المدام عاملة dish party في البيت !
ولازم امثل اني مبسوط و اسلم علي الناس الي جاية كلها و اعمل نفسي مستمتع بوجودهم و انا بمطيقش الزيارات اصلا !
عرض للطباعة
المدام عاملة dish party في البيت !
ولازم امثل اني مبسوط و اسلم علي الناس الي جاية كلها و اعمل نفسي مستمتع بوجودهم و انا بمطيقش الزيارات اصلا !
انا بقى محجوزلى ترابيزة فى الحفلة اللى عندى فى الفندق، بس انا هضحك عليهم و انام بدرى كالعادة.
بصراحة عمرى ما حسيت بفرق بين الليلة دى و اى ليلة تانية و مبحبش اوهم نفسى ان مادام سنة خلصت يبقى اللى جاية هتفرق، كلها ايام ربنا و مش هيفرق تغيير الارقام، المهم تغيير المواقف و القناعات.
اخيرا حلمى حياتى اتحقق وهاقضى راس السنة فى سويسرا
طول عمرى كان نفسى اشوف الثلج والحمد لله اخيرا هاشوفه
الحاجة الوحيدة اللى فعلا حارقة دمى انى هاستلم ال لامبرجينى بتاعتى كمان 6 ايام
ده طبعا بعد ما مروان بيه (المحروس ابنى) كان بيلعب بالبورشة بتاعتى وبغباؤه وقعها فى حمام السباحة اللى فى فيلا الهرم - طبعا انا مكنتش موجود لأنى ساعتها كنت فى امريكا بعمل شوبينج
وبالمناسبة هابى نيوووووو ييييييييييييييييييير
وأنا كمان (زي فيلم جائنا البيان التالي "كل الهيافة دي وب١٠٠ جنيه")
أنا هقضيه فى جزيره القطن
وبالنسبه للأخوه اللى هيروحو عشان يسمعو موسيقه بس وملهمش دعوه باللى بيشرب واللى بيزنى طب منتا شايف غلط وساكت عليه وبعدين هو سماع الموسيقى دلوقتى بقى عادى مهو معروف انو حرام مش حلال وان كل ما يلهى عن ذكر الله حرام أنا مش هعمل نفسى شيخ ولا واعظ لأنى أول الناس اللى محتاج النصيحه والوعظ بس ما ينفعش نجادل ونقاوح فى حاجه لا ينفع فيها جدال ومقاوحه وأدعى الله أن يرزقنا وأياكم الهدايه وحسن الخاتمه وطاعه الله
+111111111
اولا انا مش بتاع فواحش ودى صفة مش ينفع توصفينى بيها بس مش هقولك غير شكرا وثانيا مين قالك ان ربنا مش راضى عليا ومين اعطاك الحق عشان تحكم عليا يوم القيامة بصهير وصديد فى اذنى وثالثا انا مطلبتش من حد يدنى مواعظ عن الاخرة ويوم القيامة والموضوع كان واضح من الاول ومالوش لازم التجريح ده كله.
الحمد لله انى اسمى اسلام وده اسم اعتز بيه جداااااااااااا وكمان يا استاذى الفاضل انا مش جاى اتخانق عشان تبقى مستعد للهجوم وتخبطلى راسك فى الحيطة وربنا يديك الصحة وتهدها وكمان لو حضرتك كنت متابع موضوع الافلام انا مكنتش بهاجم حد انا قلت بقول راى فى الفيلم بطريقة نقضية لاحداث الفيلم واول ما بدى الحديث يدخل فى حلال وحرام وقفت تعليقاتى بس اظاهر الواحد كل ما يتكلم فى موضوع لازم بعض من الاخوة الاعضاء يظهرو درجة تقربهم الى الله لكل اعضاء المنتدى وكيفية محافظتهم على رفع راية الاسلام عالية والخروج عن الموضوع الاصلى والهجوم على كل من يخالفهم الراى بالتجريح ويعتبروة صاحب مؤامرة على الاسلام ومن المفسدين فى الارض وكيف هو بعيد عن طاعة الله ويستحق اقصى درجات العذاب يوم القيامة .
كنت متأكد انها حتقلب بخناقة
لأن من عاداتنا اننا مش بنسمع بعض او اتربينا اننا منعرفش نتناقش
من الاخر الواحد مخنوق من الشغل و الارف و مستنى اى يوم الناس تنبسط فية و افك معاهم
بس لا بشرب ولا حريم ولا مخدرات .... كأنة يوم عادى من ايام أجازات الصيف لما بنقف بالعربيات و نعلى الكاسيت و نرقص و نغنى....
و ولا بتبع أحتفالات ملة تانية و ولا حاجة من اللى دماغكوا لراحت لية .... بتمنى يكون فية مرونة فى التفكير و مش كل حاجة قفش قفش ع طول
....بمعنى أخر لو انت فى دولة أوروبية أو امريكية و ادوك اجازة عشان عندهم عيد ...طالما ختدوا اجازة و نزلت اتفسحت بقيت ذيهم
الاعياد الدينية المسيحية اللى كل البلد بتاخد فى اجازة محدش يعنى علق عليها لية .... دة انت لو رحت السيما بقيت تحتفل !!!!!!!!!!!!
و العضو الجميل اللى بيقولى الموسيقى حرام ؟؟؟؟؟؟ للدرجة دى ؟؟؟ والتلفزيون حرام و أقولك و المشى فى الشارع حرام مش فى بنات و حريم ماشية و عربيات ماشية مشغلة كاسيت و و و و و و
لو الموسيقى حرام يبقى بأعمال العقل و التفكير لما ممكن تتبعة من منكرات يعنى بالبلدى هيبرة و دماغ و بتاع ... لكن الموسيقى حرام يبقى ستوب ووقف ع طول
لو كدة بقى يبقى كل حاجة فى حياتنا حرام استخدامك لادوات صناعها الكفار حرام أة مش الكمبيوتر و الاب توب صنعهم يهود و صينيون عباد بقر و حميير و بتاع أة يبقى حرام اذاى تستخدم حاجة صنعها كافر و استنى كمان الفراخ المستوردة من العدو و اللحمة لأ و تعالى و ماك و بيتزا هت و هارديز و اى حاجة تانية .... كمان بنتفرج ع افلامهم لية منبهر بتقدمهم لية و علمهم لية ..... حرررااااااااااااامممم
وكأننا للاسف الشديد أختزلنا دين الأسلام فقط فى الحلال و الحرام و المرأة و الخمر و بس .....و مشينا ورا الشيوخ اللى .... مش عاوز ازود و اللى بيعلموا أجيال ......سيبك من مصر أقولك حاجة
مدرس الفقة و الشريعة فى السعودية ابو دقن وقال الله و الرسول اتمسك فى .... أستغفر الله العظيم بلاش مش موضوعنا .....
لكن اللى مذعلنى انكم طلعتونى كافر و ملحد و فاسق عشان قولت عايز اروح dj
تفتكروا ربنا كدة فرحان بيكم تفتكروا رافعتوا راية الاسلام ؟؟؟ للاسف كنت بسمع و أقرى حوارات (جمال البنا) و أقول علية مجنون
لكن كل يوم و يوم عن يوم بيثبتلى ان كل كلامة صح كلمة كلمة...
ع كلامكوا بقى انا اعيش فى خيمة لوحدى مع مراتى و عيالى و اروح الشغل و اروح جرى عشان معملش حرام اذا كان بقى فى نسوان فى شارع موسيقى عابرة حسمعها خبطة بدون قصد او او او
أحب اعرفكم بنفسى الاول عشان محدش يقول صغير او جاهل او
الاسم : أحمد شهدى
المهنة: طبيب و جراح الفم و الاسنان
التخصص: ماجيستير جراحة الفم و الوجة والفكين
المكان: عيادة خاصة بالأضافة الى نائب جراحة فى المستشفى الميرى
وشكرا و فرصة سعيدة
والسلام عليكم و رحمة الله
بالراحة شوية يا أستاذ إسلام، الراجل لم يتهمك أنت شخصيا بشئ، ومحاولة شخصنة الموضوع تتسبب في التوتر وتشتيت الموضوع ليس إلا، الرجل كلامخ واضح جدا ولا يحتمل كل هذا الانفعال والتحامل
اتهامات مجازفة وحقيقي so overاقتباس:
بس اظاهر الواحد كل ما يتكلم فى موضوع لازم بعض من الاخوة الاعضاء يظهرو درجة تقربهم الى الله لكل اعضاء المنتدى وكيفية محافظتهم على رفع راية الاسلام عالية والخروج عن الموضوع الاصلى والهجوم على كل من يخالفهم الراى بالتجريح ويعتبروة صاحب مؤامرة على الاسلام ومن المفسدين فى الارض وكيف هو بعيد عن طاعة الله ويستحق اقصى درجات العذاب يوم القيامة .
مفيش فايدة !! ..
انا مش فاهم .. لما حد دخل فى الاول و قال حلال و حرام و الموضوع هدى و كل واحد قال وجهة نظره ..
بنفتح الموضوع تانى ليييييييييييييييييييييييي ييه ..
بس تصدق كبرت الموضوع فى دماغي :) .. بفكر اعمل اى حاجة فى الليلة دى ..
اهو الواحد يودع السنة القديمة .. و نخلى ختامها مفرح :) ..
ممكن سهرة مع القرايب هتبقى لطيفة ..
و موضوع جميل جدا يا اسلام .. بس معلش .. الحلو ميكملش :)
انا شايفة الموضوع من بدايته ومهتمتش ادخله عشان ميهمنيش ليلة راس السنة ولا الاحتفال بيها ازاي
لكن لما شوفت اسم الاخ بحري في اخر مشاركة قلت اكيد هالاقي مشاركات وكلام يعجبني في الموضوع
كلمتين واجعنى بصراحه وعايز اقولهم ومش هعمل اقتباسات علشان مفيش خلق ارد على حد بيجادل
الناس اللى بتنصح لوجه الله الكريم بارك الله فيكم وربنا يكثر من امثالكم ويجعلكم من عباده الصالحين دايما
الناس اللى مش عاجبها النصح , مفيش حاجه حرام ولو الشيطان عايز يقنعك ان القتل حلال بالعقل يبقى هيعرف ده خبره بتاع كام الف سنه فى البنى ادمين
بلاش نستهزء و نقول على حاجه حرام وبينه ومش محتاجه فصال انها حلال علشان القبر مش بعيد عن حد فينا وربنا يحسن ختامنا يمكن واحد فينا يودع الدنيا بما فيها ويقابل ربنا يوم رأس السنه وساعتها يبعث المرء على ما مات عليه
على فكرة جمال البنى مجنو خالص ودماغو فسفس احر حاجة وكمان بلاش موضوع السينما ده عشان مفيش حد يهب فيك ويهدر دمك وبدل ما تسلم فى الشارع على اى حد معلق شعار المنتدى على عربيتو تمشى تقلق منه وياريت تبقى تشوفلى خيمة جنبك بس عايزها على البحر.
ان شاء الله مش هراجع حاجة لانى مقتنع بكلامى :rfds:وللمره الخامسة بعد الالف السابعة انا مش عامل الموضوع لمناقشة الحلال والحرام عشان الحوار يبقى افضل شوية .
الف شكر ياباشا على مرورك واكيد حضرتك عارف الموضوع اتفتح ليه.
والله خلاصة الموضوع دة بعد اما قريتة كلة تانى ان يا جماعة الى عايز ينصح مايقتبسش كلام حد الى عايز يقول الصح يقولة ان حد اقتنع بية لوحدة من غير اما توجلهة الحوار يكون تمام وربنا يجازيك خير اما لو مقتنعش يبئى خلاص سيبة ربنا الى هيحاسبة مش انت ولا انا يا اما لو مش كدة انا بطلب من صاحب الموضع اسلام انة يطلب من الادارة انها تقفل الموضوع عشان منخصرش بعض احنا فى الاخر اصحاب وزمايل والعملية مش محتاجة اننا نزعل من بعض يا ريت يكون كلامى وصل ومحدش ياخد بحساسية او انى بوجلهة الكلام
وسنة سعيدة عليكم جميعا :120105~352::120105~352:
إيه ده يا أستاذ أحمد
إزاى تسمح لنفسك تقول على ناس انهم بيستهزءوا بالحلال والحرام وإنهم بيقولوا إن القتل حلال وان الشيطان بيقنعهم بسهولة؟ يعنى هم كفار وملاحدة يعنى؟ يا أخى اتقى ربنا
ومين إداك الحق إنك تقول إن القبر قريب وان ساعتنا قريبة هو حضرتك واخد توكيل من ربنا بالكلام ده؟ بشروا ولا تنفروا دا الدين يسر ولما تقعد تفكرنا بالآخرة والموت تبقى كده بتعسر عليهم الدنيا وتمنعهم من قطف حلاوتها بعيدا طبعا عن الفسقة حتى لو راحوا وسطهم بس مش هيتأثروا بيهم لأنهم أشخاص ناضجين لا يعرف الشيطان لهم سبيلا
وكمان يعنى حضرتك جاى فى آخر الموضوع كأنك كده منزه عن الخطأ وتقول على الناس بتوع راس السنة اللى هدفهم الترويح عن النفس بالاحتفال بمناسبة لا تكرر إلا مرة فى العام وتنكد عليهم وتعمل عليهم شيخ المنتدى؟
مش عارف ايه ده بتحبوا تبوظوا مواضيع الفرفشة ، اللى عنده بعد كده رأى من عينة حلال وحرام يبقى يروح يقوله فى منتدى عمرو خالد إنما هنا منتدى السيارات والفرفشة فقط للى عاجبه
ماشى يا أستاذ أحمد؟ هه؟ ماشى وللا مش ماشى؟ أنا ماشى بعد ربع ساعة
واللى يعمل موضوع ومش عايز يعرف ويسمع ويقرأ آراء الناس يبقى يريحنا وميعملش مواضيع من أساسه
الأستاذة نور..جزاكم الله خيرا على حسن الظن ونسأل الله أن يجعل أعمالنا كلها خالصة لوجهه
الأستاذ أحمد نوح..جزاكم الله خيرا وأحسن الله إليك
الأستاذ إسلام إسلام وأحمد شهدي..السلام عليكم ورحمة الله وبركاته
طبعا تعليقى اللى فات مثل لكيفية لوى الفهم وتحوير الكلام والحجج الواهية للدفاع عن الغلط وغلق باب الأمر بالمعروف والنهى عن المنكر
حرام مخالطة شاربي الخمر لأنك بتقرهم على شرب الخمر ...... لا يجوز أصلا انك تقعد في مكان بيقدم خمور حتى لو انت مش هتشرب
و بعدين مين قال لحضرتك ان الاسلام مش دين اعمل و ماتعملش؟
لأ الاسلام فيه جزء كبير جدا اعمل و ماتعملش
صلي و زكي و صوم و حج و بر بوالديك و غيره ..... كل ده اعمل
لا تسرق و لا تقتل و لا تزن و لا تشرب الخمر و لا و لا الخ الخ ...... كل ده ما تعملش ......
بلاش تمييع القضية ..... لا يجوز الجلوس في مكان تقدم فيه الخمور .....
كلمة حق يراد بها باطل
المشي في الشارع مش بمزاجك ... لازم تمشي في الشارع .... ما ينفعش ما تنزلش تقضي مصالحك من شغل و دكاترة و زيارات و مشتريات و غيره ..... انما انك تروح مكان فيه شرب خمر و غيره .... انت رايح بمزاجك و اختيارك و كامل علمك ان المكان ده مكان فساد ..... و على علمي (بس ما عنديش الرواية) ان عمر ابن الخطاب رضي الله عنه طبق حد شارب الخمر على مجالس للشاربين ماكانش بيشرب معاهم
انظر الرد أعلاه ...... لا يجوز الذهاب لمكان فيه شرب خمر و انت عارف ان فيه شرب خمر
الرجاء من ادارة المنتدى غلق الموضوع نظرا لكثرة المشاحنات وخروج الاخوة الاعضاء عن المناقشة فى الموضوع الاساسى والدخول فى مشاحنات جانبية لن تفيد الاعضاء باى شىء.
وكل سنة وانتم طيبين .
للأسف ممكن يكون فيه عالم حاصل على الدكتوراة وجاهل بأمور دينه لكنه لا يعترف ويظن نفسه أعلم من العلماء ولا يحتاج النصيحة طالما "قلبه أبيض"
والله يا دكتور انا مش محتاج سماح من حد انى اقول ان تحكيم العقل فى الدين مش خيار لأن فى احكام دينيه مسلم بيها بمجرد النص ومش من حق المسلم انه يفكر فى سببها , معلش انا درست كدا فى التوحيد على يد علماء الدين ان فى حاجات اسمها مسلمات وانك معنى انك مسلم انك تبقى خاضع لأوامر الله بدون ما نتناقش معاه فى سبب أمرهاقتباس:
إيه ده يا أستاذ أحمد
إزاى تسمح لنفسك تقول على ناس انهم بيستهزءوا بالحلال والحرام وإنهم بيقولوا إن القتل حلال وان الشيطان بيقنعهم بسهولة؟ يعنى هم كفار وملاحدة يعنى؟ يا أخى اتقى ربنا
ولا تزعل نفسك يا دكتور احنا مخلدين والقبر مش قريب , وبالنسبه لقطف حلاوه الدنيا فده حجه اعذرنى بايخه قوى لانى اعصى ربنا فى يوم واتحجج انى بقطف حلاوه الدنيااقتباس:
ومين إداك الحق إنك تقول إن القبر قريب وان ساعتنا قريبة هو حضرتك واخد توكيل من ربنا بالكلام ده؟ بشروا ولا تنفروا دا الدين يسر ولما تقعد تفكرنا بالآخرة والموت تبقى كده بتعسر عليهم الدنيا وتمنعهم من قطف حلاوتها بعيدا طبعا عن الفسقة حتى لو راحوا وسطهم بس مش هيتأثروا بيهم لأنهم أشخاص ناضجين لا يعرف الشيطان لهم سبيلا
انا مش بعسر على حد لما بقول ان الموت قريب ومش بخترع من عندى لو بصينا بالدين هتلاقى الموت قريب ولو بصينا بالعقل هنلاقى برده ان كمان دقيقتين ويمكن اقل برده الموت قريب محدش هيعيش الدهر كله
الشيطان مش بعيد عن حد فينا ومحدش فينا مبيتأثرش , يا سيدى الفاضل احنا بشر , وان كنا نسينا الاخره ومش بنحب نفتكرها يبقى ربنا يسترها علينا دنيا واخره لأن اللى بنعمله للأخره بنقطفه برده فى الدنيا
الحمد لله مش منزه ومش شيخ المنتدى وكلى معاصى , بس عارف حدودى وبلتزم قدر الامكان ومالزت مقصراقتباس:
وكمان يعنى حضرتك جاى فى آخر الموضوع كأنك كده منزه عن الخطأ وتقول على الناس بتوع راس السنة اللى هدفهم الترويح عن النفس بالاحتفال بمناسبة لا تكرر إلا مرة فى العام وتنكد عليهم وتعمل عليهم شيخ المنتدى؟
لكن طول ما ما انا عارف انى مقصر بتغير وبتحسن وابدا مش بقول على حاجه حرام حلال , ليا حدودى فى المعاصى وعارفها كويس اوى , نكران حرمانيه شئ وتحليله معصيه كبيره ربنا يبعدنى عنها
ومكنتش هدخل ولا اتكلم ورديت فعلا فى اول الموضوع عادى بس استفزنى اوى استهزاء باقى الاخوه الاعضاء بنصائح واحكام دينيه واضحه والهجوم الغريب على كل اللى بيقول كلمه حق فى الموضوع بداعى الرغبه فى الفرفشه وكأن الدين بينكد علينا
هو مبقاش فى علاقه بين المسلمين واسلامهم غير قناه الناس ومنتدى عمرو خالد !!!!!!اقتباس:
مش عارف ايه ده بتحبوا تبوظوا مواضيع الفرفشة ، اللى عنده بعد كده رأى من عينة حلال وحرام يبقى يروح يقوله فى منتدى عمرو خالد إنما هنا منتدى السيارات والفرفشة فقط للى عاجبه
ماشى يا أستاذ أحمد؟ هه؟ ماشى وللا مش ماشى؟ أنا ماشى بعد ربع ساعة
على العموم حضرتك حر فى رأيك اكيد , بس ايه موضوع ماشى ومش ماشى ده , خير هو فى عقاب على كلامى وانا مش واخد بالى ؟؟؟
متعملش حاجة يا اسلام بس مكنش ليه لزمة الهجوم و الاستهزاء الجامد ده من حضرتك و من دكتور السنان فى اول الموضوع لدرجة ان فى واحد شتم وجرى رايح ديزنى لاند روح و اتبسط بس متجرحش بكلامك القال (مرائين) حتى كان سهل يقول مش عارف معنى الكلمة او اسف زى اى راجل اتزنق فى زلة لسان انما رمى الكلمة التقيلة و (طنش) اكنه برىء معملش حاجة وعادى و ياريت تقفلوا الموضوع ده خالاص جاب اخره
ههههههه
بس والله يا دكتور أحمد لعله خير إن الأستاذ أحمد نوح مخدش باله من أسلوب حضرتك عشان يرد الرد الجميل ده ويبقى كده عندنا حوار افتراضي محترم جدا ممكن كل الناس تستفيد بيه إن شاء الله في حالة إثارة مثل هذه الشبهات
دكتور أحمد عبد الغني...تحياتي، بارك الله فيك
أنا جبت سيرة حضرتك فى حاجة تشكرنى عليها؟
وعلى فكرة بتتكتب "إن شاء" وليس إنشاء
وإذا كنت تقصد مشاركتى عن العلماء اللى بيجهلوا أمور آخرتهم فدى حقيقة لا تحتاج إثبات منى وعموما أنا أشرت للعلماء والحاصلين على الدكتوراة ، حضرتك مين فيهم؟ ولعلمك كلما زدت علما كلما زدت جهلا ، دا اللى بيعتقده العلماء أو الساعين للعلم ، إنما عكسهم دايما بيعتقدوا إنهم مش محتاجين علم تانى. ودا كلام عام والله أحسن أنا مش عارف النهارده كله مش بيفهم قصد التانى ليه.
بجاء من الادارة شطب تعليقاتلى فى هذا الموضوع و ياريت شطب الموضوع و شكرا
برجاء من الادارة شطب تعليقاتى فى هذا الموضوع و ياريت شطب الموضوع و شكرا
لا حول ولا قوة الا بالله ..
ربنا يكون فى عوننا .. لأ و مستغربين اوى للالبلد وصلتله !!
ليه الحوار اخد طريق تانى خالص كده يا جماعة .
استاذ بحرى و د \ احمد , ليه بتزيدوا فى كلامكم وواضح ان كل واحد مأيد لوجه نظره و مقتنع بها .
انتوا عملتوا الى عليكم و نصحتوا الاخوة و خلاص كل واحد يعمل اللى عايزه , انا كان ممكن اقول ان حرام اننا ندخل اصلا مكان بيقدم خمور و ندعمه بفلوسنا و نقول اننا مبنشربش دى حاجة تانية خالص , يعنى ينفع اروح شقة مشبوهة اتفرج على ماتش الاهلى و اخرج و اقول اصل انا مش بزنى !!
كل واحد حر فى قراراته و الحلال بين و الحرام بين و كله عارف هو بيعمل ايه .
كان من فترة طويلة موضوع عن عيد الحب و انا كنت رافض الفكرة الاحتفال بالعيد ده او حتى تأييده و طلع بعض الاخوة الاعزاء برده قالوا لى انت هتفتى و مش حرام و مش عارف ايه و انت مبتحبش و معرفش ايه و كلام يفطس من الضحك كده ..
كل واحد مسئول عن نفسه , فبلاش جدالات يا جماعة مش هتجيب نتيجة ..