ياريت تقييم خبراء الفولكس فاجن للبورا وياريت لو عن تجربة وشكرا
عرض للطباعة
ياريت تقييم خبراء الفولكس فاجن للبورا وياريت لو عن تجربة وشكرا
السلام عليكم ورحمة الله وبركاته
ممكن حضرتك تراجع هذا الموضوعhttp://www.nilemotors.net/Nile/96206-a.html
مشكور يا باشا على اللينك، يعنى بعد التجربة تديها كام من 10، واية رأيك فيها لو نويت إنشاء الله أجبيها عربية تستاهل ؟؟؟؟؟
بص حقولك حاجه البورا فى ناس كتير اوى بتشتكى من ثباتها بس ده لو انت من هواة الجرى غير كده تبقى عربيه ممتازه
البورا مش ثابته ازاى يعنى !!!!!!!!! طب ايه اللى ثابته على كدا بقى :d:d
أولا السلام عليكم جميعا,
أنا صاحب الموضوع اياه, و يمكن لسه مقفلتش الموضوع لأن فاضل حاجة واحدة معملتهاش, و لكن المهم تم حل مشكلة الثبات الكاتن واجهتنى أول ماشتريت العربية عن طريق الأتى:
1- تغيير الجنط الكان فى العربية بأخر استيراد أصلى 15 (1500 ج) و ده كان مسببلى رجة عالية فوق ال 80 و طلع السبب انه كان محتاج رنجات و كانت الفردة القدام يمين مفهاش الرنج
2- تركيب كاوتشات جديدة (بريدجستون تورانزا يابانى gr80) ب 600 ج الفردة
3- تغيير المساعدين الخلفى و جبت جوز مونرو (750 ج)
4- تغيير البطاحات و بلى البطاحات و جلب المقصات و بارات دريكسيون داخلى (استيراد) و كاوتش ميزان (دول كلفوا فى حدود 900 ج تقريبا).
النتيجة تحسن الثبات بصورة شديدة و حل معظم مشاكل العفشة و مفضلش غير تغيير المساعدين الامامى (لأنها متركب فيها بيلاشتاين بس ناشف جدا لدرجة شكنا أنا و الميكانيكى انه لا يمتص الصدمات و البديل هوا المونرو ب 900 ج أو الأصلى من عند الشهابى ب 1500).
(يوم أمس رحت العين السخنة رايح جاى بمتوسط سرعة 160 - 180 بدون مشاكل الحمد لله)
- طيب عربيتى أتوماتيك و يعنى البيضايقنى أوقات انى نازل من سبكترا مانيوال سى سى1600 كانت بتجيب 200 عادى و سحبها عالى جدا, لكن البورا الأتوماتيك سحب أقل طبعا و سرعة قصوى أقل فى مقابل رزانة و ثبات و شياكة البورا, سواقتها ممتعة بصراحة.
فلو ناوى توكل على الله لكن ركز جدا فى التدوير و خد وقتك عشان تلاقى حالة و لو غلبت ابتدى دور على أوكتافيا a4 موديل أحدث.
عربية مش ثابتة يا راجل حرام عليك وبجد والله حرام عليك هو انت متأكد انك بتتكلم عن البورا وانها مش ثابتة
شكلك كدا ما ركبتش بورا قبل كدا ولو حتى ركبت ممكن تكون ركبت او سوقت بورا فى الضياع والكنافة
انا اخويا كان عندة بورا من سنة 2001 لسنة 2008 والعربية ما شاء الله ثابتة ثبات رهيب كان ثباتها بيقارب ثبات المرسيدس العيون موديل 99 ودا عن تجربة العربية دى انا كنت بجيب ال 180 ةماشى عادى جدا ومش حاسس ان العربية بتجرى او خفيفة طب دا لو البورا خفيفة وهى بتجرى خليت اية للالنترا والسيراتو والدايو والكلام دا كلة شكلك كدا بتقصد عربية تانية وانت مش واخد بالك :44:
Temon باشا عادى سوء تفاهم و جايز الراجل جرب عربية حالتها مش ولابد, أنا أول ماجربت كان عندى مشاكل شككتنى فى العربية و الحمد لله انها طلعت مشاكل محلولة
والله يا toola انا ما استمتعتش بعربية فى سواقتها زى البورا والى خلانى اجيب الجيتا انها تكملة للبورا وموديل حديث للبورا والكل بيشهد للجيتا بالثبات دا ما عشان كدا انا قولتلة انة شكلة جرب بورا ضايعة وفى الكنافة بس قشطة انت اهم حاجة ياباشا ربنا يباركلك فى (تفيدة)(بورا) انا كنت مسميها كدا لما كانت عندنا :ma: بصراحة هى عربية مهما مرت عليها السنين ونزل بعدها موديلات هتفضل العربية دى دايما فى نظرى من اجمل العربيات الى نزلتها فولكس وهتفضل اكتر عربيه انا بحبها مهما امتلكت من عربيات بعدها
هيا فعلن حتى و فيها مشاكل مش قادر افهم ليه فيه متعة خاصة فى قيادتها, و حتى لما أقعد يوم أو 2 من غير سواقتها بتوحشنى (مراتى بتغير منها فعلن :). ربنا يحفظها يا رب من كل شر
السلام عليكم ورحمة الله وبركاته
واللهى يا باشا نفس الشعور تقريبآ عندى وعند كل واحد يمتلك تحفة من تحف الصانع الالمانى حتى ولو فيها مشاكل بردو بنحبها
اسأل الله تعالى ان يحفظ علينا نعمته وان يكفنا شرها وشر ما صنيعت له ونسأله تعالى ان يعطينا خيرها وخير ما صنيعت له
اللهم امين
اللهم أمين يا أ/ أحمد و شرفت الموضوع ربنا يحفظ الجميع
الله يكرمك يا أ/ أحمد
حقيقى استفادت من تجربتك فى الموضوع اياه بتاع الثبات بتاع البورا
ربنا يباركللك فيها
جزاك الله خيرآآآآآآآآآآآآآآآآآآ
ربنا يخليك على الدعوة الجميلة ديه, و اتشرفت بمعرفتم يا باشا
ازاى يا احمد تقول على عربية من عربيات فولكس مش ثابتة خليت اية للدايو والهيونداى والكيا والكلام الفاضى دا بجد انا ادايئت اوى لما انت قولت ان البورا مش ثابتة بس حصل خير بس فعلا عربيات فولكس ليها طابع خاص وطعم خاص عن اى عربية تانية ممكن تسوقها وربنا يباركلنا فى عربياتنا ويكفينا شرها يارب
م لو حضرتك رجعت للموضوع هتلاقينى كتبت رد و ان عدم الثبات مكنش من الهوا لأ كان ليه أسباب أهمها الجنط و العفشة و بعد تظبيطها الحمد لله اتحل 90% من المشكلة
بص انا قولت وجهة نظرى البورا دية انا طلعت بيها على الدولى 170 لاقيت العربيه فى الضياع بلذات مع المناوره مع العلم عربيه تانية ذى الكيا سبكترا على نفس الطريق بنفس السرعة معملتش الى عملته البورا يمكن يكون ده عيب العربيه اللى سقتها بس صاحب العربيه نفسه قالى هى فعلاً فو ال 160 مش تمام وأنا قلت وجه نظرى
يبئة صحبك الى عربيتة كانت فى الكنافة والضياع لان البورا من اثبت العربيات الى نزلت ايامها ومازالت حتى الان عربية ثابتة جدا يعنى انا من تجربتى ليها ومن تجربتى للجيتا ودا مش كلامى لوحدى ان كذا واحد صحبى قالولى ان البورا اثبت من الجيتا بس الى مساعد الجيتا عوامل الامان الزياده الموجودة فيها فا هى بجد انا لما بشوفها لحد انهردة بضرب لها تعظيم سلام لانها عربية ما شاء الله اقل ما يقال عليها انها عربية ولانى بعشق العربية دى جدا جدا جدا لانها تستحق كل دا وعن تجربة