الموضوع: هتقضى ليلة 2010فين؟

للأسف ممكن يكون فيه عالم حاصل على الدكتوراة وجاهل بأمور دينه لكنه لا يعترف ويظن نفسه أعلم من العلماء ولا يحتاج النصيحة طالما "قلبه أبيض"

إيه ده يا أستاذ أحمد
إزاى تسمح لنفسك تقول على ناس انهم بيستهزءوا بالحلال والحرام وإنهم بيقولوا إن القتل حلال وان الشيطان بيقنعهم بسهولة؟ يعنى هم كفار وملاحدة يعنى؟ يا أخى اتقى ربنا

والله يا دكتور انا مش محتاج سماح من حد انى اقول ان تحكيم العقل فى الدين مش خيار لأن فى احكام دينيه مسلم بيها بمجرد النص ومش من حق المسلم انه يفكر فى سببها , معلش انا درست كدا فى التوحيد على يد علماء الدين ان فى حاجات اسمها مسلمات وانك معنى انك مسلم انك تبقى خاضع لأوامر الله بدون ما نتناقش معاه فى سبب أمره

ومين إداك الحق إنك تقول إن القبر قريب وان ساعتنا قريبة هو حضرتك واخد توكيل من ربنا بالكلام ده؟ بشروا ولا تنفروا دا الدين يسر ولما تقعد تفكرنا بالآخرة والموت تبقى كده بتعسر عليهم الدنيا وتمنعهم من قطف حلاوتها بعيدا طبعا عن الفسقة حتى لو راحوا وسطهم بس مش هيتأثروا بيهم لأنهم أشخاص ناضجين لا يعرف الشيطان لهم سبيلا

ولا تزعل نفسك يا دكتور احنا مخلدين والقبر مش قريب , وبالنسبه لقطف حلاوه الدنيا فده حجه اعذرنى بايخه قوى لانى اعصى ربنا فى يوم واتحجج انى بقطف حلاوه الدنيا

انا مش بعسر على حد لما بقول ان الموت قريب ومش بخترع من عندى لو بصينا بالدين هتلاقى الموت قريب ولو بصينا بالعقل هنلاقى برده ان كمان دقيقتين ويمكن اقل برده الموت قريب محدش هيعيش الدهر كله

الشيطان مش بعيد عن حد فينا ومحدش فينا مبيتأثرش , يا سيدى الفاضل احنا بشر , وان كنا نسينا الاخره ومش بنحب نفتكرها يبقى ربنا يسترها علينا دنيا واخره لأن اللى بنعمله للأخره بنقطفه برده فى الدنيا

وكمان يعنى حضرتك جاى فى آخر الموضوع كأنك كده منزه عن الخطأ وتقول على الناس بتوع راس السنة اللى هدفهم الترويح عن النفس بالاحتفال بمناسبة لا تكرر إلا مرة فى العام وتنكد عليهم وتعمل عليهم شيخ المنتدى؟

الحمد لله مش منزه ومش شيخ المنتدى وكلى معاصى , بس عارف حدودى وبلتزم قدر الامكان ومالزت مقصر

لكن طول ما ما انا عارف انى مقصر بتغير وبتحسن وابدا مش بقول على حاجه حرام حلال , ليا حدودى فى المعاصى وعارفها كويس اوى , نكران حرمانيه شئ وتحليله معصيه كبيره ربنا يبعدنى عنها

ومكنتش هدخل ولا اتكلم ورديت فعلا فى اول الموضوع عادى بس استفزنى اوى استهزاء باقى الاخوه الاعضاء بنصائح واحكام دينيه واضحه والهجوم الغريب على كل اللى بيقول كلمه حق فى الموضوع بداعى الرغبه فى الفرفشه وكأن الدين بينكد علينا

مش عارف ايه ده بتحبوا تبوظوا مواضيع الفرفشة ، اللى عنده بعد كده رأى من عينة حلال وحرام يبقى يروح يقوله فى منتدى عمرو خالد إنما هنا منتدى السيارات والفرفشة فقط للى عاجبه
ماشى يا أستاذ أحمد؟ هه؟ ماشى وللا مش ماشى؟ أنا ماشى بعد ربع ساعة

هو مبقاش فى علاقه بين المسلمين واسلامهم غير قناه الناس ومنتدى عمرو خالد !!!!!!

على العموم حضرتك حر فى رأيك اكيد , بس ايه موضوع ماشى ومش ماشى ده , خير هو فى عقاب على كلامى وانا مش واخد بالى ؟؟؟