عندى بيجو 504 عايز اظبتها حد عندة افكار؟

**Xpert** · 13-12-2007 03:50 PM

هاها .. الله يخليك يا حج .. اخنا شغالين قطع غيار و عمي متخصص في البيجو (في بني سويف) و كانو بينزلوا ال504 زيرو ..
انا اتخصصت بي ام بس ماتخفش .. احنا بتوع كله
:d

**Xpert** · 13-12-2007 03:54 PM

اه ..كمان حركه (بس دي لبتوع البيجو اللي بيشتغلوا علي الموقف)
بتفكك التاره بتاعتك .. و ترميها في الزباله عشان بتبوظ (الشمس بتاكلها و بتتفك و تلاقيها بتلف في ايدك كده) .. و بتجيب تاره بتاعه بي ام (اي ثرتي) و بتروح لعفشجي يركبهالك.. بتركب و عاملينها في عربيه عمي ;)

**Xpert** · 20-12-2007 08:40 PM

و ياريييته فكر يرد ...
الف شكر ...

**noble911** · 20-12-2007 09:33 PM

ممكن سؤال
جناب الكرسي البارزة دي
من الكرسي نفسه و لا ده من الفرش اللي عليه

**Xpert** · 20-12-2007 09:41 PM

ممكن جواب .. من الكرسي نفسه يا حج .. و ممكن تخلي سروجي يعملهالك لو كرسي مفهوش .. بس تروح لسروجي نضيف زي اونكل حربي كده

**elshinzawy** · 21-12-2007 04:14 PM

طبعا مجهود ملحوظ يا شباب
بجد افكار جامده
على فكره مفيش احسن من البيجو
عربيه حديد وبتشد
انا جبت نوبيرا وكنت بفكر ابيع البيجو
لكن مقدرتش ودلوقتى بفكر ابيع النوبيرا واسيب البيجو
انا عربيتى 504 دهبى ميتالك موديل 77 فرنساوى
عملت فيها فرش جلد بيج غامق و2 زجاج كهرباء ومسند وشديت السقف سكرى
انا عاوز اجنت العربيته بس عاوز جنت يغير شكلها خالص ومش عاوزه بيجو
ياريت لو حد يقدر يساعدنى واريت اعرف حيكون تمنه كام
وكمان عاوز اغير شكل التابلوه ممكن ولا مينفعش
والمرايات اشكالها ايه اللى تتركب عليها
انا شفت واحد مركب مرايات شاهين الجديده
ببس سألت واحد قالى حتخرم فى القوايم بتاعه الابواب
وعاوز اعمل شغل فى الفوانيس يعنى اغير شكلها
وهل ينفع اركب زينون ولا ايه النظام وينفع اركب عدسات

**Xpert** · 21-12-2007 04:37 PM

بص يا حج .. مبدئياً كله ينفع .. بس هاقولك باختصار مفيد جداً ..
هاتركب مرايات الشاهين ؟ تركب مافيش مشاكل .. بس .. الخرم اللي هاتخرمه في الباب ده ليه تمنه .. هاتركبه و هاتخرم 3 اخرام في قايم الباب ,, و طقم الباب اللي انت هاتخرم فيه ده تمنه دلوقتي 5000 جنيه .. فاعمل الف حساب قبل ما تخرم .. الاسهل بقي .. عارف العربيات الامريكاني زي الكابريس كده .. استلقطلك مرايتين منها و بيجوا رخاص مش غاليين .. و نيكل و تمام و 100 فل و 10 ..
التابلوه اللي سعادتك عاوز تغيره ده .. تمنه 2750 جنيه ( انا نفسي تاجر قطع غيار اهه .. و مستغليه اجيبه في عربيتنا ..) .. التابلوه ليه شكل من 2 .. بتاع ال70 فيه منه قديم و جديد .. و الاختلاف بينهم في شكل العدادات .. و فيه منه ال80 .. و ده غير ده خالص .. ال80 فبر .. و فيه منه ال "L" و ده صااج و عامل زي بتاع ال404 كده .. فالاسهل انك تروح لسروجي يكسهولك لون الفرش .. بس خد بالك و اكسيه اغمق من لون الفرش .. يعني لو عندك بني.. اديلو بني غامق ..و امسك الحتت الفبر اللي في التابلوه دي اللي كااانت زمان نيكل .. ووديها لواحد بتاع رش يرشهملك برضه .. ممكن تديهم اسود مط .. او بني غامق .. و الشرايط اللي فيها تاخد سكري زي السقف كده .. (ايه يا واد الفن ده كله .. ده انا فنان صحيح ..) هاتكلفك 200-300 جنيه بالكتير و شكراً علي الفرش الجديد جوه و الافكار الصايعه بتاعتي ...
بالنسبه للجنوط فكده قدامك بقي حاجه من الهندي و التايوان و الكلام الجديد ده انا مش باستظرفه .. و بالنسبه للرينجات و الزينون انزل اسال الراجل اللي في الحرفيين هوه اللي يقدر يفيدك .. بس لو انا مكانك هاشوف شغله الاول قبل ما يعمل حاجه ..
حركه تمام بقي برضه .. ممكن تركب فانوسين امريكاني قدام هايدوك 4 فوانيس مدورين .. ممكن بقي لو مالقيتش و عاوز "تتصرف" .. بتجيب فوانيس البي ام اي ثرتي .. و تروح لسمكري يعملك ليهم قواعد (بحيث انه مايبوظش في العربيه .. اعدم القواهد براحتك بس العربيه لاء .. قله عاوز اشيلهم و اركب بتوعوتها من غير وجع دماغ .. قله كده ..) .. و ترجع تاخدها عند بتاع الفيبر يعملك الوش بدل الوش النيكل .. و لما يخلص ده رشه ايه ؟ اسود مط طبعاً .. و شكراً شكراً علي افكاري !
dont cheer , just throw money
:D :D

**paladin** · 21-12-2007 05:49 PM

lol
very very nice ideas
i wanted to ask you a question about 505 rear hubs (el tanabeer) i heared they are wider than the ones in the 504
is it true and how much they cost?
thanks a lot

**Xpert** · 21-12-2007 06:06 PM

تروو .. بس افهم ده كويس بقي ..
عفشه ال504 هيا هيا بتاعه ال 505 .. بتركب مكان بعض و كله عال العال .. الفرق فين .. انا هاقلك ..
انت عندك في ال504 او ال505 .. الطنابير بتبقي نظام يأما سكاكسن في موديلات الانجكشن .. ( و ده مش مرغوب ماعرفش ايه السر) .. يأما الطرندات .. و دي بتبقي نظام ايه .. بتفك الطنبوره ..لوحديها .. هاتلاقي تحتها السره و تحت السره فيه المجموعه اللي ماسك فيها جهاز الفرامل .. كـــــل ده كده سواء 504 او 505 واحد و بيركب علي بعض .. و مافهوش فرق ..
الفرق بقي في : المقصات اللي ورا اللي راكب علها الكلام ده .. بتبقي اعرض حوالي 3 سم من كل ناحيه (لو مسكت عفشه 504 و عفشه 505 .. هاتلاقي الفرق بين اخر المقص و اول الطنبوره .. ) بيبقي فيه حته طالعه كده ..
نتيجه دي .. اختلفت الكبالن بتاعه ال 505 و ال504 .. في الطول بس .. انما باقي العفشه واحد ..
باختصار بفي .. اللي يفرق بين عفشه ال504 و ال505 المقصات و الكبالن فقط .. و شكراً
يا واد يا فنان . اصل الكلام ده اتمرمطنا فيه كتير .. خلاص حفظناه صم ..

**paladin** · 21-12-2007 06:14 PM

i want to widen the rear end and i cant find wheel spacers (custom made are very expensive) or longer bolts so what can i do?
see the rear wheel in this pics

thanks for helping