اوى كده على الشعب المصرى وما تقلقش يا اخويا انا كل يوم بعدى على الجامعة وعلى سفارة اسرائيل وعلى سفارة فرنسا وروسيا وعلى الفور سيزون وعندى تلفزيون
وردا على ردك المستفز اللى يخلى اى شخص يشتم ويطرد بره المنتدى
عايز اعرفك حاجة بس انا اتعرض عليا اخش مظاهرة بـ 50 جنيه عشان ايه معرفش تقريبا عشان امن الدولة يمسكونى وانت................* فهمت ليه ايه اللى خلانى اقولك حجارة ومش حجارة يعنى عايزنى اخش المظاهرة بلفوس بيشرو الناس بالفلوس وبيشترو هتافات الناس بالفلوس
وبالمناسبة الحكومة الحلوة لما بعض الناس فكرة تقف مع الفرنسيين دول فى المظاهرة الشرطة طردتهم ومشيتهم عشان خايفين على الفرنسيين قال يعنى لما احنا هنخش المظاهرة هفجرهم وهنموتهم يعنى حتى كده مكنتش هعرف انزل المظاهرة
...... واتمنى ان يكون ردك المرة الجاية مايكونش مستفز كده عشان ماوصلهاش للأدارة وتبقى مشكلة

------------------------
تم حصولك على تحذير لمخالفة القاعدة رقم 13 من قواعد المنتدى
ل ف م

**youssefmustang** · 29-12-2009 05:38 AM

المشاركة الأصلية كتبت بواسطة M0dY

ايه علاقه ده ....
نزلت انا وزميلتى الاهرامات وركبنا الجمل طبعا بعد رعب شديد من الجمل تقريبا عشان اول مرة اركبه وهى تصوت جامد انا لازم انزل يعنى لازم انزل من هنا لهنا بالعافية لما رضيت
بده ....

الفرنسييين هما عاملين مظاهرة قدام سفارة فرنسا ببص لاقيتهم ماسكين اعلام فلسطين ونازلين هتفات طبعا ما تفهمش حاجة من اللى بيقولوهالفرنسيين دمهم اتحرق على اخونا الفلسطنين واحنا بنفكر نرص حجر الشيشة بطريقة متقدمة ومتطورة

بحكى الموضوع من اوله وبدايته بطريقة عشم ومحبة مع اعضاء نايل موتورز
وشكلى كده هيكون اخر موضوع ممكن اشارك فيه فى المنتدى الاجتماعى عشان الناس داخلة عمالة ترمى بالكلام اللى يحرق الدم

**zaza_lanos** · 29-12-2009 09:08 AM

احنا ورانا مصالح يا عم الحج

**nab!l** · 29-12-2009 09:16 AM

المشاركة الأصلية كتبت بواسطة zaza_lanos

احنا ورانا مصالح يا عم الحج

مصالح والتزامات وبيوت ومسئوليات كتير

**nab!l** · 29-12-2009 09:17 AM

المشاركة الأصلية كتبت بواسطة youssef_00

بحكى الموضوع من اوله وبدايته بطريقة عشم ومحبة مع اعضاء نايل موتورز
وشكلى كده هيكون اخر موضوع ممكن اشارك فيه فى المنتدى الاجتماعى عشان الناس داخلة عمالة ترمى بالكلام اللى يحرق الدم

ياباشا احنا هنا اخواتبس الموضوع ملوش علاقة بزميلتك خاااالص

**Dr Zezo** · 29-12-2009 09:36 AM

اذا كان كلامك علي الانفاق فا هي اصغر بكتير من ان يعدي منها صواريخ منها دا بعتراف السياسيين المصريين , بعدين هي مصر فيها سلاح عشان تدخله !!

لا طبعا مش قصدي علي الانفاق ...

انا قصدي النهاردة لما صاروخ بيطلع من غزة الحكومة المقالة في غزة هي الملومة في نظر الصهاينة ...

ماذا يستطيعوا ان يفعلوا اكثر مما يفعلوه لاجبارهم عن عدم ضرب الصواريخ

تقريبا لا شئ ..

المقصود القاء تبعية القطاع علي مصر و فرضه فرضا عليها و بالتالي اذا انطلق صاروخ او حدث اي شئ لا ترضي به اسرائيل يتوجه اللوم الي مصر و الضغط عليها و التي بدورها تضغط علي حماس فيحدث تراشق جانبي بين مصر و حماس و نمسك احنا في بعض و هما يتفرجوا علينا

بالنسبة للانفاق السلاح يهرب من الانفاق و من البحر

هناك انفاق اكبر و علي بعد اكبر تحت الارض مخصصة للاسلحة و بعضها يمتد مسافات طويلة جدا

و سيناء مليئة بالذخائر نتيجة الحروب السابقة التي خلفها الجيش المصري و الاسرائيلي خلال الحروب حيث كان البدو يستولون علي مخازن كاملة من السلاح مستغلين حالة الفوضي اثناء القتال

اضافة الي استخدام منجم جبل المغارة بوسط سيناء للحصول علي المتفجرات

و للاسف السلاح رايح جاي علي الناحيتين منا و ليهم

و بدأ بالفعل ظهور اسلحة حديثة مثل المدافع الرشاشة و البنادق في سيناء لم تكن موجودة من قبل و في ايدي البدو و لا تعرف من اين حصلوا عليها

كل المطالب ان مصر توافق تفتح المعبر عشان المعونات تدخل غزه

المعبر مفتوح و المساعدات بتدخل في كل الاوقات بس من خلال معبر العوجة " كرم ابو سالم "

و اي مساعدات تصل عبره تدخل من خلال الاحتلال الاسرائيلي " صاحب السلطة القانونية علي الارض المحتلة وفقا لالتزاماته"

الكلام دائما علي معبر رفح و هو مخصص لعبور الافراد و هو يفتح و يغلق حسب الحاجة و الاحتياج

و بالطبع معبر رفح غير معد لتوصيل المساعدات الغذائية علي الاطلاق

لكن يمكن اعداده

لكن ليست هذه هي المشكلة ..

الموضوع هو ان المسؤلين لدينا واضح حرصهم علي استمرار العلاقة مع القطاع من خلال اسرائيل لتحميل اسرائيل المسئولية و عدم تمكينها من الافلات و رميه علينا ..

لكن حماس تريد لها نافذة مفتوحة تتحكم فيها تخرج و تدخل كما تريد

و هذا يحقق اهداف اسرائيل و في نفس الوقت يضر بالفلسطنين كدولة لم تقوم و اصبحت منطقتين

و طبعا محدش طلب منا احنا هنحارب بس هي هتحصل كده ..

و محدش هيطلب منك حاجة انما هنتدبس كعادتنا و طيبتنا و احنا مش مستعدين

لست ضد الحرب اطلاقا

لكن حسب ظروفنا و و قت ما نكون مستعدين ليس علي هوي الطرف الاخر المستعد دوما

و اللي يتابع يجد ان عبد الناصر الله يرحمه كان ضد الحرب تماما في نهاية 66 و تم جره جرا الي الفخ بمعاونة بعض الدول العربية " تقريبا بغير قصد" مثل سوريا و بالتحريض مثل الاردن و السعودية

و دي العاب سياسية قذرة تلعب بين الدول و ليس بالبساطة التي نعتقدها

افتح المعبر افتح لو ما فتحش يبقي خاين و عميل ...

فعلا مصر بتعاقب حماس و بتلو دراعها ! امال مش راضيين ندخل حاجه ليه

ياريت كان في لوي دراع بالمعني المفهوم

كنا زمانهم خلصوا و اتلموا تاني

و لو كنا نعتقد ان احتياجات اليومية لاثنين مليون بني ادم تقريبا تدخل عن طريق الانفاق

فهذا وهم كبير

اسرائيل تغلق معابرها اغلب الوقت

و اغلب احتياجات القطاع تدخل عن طريق معبر العوجة و بعض المعابر الاسرائيلية التي تفتح من حين لاخر

و الانفاق تهرب بضائع اخري كثيرة بالطبع لكنها ليست المصدر الاساسي

كان في واحد واقف معاهم امبارح رافع لافته كاتب عليها
i'm jew not zionist

شكرا اثبت وجهة نظري كلها من الالف للياء

مثلما جاء في الطبعة الاولي امس حينما كان يتحدث عن جورج جالاوي القادم باتنين كيلو مساعدات فاضح بيهم العالم و جايب معاه اتنين حاخامات في قلب القافلة

كأنما البريطاني " من زرعوا المصيبة" و رجال الدين اليهودي هم من يقدمون و يضمدون جراح الفلسطنين و نحن لا نفعل شيئا

و كأنما هم يريدون الدخول و نحن نمنعهم

حاجة تفور الدم ...

للاسف انا مصورتش اللي شفته ساعاتها

لكن وقت الحرب الاخيرة علي غزة الشعب الفقير ده - بعيدا عن حكومته - قدم مساعدات بلا حدود و كانت الشاحنات تتراص في صفوف لعشرات الكيلومترات قد تصل الي 60 كم للدخول الي القطاع غير ما ناء به استاد العريش و الملاعب المفتوحة و في الاسواق المساعدات ملقاة علي الارض في انتظار الوقت المناسب للدخول بين الضربة و الضربة

و الناس يحملون المساعدات و يسلمونها و يعودوا ليأتوا بالمزيد و سيارات الاسعاف و الدم و خلافه

و كل هذا و المعبر مغلق ..

و لا لما اسرائيل قطعت الكهرباء عن القطاع انقطعت الكهرباء عن رفح و خان يونس ايضا!!

و مصر تمدهما بالكهرباء

فمن الذي قطعهم ؟!

حركات و اساليب ضغط بين ساسة

لا نتنبه اليها احيانا ...

**Dr Zezo** · 29-12-2009 09:38 AM

المشاركة الأصلية كتبت بواسطة texo

ربنا يباركلك .. حضرتك قولت اللي انا عايز اقوله بالظبط

شكرا سيدي الفاضل ..

**Dr Zezo** · 29-12-2009 09:42 AM

عذرا سقط مني ان اعلق علي هذه النقطة اعتذر ..

فعلا حصل و كل المنتجات اللي طالعه من المستوطنات الاسرائيليه اتحط عليها علامه عشان المشتري يقرر يدعمهم ولا لا

و هذا المشتري في اغلب الاحوال يقرر دعمهم لأن ماشاء الاقتصاد الاسرائيلي في نمو ز زيادة و زي الفل

فبدل ما حبايبنا يتظاهروا هنا عندنا ممكن يوفروا مجهودهم ده لحكوماتهم و شعبهم الداعم لاسرائيل اما سياسيا او اقتصاديا

و يبقي كده ضروهم و يقدروا يأثروا عليهم و حل المشكلة من المنبع مش من الفرع !!!