الموضوع: استهبال تويوتا في السعر و الحجز للكورولا

المشاركة الأصلية كتبت بواسطة ابو الوليد المصرى

يا اما هيعملوا عربيات مخصوص للعملاء يا اما هينزلوا فتيس جديد لأن الأوتوماتيك كان شغال بيع كويس وبأنتظام وفجأءة العربية مبقتش موجودة في التوكيل مرة واحدة واخر مرة رحت توكيل التجمع الخامس لقيت كل العربيات اللى عندهم mmt وواحدة fj لكن مافيش لا ياريس ولا اوتو عادي ولا مانيوال 6سرعات كان معروض.

اصل خللي بالك يا ابو وليد الوكيل لاول مرة يفضل عنده مخزون كبير كده من عربيات السنة اللى عدت بالنسبة للكرولا و اقصد طبعا النسخة الmmt و بالتالى و بما ننا على نهاية سنة و سهل تلاقى مية حجة لاختفاء باقى الموديلات فقالك لازم اصرف المخزون اللى عندى ده الاول بدل ما اشرب العربيات و بالتالى فكله اختفى و الاسباب متعددة و بقت الmmt و كمان معمول عليها العروض علشان تنصرف باذن الله كما تنصرف الارواح الشريرة من مكان التوكيل

المشاركة الأصلية كتبت بواسطة ابو الوليد المصرى

ماهو برضه سياسة تسويق غبية جدا اللى هما متبعينها لما هو عارف انه عنده المخزون ده نزل الأوتوماتيك بدري ليه في شهر 6 وكمان لسة فاكر يعمل عرض علي العربية دلوقتي وخلاص فاضل يومين ثلاثة و2010 يحل علينا...كل سنة وانت طيب.

و انت طيب يا اخى بس هو اولا نزلها فى شهر ستة لان الموضوع بتاع الmmt كان عك الدنيا و لخبطة بتوع التوكيل فى تفهيم الناس ماهو الفتيس الجديد بالظبط كانت مبوظة سمعة العربية الكرولا ذات السمعة الذهب فى سوقنا فقال يلحق نفسه حتى لو هينزل الموديل الجديد قبل الهنا بسنة
و اما معملهاش ليه من شهر ستة و خفى باقى الموديلات كده الاجابة مايقدرش يعنى لما يجى فى شهر ستة و يخفى اليارس مثلا هيقول ليه خلصت من السوق ؟؟؟؟؟ و الا لما يخفى المانيوال الكرولا هيبررها ازاى معقول يعنى مفيش عربيات مانيوال يستوردها؟
انما احنا دلوقتى اخر السنة يعنى المفروض كل التوكيلات بتشطب موديل السنة القديمة فلما يقول موديلات خلصت فده طبيعى او اضعف الايمان يقولك معلش الشحنة الجديدة بتاعة 2010 اتاخرت و استنى بقى بقى يا عم الحج على ما المركب توصل شهر اتنين تلاتة (( و هى تلاقيها واصلة من شهر خمسة اللى فات بس كله فى المخازن يابا و هنطلعه فى الوقت المناسب))

بس أنا كنت إمبارح بس عند موزع لتويوتا وتأكدت من السعر الجديد 117 ألف للـ mmt البيسك و 132 ألف للهاي لاين !
العربية موجودة من غير حجز الإستلام فوري !