توكيل القاهرة مش عارف يضيع الصوت

**hassan_mohamed21** · 30-12-2009 08:20 AM

فى مشاركة سابقة كنت شكرت جدا فى توكيل الاسكندرية و كنت بعمل هناك الصيانة لعربيتى byd f3 r المهم شاءت الظروف العسرة انى اعمل صيانة 10000 فى فرع القاهرة و اليكم النتائج
فتحت الثقف عندى كانت اتكسرت و تم تغيرها
1- صوت طقطقة فى الثقف ( فكوا الثقف 5 مرات و مش عارفين يصلحوا العيب
تقريبا لازم انا اقفل ودانى علشان الصوت يضيع

2- صوت تزيقة فى الجزء الخلفى من السيارة تقريبا كل الناس بتسمعه الا الشاغلين فى التوكيل
3- صوت الفيبرة بتاعة الشنطة بتخبط :POINTI~2[2]: كل الصنايعية اللى هناك مش تبعهم الجزء ده
4- الكراسى بتزيق :POINTI~2[2]: الصوت بيطلع من اللى قاعد مش عارف منين ههههههههههههه

العربية جميلة جدا جدا جدا لولا شوية الاصوات اللى ظهرت دى و مش عارفييين يعالجوها
مش عارف هو تجميع العربية فى مصر اسهل من تصليح عيوب شوية اصوات
و لا مفيش الخبرة الكافية لعلاج المشاكل العويصة دى غير سدادة الودان او تشغل الكاسيت على الاخر على العلم بانى بجد اشفقت على العامل الللى هناك لانه فعلا تعب و عمل اقصى جهد ليه بس من غير نتيجة

**cameeron** · 30-12-2009 12:48 PM

بص يا اخى معلش بعد اذنك انت مصر تسميه الثقف بس هو السقف و فتحت هى فتحة السقف و بعيد الحل ببساطة روح لفرع اسكندرية تانى اعمل الصيانة و سيبك من التعبانين بتوع فرع كايرو

**Mohamed.Ramah** · 30-12-2009 01:06 PM

حضرتك مدام لا قى ان فى مشكلة من الاول فى الفرع تتوجة على فرع اسكندية وان شاء الله تتصلح

**sv065** · 01-01-2010 07:56 PM

السلام عليكم

الأخ الفاضل طبعا كل الزملاء حيطلبوا منك تروح فرع إسكندرية علي طول وهما حيحلوا لك المشاكل كلها

وكلامهم طبعا سليم 100% بس أنا كنت عاوزك تتعب شوية بسيطة قبل ما تروح للتوكيل في إسكندرية لأن ده حيساعدك كتير علي حل جميع المشاكل وتسهل علي الفني أو المهندس اللي حيفحص سيارتك وهو إنك إنت أكتر واحد عارف عربيتك كويس فبالتالي حاول تركز أكثر مع الصوت ومصدره من أي مكان بالتحديد ؟ وإذا تيسر لك تحدد سببه وتخبر بيه السادة الأفاضل بفرع الإسكندرية حتوفر عليهم وطبعا عليك وقت ومجهود.
وأعتقد والله أعلم في الغالب بخصوص فتحة السقف السبب هو عند التغيير بعد تركيب الزجاج الجديد ربما قام الفني بزيادة ربط المسامير خصوصا التي تثبت في قطع الفيبر أو المجرة الألمونيوم وده بيخليها أحيانا تصدر صوت طقطة مع السير بالذات في طرق غير مستوية وممكن تكون محتاجة مثلا وردة صغيرة أو تكون كان فيها وردة وسقطت أثناء الفك ونسي الفني أن يركب غيرها .... وكل ده طبعا إحتمالات مش شرط يعني ده السبب الرئيسي أنا بس باحول أفترض مع حضرتك الأسباب لعل ذلك يعينك عل حل المشكلة

وبخصوص التزييق بالجزء الخلفي إذا كان من داخل الصالون فغالبا بيكون بسبب وجود بعض الصدأ بقواعد الكراسي وده نادر جدا في سيارات byd وكان مشهور بيها سيارات البروتون خصوصا الجين2 والبيرسونا وكانو بيركبوا لها في التوكيل شريط شيكرتون عند القواعد في ثواني بيضيع الصوت تماما
وإذا كان السبب بالعفشة الخارجية فيجب أولا مراجعتها بواسطة الفنيين بالعفشة للتأكد من عدم وجود عطل أو خلل في مكوانتها كالمقصات والشدادات وغيرها والإحتمال الذي أرجحه إذا كان الصوت من العفشة هو ربما من الماء والتراب خصوصا إذا كان طريقك فيه ماء وتراب بصفة دائمة يمكن أن يكون قد علق بالأجزاء المتحركة بالعفشة مسببا لها طبقة من الصدأ الخفيفة تسبب صوت تزيييق مع إهتزاز السيارة أثناء السير والحل بسيط هو غسلة جيدة بالمحطة مع قليل من الجاز عند العفشة ...وأكرر قليل جدا.. (لأن كثرة الجاز باستمرار تؤدي لتآكل الكاوتشات) مع ماء الغسيل سيؤدي لنتائج مبهرة إن شاء الله

وأعتقد من كلام حضرتك إنك في مدينة ساحلية أو بمعني أصح السيارة موجودة بمكان عالي الرطوبة باستمرار فطبيعي يتكون بعض الطبقات البسيطة من الصدأ علي الأجزاء الحديدية وتؤدي لصوت تزييق مع السير وغالبا ده بيحتاج لتشحيم متخصص شوية بالذات لأجزاء العفشة علشان تقضي علي موضوع الأصوات ده وتحافظ علي السيارة لأن الرطوبة دي متوحشة جدا في المدن الساحلية .. أفتكر مرة كنت في إسكندرية شفت ماسورة مياه من النوع السميك جدا والصدأ كان واكلها بشكل بشع كما لوكانت ورق

عموما أتمني التوفيق لحضرتك
وتأكد إن المختصين في فرع الإسكندرية خاصة المهندس/ أسامة مدير الصيانة حيقوموا باللازم ومش حيسلموك السيارة إلا وهي 10/10 وياريت تطمنا علي الأخبار إيه اللي تم وكانت إيه المشكلة بالظبط علشان الفائدة تعم.

وربنا يبارك لك في سيارتك وتكون أفضل مما تتمني

**hassan_mohamed21** · 01-01-2010 08:49 PM

احب اشكرك جدا على المعلومات القيمة دى و بجد سعيد بردوك و بتابعهم بأستمرار لانك واحد من الناس الفاهمة و دى مش مجاملة

مصدر الصوت هو السقف نفسه مش الفتحة و انا كنت مع الفنى و هو بيفك و بيجرب العربية و السقف مفكوك بس مقدرش انه يوصل لحاجى يمكن علشان هما هناك حبوا يزهقونى شوية بأنهم فضلوا معطلين العربية نت الساعة 12 لحد الساعة 3:30 محدش اشتغل فيها لانى كنت عامل معاهم مشكلة علشان انا مش فاضى اروح كل يوم التوكيل علشان حاجة مش تستاهل فالساعة و صلت 6 و كان الفنى طبعا عايز يروح وواضح ان الحكاية دى كانت اول مرة تصادفهم

بالنسبة للكرسى اللى جنب السائق و اللى كنت والسائق كان فيه صوت تزيقة ربطوا كورسى السائق و فوتوا مسمار منه المهم و حطوا مسمار مش من نفس النوع بس مبقاش فيه الصوت فتقريبا خافوا انهم يجو جنب الكرسى التانى للمسامير كلها تفوت و تبقى مشكلة لنهم يلاقوا مسامير و الله حاجة تضحك

بالنسبة للعفشة فده صوت فى العفشة نفسها و انا كنت اشتكيت من اكتر من مرة و لا حياة بس الصيانة دى انا قررت انى مش هعديها كده لان الصوت زاد جدا و حرام عربية عاملة 10 الف يبقى فيها الاصوات دى كلأنها صوا زجاجات ميه حد بيرجها و صوت تزيق جدا فى الخلف خصوصا لما العربية تبقى واقف و دايس فرامل على منزل و الف الدريكسيون بيظهر صوت غبى جدا
انا مش ساكن فى منطقة تربية بالعكس انا فى شارع عمومى مسفلت و المسافة بيى و بين شغلى اقل من 10 دقائق بالعربية و كلها طرق عمومية الا حتة 100 متر الاسفلت فيها مش مستوى

انا فعلا قررت انى اروح فرع اسكندرية لانى اصلا كنت بعمل كل الصيانات هناك
بس اخر مرة رحت فيها لصيانة ال 5000 مكنتش على المستوى المطلوب و بعد ما رجعت اضطريت انى اروح فرع القاهرة بعدها باسبوع علشان اصوات العفشة و را و الغريب انهم لاقيوا العفشة كلها مفكوكة و قالوا انهم نسيوا يربطوها فى اسكندرية لانى المسامير منفكوكة خالص مش معقول تكون اتطربتت من اسبوع الصوت ساعتها قل بس الصوت المستمر اللى بسمعه من ساعة ما استلمت العربية زى ما هو مش بيضيع
انا كنت فاكر الخقيقة انها كده بس واحد صحبى معاه العربية ليها سنة و نص انا عربيتى ليها 6 شهور مفيهاش الاصوات دى الحقيقة ما شاء الله انا بعد ما ركيبت عربيته حسيت انى راكب جرار مش عربية

ربنا يسهل و يتمها على خير
انا فى اخبار اليوم على فكرة
و محرر صحبى قال ان واحد راح حماية المستهلك و بلغ على توكيل كان دايوا تقريبا و و هما قاموا باحلى واجب معاه و الزموا التوكيل برد الفلوس او تغيير العربية و ناس كتير قاليتلى على الموضوع ده
وواحد من داخل الفرع نصحنى انى اروح لواحد اسمه اللواء حسن او العميد حسن و الاستاذ علاء هما يقدر يظلتوا الناس اللى فى الفرع ده علشان برضه لو صادفت حد مشاكل فى فرع القاهرة

لما نشوف بس هترسى على ايه و ربنا يقدم اللى فيه الخير

**hassan_mohamed21** · 02-01-2010 09:12 AM

العملية الشاقة اللى معرفوش يعملوها نزلت انا و اشتريت مفتاح و ربط الكرسى و صوت نزيقة الكرسى راحت بركولى عقبال باقى الاصوات

**sv065** · 02-01-2010 12:40 PM

العفو يافندم أنا اللي باشكر حضرتك جدا علي توضيحك لجانب كبير من المشاكل اللي ممكن تقابلنا كلنا علشان نعرف أفضل علاج ليها إيه إن شاء الله

وبخصوص السقف كده أعتقد الموضوع محتاج فحص دقيق شوية من جانب حد متخصص أكثر في هذا الموضوع وأنصحك بضرورة توضيح كل ما تم للمهندس / أسامة مبروك مدير الصيانة بفرع الإسكندرية وإن شاء الله يقدر يحدد السبب إيه ويحل لك مشكلته

وفعلا موضوع عدم دقة الفنيين بفرع القاهرة في الفك والربط متكررة جدا وأحب أذكر لك موقف مشابه حصل معايا كنت لاحظت وجود تعريق بسيط جدا حول ماسورة توصيل زيت الفتيس الأتوماتيك إلي أسفل الراديراتير للتبريد وهي ماسورة صغير جدا علي شكل حرف [caps](l)[/caps] وبيركب فيها خرطوم كاوتش قادم من الفتيس ... المهم في صيانة 5000 نبهت علي المسئول يفحص الموضوع ده ويشوف سببه إيه قاللي حاضر وبعد ما العربية خلصت آخر اليوم - من الصبح - بينما وقت الشغل لا يتعدي فيها 45 دقيقة علي أقصي تقدير مع العلم بأني كنت هناك موصي عليها عن طريق أحد المهندسين بالمركز كمان علشان مايأخرونيش ...المهم سألت المختص عن الماسورة اللي كان حولها تعريق زيت قاللي إنها كانت مهوية شوية وقرط عليها وبقت تمام فرحت وروحت البيت وبعد ما ركنت فوجئت بتنقيط زيت تحت العربية طبعا ركبني 500 عفريت وفتحت الكبوت لقيت ان الباشمهندس بتاع الصيانة ربط عليها جامد لحد ما عوجها وبقت بتخر زيت ورحت لهم تاني يوم فكوها وركبوها حوالي 3 مرات ومش عارفين يمنعوا الزيت من التنقيط وفي الآخر فكوها لي وقالوا لي هات لنا زيها من أي محل قطع غيار لأنها مش موجودة عندهم طبعا كنت علي أخري منهم بس كان همي الأكبر أني أخلص وامشي من عندهم بأي ثمن... وبعد ما لفيت الكرة الأرضية بالعباسية مالقيتش الماسورة رجعت وقلت لهم قفلوها أي كلام وانا أبقي غلطان إن جيت هنا تاني ورحت ركنت العربية ونزلت الحرفيين عند محل ردايراتيرات وإشتريت واحدة شبهها بـ 10 جنيه وركبتها بنفسي وشغالة تمام من وقتها لحد الآن
أنا باحمد ربنا إني أخدت بالي لأن كان ممكن الفتيس ينتهي تماما إذا مشيت عليه والزيت خلص من غير ما أشعر لذلك لا أنصح أي حد إنه يتعامل مع فرع القاهرة نهائيا تحت أي سبب لأنهم للإسف رافضين يطورا نفسهم أو ينتبهوا للمشاكل اللي بيكونوا سبب فيها

وإحنا مش بنتجني عليهم بالعكس إحنا نفسنا وبنتمني يكونوا أحسن فرع بس بالشكل ده مش حينفع نهائيا

أنا باروح إسكندرية وارجع مخصوص مشوار محترم 400 كم بس أرحم بكتير من القاهرة وحرق الأعصاب اللي فيه

وبالنسبة للعفشة إذا كنت واقف ودايس فرامل والتزييق بيحصل لما تريح رجلك خفيف علي الفرامل يبقي إحتمال نوع تيل الفرامل وحش وبيعمل صوت تزييق عالي وده كان بيحصل معايا وغيرت التيل في التوكيل علي حسابهم بعد 5000 كم

في إنتظار نتيجة زيارتك لفرع الإسكندرية وإن شاء الله موفق