يا جماعة ممكن تساعدوني في عمل مقارنة بين السيراتو (فئة 120000) و الفيات لينيا (فئة 108000) من النواحي الموضوعية مثل الموتور و الوسع الداخلي(مهم جدابالنسبة لي) و الاعتمادية و خلافه؟ مع ابداء الرأي الشخصي طبعا لمساعدتي في اتخاذ القرار
عرض للطباعة
يا جماعة ممكن تساعدوني في عمل مقارنة بين السيراتو (فئة 120000) و الفيات لينيا (فئة 108000) من النواحي الموضوعية مثل الموتور و الوسع الداخلي(مهم جدابالنسبة لي) و الاعتمادية و خلافه؟ مع ابداء الرأي الشخصي طبعا لمساعدتي في اتخاذ القرار
http://www.nilemotors.net/Nile/104170-a.html
شوف كده الموضوع ده واقرأه بالردود وممكن تستفاد منه ان شاء الله
وانا فى رأيى اللينيا تتفوق طبعا
متشكر أوي على ردك السريع دا, أنا مش عارف انا ما شفتش الموضوع دا ازاي....
عموما انا هقراه كويس ولو لسا لبا أي استفسار هبقا أطرحه وشكرا
طيب ممكن حد يكون قعد في العربيتين يفدني في نقطة الوسع الداخلي و كمان مدى راحة الركاب خصوصا على المسافات الطويلة..
لينيا الأفضل على الإطلاق حتى 140 ألف
لينيا الأفضل على الإطلاق
طيب في الوسع الداخلي خصوصا الكنبة الخلفية ايهما اكبر اللينيا ام السيراتو
أنا ركبت الاتنين الواسع في صالح اللنيا سواء ورا أو الشنطة
طب بما انك ركبت الاتنين هتقل عليك بأه...... انت ركبتها في سفر مثلا؟ قصدي تقدر تحكم انهي عفشتها مريحة اكتر في المسافات الطويلة؟؟
ماركبتيش اللنيا في سافر لكن ركبت السيراتو
اللينيا وبس
في الوسع الداخلي اللينيا اوسع
في العرض الخارجي السيراتو اكبر ب 2 سم
في الراحة اللينيا عفشتها ناعمة بس ما أعرفش السيراتو
في التسارع التربو طبعا وهم
في استهلاك البنزين اللينيا اقل عشان 1400 بس لو بتحرق الاستهلاك بيزيد
شكل التابلوه السيراتو احلى للفئات الغالية بس اللي في نفس السعر السيراتو شكل احسن بس الخامات اللينيا احسن
عفشة السيراتو وبالذات الخلفيه ناشفه ومش مريحه نظرياً (على أساس التصميم) وعملياً (على اساس التجربه) انما عفشة اللينيا حلوه مش ناشفه واكتر واحد ممكن يفيدك هو يوكو لانه كان بيقارن بينهم وجاب اللينيا....والله اعلم
لو في الموتور يبقى اللينيا
لو في مصداقية وقوة التوكيل يبقى السيراتو
لو في سعر إعادة البيع يبقى السيراتو
لو في الوسع عموما يبقى اللينيا
اللينيا مدرسة أوروبي والسيراتو كوري
فاضل الفرق في الضمان ومكان تجميع السيارتين(لا أعرف شيئا عنها)
وبالتوفيق .....:vctry:
طب سؤال ... هي اللينيا الأوتوماتيك اللي بتنزل بره بموتور ديزل ...موجودة في مصر ؟
ولو موجودة تبقى بكام؟
أصل مسألة ان اللينيا مانيوال بس تمثل عائق لعددكبير من المستهلكين اللي عايزيناوتوماتيك بس.....
مفيش أتوا في مصر من اللنيا بس المنوال بتعوه مش عرف كده اسمه إيه يوكو ممكن يقولك بس سهل جدا
المانيوال فيها شورت شيفت والدبرياج هيدروليك (على زيت ناعم جدا)
اللينيا أحسن لو المنيوال مش فارق معاك
طب يا جماعة في حد يعرف الفرق في استهلاك البنزين بين العربيتين؟؟؟
اللنيا اوفر بكتير قوي
مقدرش غير اقف احترام للصانع الاوروبى العملاق فيات
معلش مينفعش من راى تقارن سيراتو بالينا
الينا تقارنها بالميجان الاوكتافيا او جيتا لكن مع احترامى للجميع ماتقارنهاش بكورى او يابانى
انا متشكر للجميع على الردرد لكن هو مفيش حد حسبها بالأرقام؟؟
وفعلا انا شايف ان اللينيا أحسن كعربية ولكن اللي محيرني شوية اني كنت عايز أوتوماتيك وكنت بشوف هل الفرق يستاهل اني اضحي بيه أم لا...
شكرا مرة أخرى
الفرق في الموتور لللينيا
فرق في الثبات للينيا
فرق في الخامات لللينيا
فرق في قوة الصاج لللينيا
فرق في الكماليات للينيا في الفئة التانيه والتالته (كفاية البلو أند مي لو جربته مش هتعرف تستغنى عنه)
فرق في إعاده البيع للزمن القصير للسيراتو للزمن الطويل الإتنين مش هتفرق أوي
وأي سؤال أنا في الخدمة (كنت هجيب السيراتو وجبت اللينيا بس أنا أصلا ميهمنيش الأتوماتيك)
طيب سعر اعادة البيع ؟
طب صحيح و انا بتفرج على العربية في أوماترا لاحظت ان مشوار الدبرياج طويل شوية!!!
يا ترى تأثير ده في السواقة ايه؟؟؟
تقصد اني مش بحتاج ادوس الدواسة للاخر؟(لحد ما تلمس الأرض يعني)؟؟؟
متشكر أوي يا yoko على ردودك و اهتمامك :36_1_1[1]:
انا كنت محتار نفس الحيرة بس الحمد لله فى الأخر جبت اللينيا ومبسوط بيها الحمد لله
بعيد عن الشكل الخارجى فى الاختيار يبقا ارشحلك اللينا افضل
اركب لينيا ومش هاعدد كل المزايا اللى فيها اعضاء كتير محترمين عملوا مجهود كبير فى المقارنة لكن النقطه فى الأمان اللى بتحس بيه فى أى عربية أوروبى خصوصاً فى إرتفاع معدل الحوادث فى مصر وكمان قوة الموتور التربو هاتسعفك فى مواقف حرجه كتير مش ممكن اى عربية تانيه تقدر عليه فى نفس الفئة السعرية وكمان عربية مميزة مش منتشرة وده مبدأى فى الشراء (أركب اللى انا بحبة وفيه كل وسائل الأمان ومميز مش اللى ماشى فى السوق وخلاص) بالإضافة ان العربية سعرها فعلاً good value for money
اللينيا كعربية تكسب في الفئة دي بدون نقاش
اللينيا عربية أوروبية ...طعم الأوروبي دايما غير
بس في عوامل تانية هي اللي ممكن تقوي السيراتو قدامها
التوكيل
اعادة البيع
قطع الغيار
الأوتوماتيك
لو اي من الحاجات دي مش مشكلة عندك
يبقى و انت مغمض لينيا
ياريت جدول باسعار قطع غيار اللينا و اسعار قطع غيار السيراتو في التوكيلين لاني متوقع ان مفيش فرق كبير بس الاتنين
السيراتو 124 حصان
اللينيا 77 حصان ( 77 حصان * 1.3 = 100 حصان )
الشكل ازواق طبعا ( ان كنت افضل اللينيا )
توكيل كيا افضل من كيا فيات
سعر اعاده بيع السيراتو افضل من اللينيا
هات سيراتو عشان متتعبش