الموضوع: كرولا ولا امبريزا ولا ميجان ولا استرا

والله انا رأيي امبريزا

المشاركة الأصلية كتبت بواسطة شاهين - بنز

إعتمادية : كورلا
قطع غيار : كورلا
عزل ممتاز : كورلا
تقنيات حديثة : كورلا زي الجير وخلافه
متور قوي : كورلا
نعومة : ميجان بفارق بسييييييييط

السلام عليكم
قطع غيار : كرولا (بس الفرنسى يعيش أكثر من اليابانى ).:)
عزل ممتاز : كورلا = الميجان.:)
تقنيات حديثة : كورلا تقلد الميجان (الجير بوكس ستبترونيك موجود فى الميجان من 2005).:)
متور قوي : كورلا > الميجان.:)
نعومة : الميجان أنعم بكثير.:)
عوامل الأمان : طبعا الميجان.:)
التصفيح من أسفل : طبعا الميجان.:)
حفظ التوازن على الطريق : طبعا الميجان.:)
الأوبشن بالنسبة للسعر : طبعا الميجان.:)

المشاركة الأصلية كتبت بواسطة Megane

السلام عليكم
قطع غيار : كرولا (بس الفرنسى يعيش أكثر من اليابانى ).:)
عزل ممتاز : كورلا = الميجان.:)
تقنيات حديثة : كورلا تقلد الميجان (الجير بوكس ستبترونيك موجود فى الميجان من 2005).:)
متور قوي : كورلا > الميجان.:)
نعومة : الميجان أنعم بكثير.:)
عوامل الأمان : طبعا الميجان.:)
التصفيح من أسفل : طبعا الميجان.:)
حفظ التوازن على الطريق : طبعا الميجان.:)
الأوبشن بالنسبة للسعر : طبعا الميجان.:)

.مع احترامي الكامل ولكن
- اعتمادية الياباني اعلى من الفرنساوي
واقرب دليل انك هات عربيه كورولا وهات ميجان وشوف الاتنين بعد 100 الف كيلو
شوف الكورولا غيرت ايه وشوف الميجان غيرت ايه وبكام كمان
في فرق كبير جدا
الكورولا اخرها تغير فلاتر في المده دي
انما الميجان هتغير حاجات غير الفلاتر
ده غير عمر الفلاتر كمان وسعرها

- اما عن التقنيات فالمسألة مش كده خالص لأنها موجوده في حاجات قديمة ولكن المسألة كانت مسالة احتياج السوق والسعر بتاع التقنيه اما انها عاوزه تعملها فهيا عاملاها من زمان بس في موديلات عاليه

- النعومة متهيألي لا يختلف اتنين في مصر على نعومة الكورلا والياباني عامه

- عوامل الامان الكورولا الجديده حاصله على خمس نجوم والميجان خمس نجوم ايه التمييز اللي يفرق بينهم دلوقتي

- الأوبشن بالنسبة للسعر
متهيالي انك ناسي ان الميجان عربيه موديل قديم ولما نزلت اول مره كانت اغلى من اعلى موديل للكورولا دلوقتي
يعني المعادلة مش بتتحسب كده فده موديل لسه نازل او سنه وده موديل خلاص هيتغير
ومع ذلك لو كانو الاتنين نفس موديل السنه ونازلين مع بعض تأكد ان الميجان كانت هتبقى اغلى بدليل انها من كام سنه لما نزلت كانت اغلى من سعر الكورولا الكامله دلوقتي

المشاركة الأصلية كتبت بواسطة sharky

أبو عبدالله باشا أنا ليه تعليقين
الأول تقنية الحديثة ماكنتش موجودة فى جيل الكرولا القديم لكن كانت موجودة فى الميجان اللى نازلة من 2003 و حتى الجيل الجديد من الكرولا لسه فيه حاجات مش نازلة فيه زى الميجان .

ثانيا و انا بشترى الميجان الفول أوبشن موديل 2005 الللى كانت سعرها عالى وقتها كانت بـ 137.000 كانت الكرولا الـ 1600 فول أوبشن أتوماتيك بـ 139.000 الف يعنى برضة الميجان كانت أرخص :)

ماشي
بس متنساش ان الميجان تقفيل تركي وده بيفرق في السعر جامد
زي ما الكورولا دلوقتي فيها اوبشن كتير علشان جنوب افريقي بس لو قارنت مثيلاتها من الياباني لن تقل بحال من الاحوال عن 180 الف جنيه

فموضوع التقنيه مش اختراع وانما كل ما في الامر ان كل وكيل بيشوف السعر والتقنية مقارنة بالسوق هتمشي معاه ولا لأ

زي الكورولا دلوقتي

اما التقنيه فمتهيألي كل الأوبشن اللي بتتكلموا عليها سهل جدا انها تتعمل من سنة 2000 مش 2003 كمان لأن المسالة مسألة سوق وسعر

يعني مثلا الكورولا الأكسيو اللي بتنزل في اليابان دي فيلم تاني خالص عن الكورولا اللي بنشوفها عندنا وامكانيات تانيه خالص

- النعومة متهيألي لا يختلف اتنين في مصر على نعومة الكورلا والياباني عامه

السلام عليكم
أنا مختلف معاك فى الرأى لان على ما أظن لا يختلف إثنين على نعومة الفرنساوى مش اليابانى معروف عالميا و محليا إن الفرنساوى أنعم من اليابانى بكتير (السيتروين و البيجو و الرينو أنعم من التيوتا و الهوندا و النيسان .......)

- عوامل الامان الكورولا الجديده حاصله على خمس نجوم والميجان خمس نجوم ايه التمييز اللي يفرق بينهم دلوقتي

التميز الـــ 6 إير باج مش إثنين بس ، الإضاءة الزكية الغير موجودة فى الكرولا ، سنسور الامتار.....الخ

- الأوبشن بالنسبة للسعر
متهيالي انك ناسي ان الميجان عربيه موديل قديم ولما نزلت اول مره كانت اغلى من اعلى موديل للكورولا دلوقتي
يعني المعادلة مش بتتحسب كده فده موديل لسه نازل او سنه وده موديل خلاص هيتغير
ومع ذلك لو كانو الاتنين نفس موديل السنه ونازلين مع بعض تأكد ان الميجان كانت هتبقى اغلى بدليل انها من كام سنه لما نزلت كانت اغلى من سعر الكورولا الكامله دلوقتي[/quote]

الميجان من 2005 حتى الأن بنفس السعر 135900 جنية بل بالعكس زادت فى الأبشن عن 2005 و بعدين إحنا بنقارن إية بإية الميجان فى رأى أحسن و أنعم و أرخص و أقوى سيارة فى فأتها فى مصر و شكرا لجميع الأراء.:):):)