ولا يهمك
حصل خير
عرض للطباعة
حاولى تصورى الشيكات اللى بتمضى عليها
ويبقى معاكى نسخ من الورق اللى مع البنك وتتشال فى مكان كويس
وتحددى معاهم طريقة لسداد الاقساط تكون سهلة
يعنى مثلا الايداع فى الحساب والتحويل من الatm
فروع بتتشغل لوقت متاخر
[gdwl]
لا شكر على واجب وزي ماناس ساعدتني وانا بشتري فلازم اساعد غيري برده وده اقل واجب وميرسي جدا على الكلام اللي انا شايفاه كتير عليا اوي بصراحة
[/gdwl]
شكرا للمره المليون على مساعدتك ليا وربنا يجعله فى ميزان حسناتك
أن شاء الله أول ما امزل القاهره لازم أقابلك
أدعيلى ربنا يتمم الموضوع على خير ويقرب البعيد
وان شاء الله اعمل بكل نصايحك وانا فعلا قريت الموضوع بتاعك كله وكتبت فعلا الحاجت اللى بأستلمها مع العربيه عشان ما أنساش حاجه خاصة وصلة الكاسيت لانى قريت أن فى ناس كتير دايخه عليها
والله يا رنا قلقانه وخايفه ومش بعرف انام خاصة انى معايا أطفال فخايفه موت من الطريق مع ان سواقتى هاديه مش عنيفه أبدا بس قلق لابد منه
أن شاء الله بكره أروح أقدم الأوراق بس عندى معلش سؤال بسيط
العماره اللى أنا ساكنه فيها من اول الدور السابع لحد الثالث عشر عداد كهرباء واحد وعداد ميه واحد لكل الشقق وما فيش غاز فهل يكفى فاتورة تليفون او صوره من عقد الشقه بدل وصل الميه أو الكهرباء
معلش يا قمر تعبتك معايا بس أنتى عارفه بقى شراء عربيه ده حاجه صعبه قد أيه
الله المستعان
أدعيلى ربنا يتم الموضوع على خير
بجد مش عارفه أشكرك ازاى نصيحه فى محلها وفعلا كانت فايته عليا ولا عمرى كنت هأفكر فيها
تفتكر هايرضو يدونى صور من المستندات دى
بالنسبه للسداد أعتقد لازم نروح نسدد بنفسنا لأن اعتقد فى شيك بقيمة اللى اتسدد بنستله كل فتره معينه شيك من اللى ماضيناهم عن التعاقد
جزاك الله كل خير على النصيحه
والله حتندمى انك مجبتيش اوتوماتيك السلسلة او الاسورة تيجى فى اى مناسبة لكن العربية بتاعد معاكى سنيين و فرق الفلوس ال 6الاف جنية مش حتحسى بيهم لأنك بتقسطى و حيزيد القسط حوالى 50جنية بس ع ال 6الاف جنية دول فمتحسيبيهاش كدة انهم 6الاف كاش
انا غلطت نفس غلطتك و انا بشترى عربيتى و قلت لية فرق 5الاف جنية بين الهاف اوبشنز و الفول اوبشنز و دلوقتى بندم ....
فمتغلطيش غلطتى .... فكرى كويس ..
على فكرة انتى عكس كل الناس ! كلة مش بيعرف يسوق مانيوال و بيحب الاوتو و انتى اول واحدة فى حياتى اشوفها بتقول العكس !
متقلقيش مفيش حاجة بتبوظ طالما مواظبة ع الصيانة فى مواعيدها ... انا كان معايا فيرنا اوتو موديل 2004 لحد النهاردة العربية كأنها زيرو فمتقلقيش نهائى والله !
ولما تسوق اوتو حتدعيلى بس افتكرينى :))) و الاوتو مالة دة بنزين و فرامل بس ذى عربيات الملاهى :))))))))))))))
أولاً متقلقيش اهم حاجة بس تكوني استخرتي ربنا كويس قبل ماتبتدي في اي خطوة ولما تستلمي بإذن الله تطلعي صدقة على العربية وكل ماتركبيها تقولي دعاء الركوب واذكار الصباح والمساء كل يوم وان شاء الله امورك كلها تمشي على خير بإذن الله :ask:.
بالنسبة لموضوع ايصال الكهرباء
انا كان عندي مشكلة مشابهة لمشكلتك لإن عندنا البيت بتاعنا وكان متركب فيه عداد بإسم عمي من زمان (قبل مالميراث يتوزع ويبقي البيت من نصيب والدي) وعداد تاني بإسم والدي وكان فيه مشكلة ان العنوان مكتوب غلط وتقريبا برده ايصال الميه كان فيه مشكلة مش فاكرة هي ايه بس باين الاسم مكنش مكتوب صح يعني الورق كله كان متشلفط (شغل موظفين حكومة صحيح :dzey:) انا عموما قدملتهم اكثر من نسخة من الايصالات للكهربا والميه والتليفون والموضوع مشي والحمد لله فانتي قدمي ايصال كهربا وايصال ميه وفاتور تليفون (بشرط يكونوا كلهم حديثين) وشوفي هايعملوا ايه.
وهايبعتلوك مندوب استعلام علي البيت ومندوب تاني على شغل زوج حضرتك (استحملي المندوبين دول لإنهم في العادة بيكونوا رخمين وبيسألوا اسئلة سخيفة ساعات) ومجرد مانتيجة الاستعلام تطلع ايجابية (بتطلع بعدها ب 3 ايام تقريبا) هايبعتولك عشان تستكملي باقي الاجراءات.
وبالتوفيق بإذن الله ومبروك مقدماً على النيو اكسنت النبيتي :s1[1]:
مشكلة الاوتو مش انك مش تعرفى تسوقيها
مشكلة الاوتو انك لازم تعاملى الفتيس باحترام
يعنى تنقلى من P ألى D or R
بطريقة صح مش اى حاجة وخلاص