أولا مبروك عليك العربية
الحاله دي اعتقد أن البوابه عندك محتاجه تنظيف مش أكتر ودة بيتعمل عند أي ميكانيكي ب20 جنية
واي حد بيشتري عربية مستعملة المفروض يعمل لها ما يطلق عليه بطقم سرفيس وهكتبلك الأسعار على ما اتذكر
- تغيير زيت الموتور ودة طبعا حسب نوع الزيت وافضل حاجة موفرة دلوقتي هو زيت شيل الأصفر بيتغير من 3000 - 5000 كم ( السعر 100 جنية للجركن 4 كيلو)
- تغيير فلتر زيت (15 جنية)
- تغيير فلتر هواء (25 جنية)
- تغيير فلتر بنزين (35 جنية)
- تغيير فلتر تكييف (40 جنية)
- تغيير طقم بوجيهات 2 شمعة (50 جنية) ngk
- تغيير طقم سيور (سير تكييف - كاتينه - دينامو) وبصراحه أسعارهم مش فاكر بس برضه بسيطة متقلقش
- غسيل دورة التبريد (الريداتير) وإضافة مياه خضراء للمحافظة على درجة حرارة الموتور ودي بتتكلف مصنعية من 40 ل60 جنية وجركن مياه خضرا سعودي ب25 جنية وبلاش محطات البنزين أعملها أحسن عن محل متخصص ريداتير
ملحوظة الأسعار دي خارج التوكيل
دي كل الحاجات اللي ممكن تعملها بعد شراء سيارة مستعمله ومش لازم تعملها كلها برضه حسب حاله عربيتك لو البايع اعطاك فكرة عنها
المفضلات