اقتباس:
المشاركة الأصلية كتبت بواسطة minaghopreal
أنا قصدي ان غبور مش ملتزمين بميعاد التسليم اللي بيقولوا عليه
ونتيجة لتجربتي اللي بقالها أكتر من شهر ونص بعاني فيها لغاية دلوقتي باقولك ماتدفعيش اكتر من مقدم الحجز (1000 جنيه بالكتير) في عربية غير لما تشوفيها قدامك
غبور بيثبتك مش أكتر و لو جربتي كلمتي حد تاني في غبور و سألتيه العربيه هاتوصل امتى هايقولك ميعاد تاني لأن دفعة العربيات بتيجي و تتوزع على المعارض حسب الطلب واللي بيفضل بيروح لغبور
فلو العربية موجودة دلوقتي عند هورس طبعاً روحي خديها
إيه اللي يخليكي تدفعى فلوس في حاجة مش شايفاها لما هتدفعي نفس الفلوس في حاجة شايفاها ؟؟؟؟
اوعى تكوني فاكرة ان العربية عند غبور هاتبقى مضمونة عن اي معرض تاني !!!
أنا رأيي قبل ما تحجزي عند غبور خدي لك لفة عند هورس وعند رمسيس وروحي شوفي ....
و كدة كدة غبور مش بيقسط شخصياً هو هيقسط لك تبع بنك اسلامي و ده اللي ممكن تعمليه مع أي معرض
لو انتى مالقيتيش العربية عند اي معرض او عايزة تاخدي من غبور ماتدفعيش أكتر من الالف جنيه مقدم الحجز غير لما العربية تيجي حتى لو قال لك انه عايز الفلوس قبليها باسبوعين علشان يسرع الاجراءات قوليله مش مهم العربية تتأخر شوية لأن الافيد له ان الفلوس تقعد معاه وهو يجيب لك العربية على مهله
ده اللي انا شايفه وعموماً ابقي طمنيني عملتى ايه
مبروك مقدماً
أنا فعلا زى ما قولتلك أتقرصت من غبور قبل كده وكنت دافعه نصف المبلغ كاش وفى الاخر لغيت الحجز وأسترديت فلوسى
وفعلاأن شاء الله العلى القدير هأكمل مع هورس أفضل خاصة ان العربيه موجوده قدامى فى المعرض باللون اللى انا عاوزاه أول ما أخلص معاهم ان شاء الله أقولكم الأخبار
متشكره جدا لتعبك ومتابعتك وجعله الله فى ميزان حسناتك