الموضوع: العربيه بتنقط مياه من جوا مع الغسيل

يبدو إن حضرتك مغير البرابريز الأمامي، و لو ماكانشي، فروح على التوكيل عدل يعملوهولك في الضمان.

المشاركة الأصلية كتبت بواسطة mohamed_alshafie

انا فعلا مغيره بس ده من سنه تقريبا اول ما جبتها و مغيره فى التوكيل و ماكانش بيحصل كده قبل كده و ياترى هما هيحلوها ازاى فى التوكيل موضوع كبير يعنى و هيحتاج شغل و لا بسيطه

إن شاء الله في الغالب الموضوع بسيط، و الأهم إنك مغيره في التوكيل، الحكاية و إنهم بيركبوا البرابريز، ممكن بيحطوا مادة لاصقة زي السليكون على الحواف، و المادة دي ممكن تكون سربت.

الخطورة في حاجة واحدة، إن التسريب ده كان محجوز بالصاج، و مع الزمن و توفر الرطوبة عمل بارومة و تآكل في الصاج يخلي المية تعدي.

المهم إن أسلم حل، ما تخليش حد يلعبلك في العربية، و روح على التوكيل عدل و شيلهم الليلة، لأن لو الموضوع بسيط أو خطير ففي الحالتين هي خطأ منهم و لازم يبقى عندك قناعة بكدة، و موش تنسى إنك تاخد معاك مستند أو دليل على إنك غيرت البرابريز عندهم.

المشاركة الأصلية كتبت بواسطة mohamed_alshafie

يا جماعه رخت التوكيل من اسبوعين كده و قالولى هنجربها و يغسلوها بالمياه و مافيش حاجه بتنقط طبعا انا اتجننت و واحد من الباهوات اللى هناك كان عاوز يكدبنى و يقوللى ما يمكن انت اللى باللها لانى كنت رايحلهم بيها بتنقط كان البواب لسه غاسلها طب قعدت ازعق و سجدونى طبعا كالعاده و قالولى ما نقدرش نعمل عيب مش باين قدامنا المهم مشيت و قعدت فتره فعلا ما تنقطش لحد ما عملتها تانى النهارده و نقطت تانى مش عارف اعمل ايه فى الموضوع ده انا هروحلهم تانى يوم السبت اللى جاى

هي عملتها معاك؟!!! معليش أصل العربيات سعات بتعمل الحركات اللي موش و لابد دي مع اصحابها.