استفسار عن باسات 2010

**hamada1970** · 31-12-2009 01:40 AM

المشاركة الأصلية كتبت بواسطة saif3s

أخى انا ما قلتيش انه ينفع لكن قلت ممكن لو مش هتضغط على العربيه ! و الفرق كبير زى المشاركه اللى فوق
و صدقنى مش هتقدر تعمل كده

انا مشيت بالعربيه حوالى 600 كم من شرم الشيخ الى القاهره ببنزين 92 ودى المره الوحيده اللى عملتها
كفائه العربيه بتقل حوالى 45% وكنت ماشى 140 -150 جايبهم على الهادى ومثبت السرعه عليهم لكن الاستجابه السريعه اللى انا متعود عليه مع ضغط البنزين شبه معدومه
الالنترا و لانسر و الكورولا ليس بهم تيربو حتى مع ثبات معدل الانضغاط .
التيربو و هو العامل السحرى فى ال tsi يستلزم بنزين 95 لكامل المتعه بالعربيه

اولا شكرا على تفاعلك و مشاركتك فى الحوار و انا مقتنع بكلامك و يبقى كده ما حدش يركب المانى غير سكان القاهرة و الاسكندرية عشان بنزين 95 احنا ما نكرهش حتى نحط بنزين 98 عشان العربية دى تستحق كل أحترام بدون مبالغة و فى النهاية أرجو منك التكرم بالرد على استفسارى بما انك من ملاك هذه الجوهرة ياترى بتحس ان العربية تقيلة و ان الموتور قليل عليها و ياترى ايه اخبارها مع المطبات خصوصا ان خلوصها 13.2 سنتم و النترا بتاعتى 15 سنتم و باعانى لما باكون مركب خمس أفراد من المطبات و الاحتكاك اللى بيحسس اللى راكب معايا انى ما بعرفش اسوق و فى النهاية شكرا لحسن حوارك و فى انتظار بنزينة 95 فى سوهاج عشان مش حقدر اجيب غيرها و لو ما حصلش ده حاجيبها و احط بنزين 92 و اللى يحصل يحصل .

**mesho_kimi** · 31-12-2009 01:40 AM

العربيه من غير ال 95 حتفقد كتير من قدرة ماتورها من وجهة نظرى

**KHALED AYMAN** · 31-12-2009 02:13 AM

المشاركة الأصلية كتبت بواسطة SAiF3S

خالد باشا منورنا
انت فاهم صح بنزين 95 علشان التيربو مش معدل الانضغاط

ده نورك يا كبير ...
و شكرا على التوضيح ..

**midnightman_74** · 31-12-2009 02:29 AM

على حسب معلوماتى ان البنزين ملوش اى صلة بالتربو شارجر

البنزين لة علاقة بالمكنة

لان التربو شارجر فكرتة انة بيزود كمية الهواء الداخلة على الموتور وبالتالى بيزيد الهورس بور بتاع المكنة

والتربو عامل زى مروحة الهواء وبياخد الحركة من سرعة عادم السيارة

يعنى لما دوس بنزين ويخرج عادم - سرعة العادم تلف المروحة- فيزود كمية الهواء الداخلة على المكنة

يعنى التربو مش متصل بنوع النزين

ودة على حسب معلوماتى

**midnightman_74** · 31-12-2009 02:43 AM

ودة فيديو بيوضح توصيل التربو مع خرج العادم (الشكمان)

YouTube - How Turbochargers Work

**SAiF3S** · 31-12-2009 02:17 PM

المشاركة الأصلية كتبت بواسطة hamada1970

اولا شكرا على تفاعلك و مشاركتك فى الحوار و انا مقتنع بكلامك و يبقى كده ما حدش يركب المانى غير سكان القاهرة و الاسكندرية عشان بنزين 95 احنا ما نكرهش حتى نحط بنزين 98 عشان العربية دى تستحق كل أحترام بدون مبالغة و فى النهاية أرجو منك التكرم بالرد على استفسارى بما انك من ملاك هذه الجوهرة ياترى بتحس ان العربية تقيلة و ان الموتور قليل عليها و ياترى ايه اخبارها مع المطبات خصوصا ان خلوصها 13.2 سنتم و النترا بتاعتى 15 سنتم و باعانى لما باكون مركب خمس أفراد من المطبات و الاحتكاك اللى بيحسس اللى راكب معايا انى ما بعرفش اسوق و فى النهاية شكرا لحسن حوارك و فى انتظار بنزينة 95 فى سوهاج عشان مش حقدر اجيب غيرها و لو ما حصلش ده حاجيبها و احط بنزين 92 و اللى يحصل يحصل .

اخى الفاضل انا لاقلت لك حط بنزين 92 ولا 95 انا وضعت بين ايدك كل الاختيارات ,والاختيار لك. وكلمه اخيره ال tsi تحملها واداءها مع ال 92 افضل من ال fsi
وفى منتدى المرسيدس شايفهم بيحطوا بنزين 92 فى ال c180 مع ان العربيه مخصص لها 95
العربيه ما شاء الله من افضل ما يكون, مش تقيله ابدا و الموتور مش قليل عليها واداء1.4 tsi
اعلى من bmw 316 مساويه او اعلى شىء بسيط عن ال bmw 318
أعلى من المرسيدس c180 الجديده
لاتقارن ارتفاع الباسات بارتفاع الانترا و الكورى عموما العفشه فى الألمانى عموما رياضيه وعمرها ما بتعمل زى الالنترا (العربيه دى بتصعب عليا لما يكون 2 راكبين ورا) لكن الباسات الامر مختلف العربيه عاليه نسبيا و مع ركوب 5 افراد نسبه الانخفاض بسيطه و العربيه ماشيه افقى زى بعض ,يعنى مش زى الالنترا بتحك من الخلف

**SAiF3S** · 31-12-2009 02:37 PM

المشاركة الأصلية كتبت بواسطة midnightman_74

على حسب معلوماتى ان البنزين ملوش اى صلة بالتربو شارجر

البنزين لة علاقة بالمكنة

لان التربو شارجر فكرتة انة بيزود كمية الهواء الداخلة على الموتور وبالتالى بيزيد الهورس بور بتاع المكنة

والتربو عامل زى مروحة الهواء وبياخد الحركة من سرعة عادم السيارة

يعنى لما دوس بنزين ويخرج عادم - سرعة العادم تلف المروحة- فيزود كمية الهواء الداخلة على المكنة

يعنى التربو مش متصل بنوع النزين

ودة على حسب معلوماتى

المشاركة الأصلية كتبت بواسطة midnightman_74

ودة فيديو بيوضح توصيل التربو مع خرج العادم (الشكمان)

youtube - how turbochargers work

اللى حضرتك بتتكلم عليه تيربو فقط والتحكم به مانيوال ومعمول عموله لازم تضبط الهواء و البنزين و مكون من 2 توربين واحد لدفع الهواء وواحد لسحب العادم من غرف الاحتراق الى المانافول
ال tsi الفكره دى 1\3 تكوينه, الثلث الثانى هو التحكم فى خلط الهواء والبنزين و توقيت تشغيل التوربين وفصله عن العمل عن طريق دائره معقده من الحساسات وكمان شكل الراشاشات و موقعها داخل غرفه الاحتراق لان دى لوحدها برائه اختراع
الثلث الاخير ان توربين سحب الهواء من غرف الاحتراق مش كله بيروح للمانافول انما جزء كبير منه بيروح يتبرد و يدخل على التوربين الاول لغرفه الاحتراق مره اخرى
اعتقد (لانى لأ افهم فى الميكانيكا قوى) ان استلزام بنزين 95 هو لدائره التحكم فى خلط الهواء والبنزين وكذا العادم و مؤقت تشغيل التيربو فكل ده بيحتاج بنزين عالى الجوده اعلى من 92 للحصول على كفاءه المحرك القصوى

اللى كتبته ده اجتهاد من قرائتى عن المحرك وكيفيه عمله كذا متابعه عدد من المنتديات الاجنبيه , وهو يحتمل الصواب و الخطأ

**midnightman_74** · 31-12-2009 04:20 PM

التربو لا يسحب العادم00

لو وضعت ايدك على اى شكمان هتلاقى الهواء خارج بقوة دفع

فكرة التربو انة بيستغل قوة دفع الهواء العادم الخارج من الشكمان عشان يدور تربينة و هذة التربينة متصلة بتربينة تانية متوصلة فى سكة الهواء الجوى الداخل للماتور وتكون النتيجة ان كمية الهواء الداخلة للماتور اكبر فى حالة وجود التربو وبالتالى يزيد الهورس باور بتاع الماتور

والفكرة دى من زمان فى كل محركات الديزل والمشكلة الاساسية للتربو ان تكلفتة عالية جدا لانة بيلف بسرعة عاليية جدا و مصنوع من مواد لازم تستحمل درجة الحرارة العالية الخارجة من الشكمان

**hamada1970** · 31-12-2009 08:26 PM

المشاركة الأصلية كتبت بواسطة saif3s

اخى الفاضل انا لاقلت لك حط بنزين 92 ولا 95 انا وضعت بين ايدك كل الاختيارات ,والاختيار لك. وكلمه اخيره ال tsi تحملها واداءها مع ال 92 افضل من ال fsi
وفى منتدى المرسيدس شايفهم بيحطوا بنزين 92 فى ال c180 مع ان العربيه مخصص لها 95
العربيه ما شاء الله من افضل ما يكون, مش تقيله ابدا و الموتور مش قليل عليها واداء1.4 tsi
اعلى من bmw 316 مساويه او اعلى شىء بسيط عن ال bmw 318
أعلى من المرسيدس c180 الجديده
لاتقارن ارتفاع الباسات بارتفاع الانترا و الكورى عموما العفشه فى الألمانى عموما رياضيه وعمرها ما بتعمل زى الالنترا (العربيه دى بتصعب عليا لما يكون 2 راكبين ورا) لكن الباسات الامر مختلف العربيه عاليه نسبيا و مع ركوب 5 افراد نسبه الانخفاض بسيطه و العربيه ماشيه افقى زى بعض ,يعنى مش زى الالنترا بتحك من الخلف

شكرا على ردك السريع و تجاوبك مع موضوع النقاش و ربنا ييسر لينا كلنا امورنا .

**SAiF3S** · 31-12-2009 08:55 PM

المشاركة الأصلية كتبت بواسطة midnightman_74

التربو لا يسحب العادم00

لو وضعت ايدك على اى شكمان هتلاقى الهواء خارج بقوة دفع

فكرة التربو انة بيستغل قوة دفع الهواء العادم الخارج من الشكمان عشان يدور تربينة و هذة التربينة متصلة بتربينة تانية متوصلة فى سكة الهواء الجوى الداخل للماتور وتكون النتيجة ان كمية الهواء الداخلة للماتور اكبر فى حالة وجود التربو وبالتالى يزيد الهورس باور بتاع الماتور

والفكرة دى من زمان فى كل محركات الديزل والمشكلة الاساسية للتربو ان تكلفتة عالية جدا لانة بيلف بسرعة عاليية جدا و مصنوع من مواد لازم تستحمل درجة الحرارة العالية الخارجة من الشكمان

انت مصمم نسيب الموضوع الاصلى و نتكلم عن التيربو

انت فاهم التيربو صح و زى الفل لكن انت لما شاركت فى موضوع عن ال TSI فانا معتقد ان عندك خلفيه او قريت عنه على الاقل .
ال TSI فيه twincharging system واللى جزء منه التيربوشارجر اللى بتتكلم عليه علشان يدخل هواء عند rbm عالى وفيه سوبر شارجر وده كومبريسور تانى بيضغط الهواء البارد داخل غرف الاحتراق وده علشان يمنع التاخير فى التيربوشارجر

ودى صوره توضح ليك الموضوع ده فى ال TSI

وده كمان فيديو يشرح لك ال TSI
YouTube - VW TSI ENGINE ANIMATION