شكرا جزيلا للاهتمام بمشاركة المعلومات مع الاعضاء وشكر خاص للاخ سبعاوى للإهتمام باالمشاركه ومعلوماته الدقيقة
عرض للطباعة
شكرا جزيلا للاهتمام بمشاركة المعلومات مع الاعضاء وشكر خاص للاخ سبعاوى للإهتمام باالمشاركه ومعلوماته الدقيقة
كان فيه فعلا عضو يمثل السبع و كان الراجل كتر خيره بيجاوب علي الاسئله لكن مره واحد مابقاش موجود و كنت عملت موضوع بردوا لمشرف القسم بسئل هو راح فين لكن للاسف محدش رد
و طبعا لاننسي فضل الاخ سبعاوي في الافاده و اضافة المعلومات اكثر الله من امثاله
انا ليا اسفسار ياريت المهندس سبعاوي يجاوبي عليه انا انهارده الصبح وانا بدور العربيه لاقيت الموتور بيرج كده و بعدين سندت رجلي علي البنزين و 30 ثانيه و الرجه راحت هل دي بوادر تنظيف النجكشن ولا ايه بالظبط و هل فلتر البنزين اللي في تنك البنزين مع الطلمبه بيتغير علي 100 الف زي ما الميكانيكي بيقول ولا دا فتي ميكانيكيه انا لما سالت الميكانيكي قالي لو هما عايزينه يتغير كل 20 الف كانوا حطوه في مكان سهل شويه جنب الموتور مثلا هل الكلام دا صحيح
منور الموضوع يا سبعاوى يشرفنى مشاركتك فيه اكيد و عاوز اقولك ان الكلام عن الفتيس اللى انا كاتبه فوق مش من الموقع هنا و لكن من موقع كونتاكت كارز و انا كاتب فوق انى لقيت الكلام ده على النت فحبيت انقله ليكم
عامة يا جماعه اللى يقدر يفيد او يساهم بمشاركه فانا عامل الموضوع لكل الناس مش ليا لوحدى و انا عامله علشان استفيد زى ما انتوا بتستفيدوا برضه
ياريت محدش يبخل علينا ولا بمعلومه ولا بأستفسار و اتمنى يا سبعاوى تكمل معانا النقاش هنبقى هتبقى حاجه جميله منك
تحياتى للجميع
لا تقلق، دى اعراض نزلة برد بسيطة (الموتور بيكون بارد جدا وممكن واحد من البوجيهات يكون اخد نسبة رطوبة بسيطة قللت استجابته والموتور بارد)، لكن مع دفء المحرك فقد البوجيه رطوبته واستجاب لدورة الحريق العادية
عموما هو عرض عادى فى صابح الأيام الباردة، يكثر حدوثه لو كانت السيارة متروكة لعدة ايام بدون تدوير لكن لا يمنع انه قد يحدث عشوائيا فى عدة ايام فى الشتاء، لكنه لا يسبب اى قلق إلا فى حالة تكراره يوميا، فى هذة الحالة اول حاجة نبص عليها البوجيهات طول ما هو مرتبط بالجو البارد، لو كان مرتبط بالجو الدافئ او تدوير السيارة ظهرا بعد تركها لساعة او اتنين بعد الاستعمال هنا نفكر فى الرشاشات
بالنسبة لفلتر البنزين فدى مش اعراض فلتر، الفلتر يضايقك فى السرعة العالية مع الاحتياج لتدفق بنزين كتير لكنه غير مؤثر فى التدوير، اما بالنسبة لمعدل تغييره فأنا غير متأكد لأنى للأسف لما بعت السيارة اديت دليل المالك ودفتر الصيانة بتاعها للمشترى، لكن لو عندك دفتر الصيانة اقترح ترجع لجادول الصيانة المدرجة به لمعرفة موعد تغيير الفلتر
لو سمحتوا يا جماعه عايز حد ينصحني انا معايا صني 2008 هل من الافضل ان اغير مقاس الكاوتش في المره القادمه الي 195/60/15 بدلا من 185/65/15 اللي بينزل مع العربيه وذلك لزياده الثبات وهل في اي ضرر علي العفشه لو غيرت المقاس
وسؤال تاني لو سمحتوا هل الافضل اشتري نوع الكاوتش ميشلان المانى ام بريدجيستون يابانى علما بانهما متقاربان في السعر وشكرا...
ياتري فيه صني 2010 مستورده بالكامل
يا ترى ايه هيا مشاكل التقفيل فى الصنى المصرى؟
سوال كده على السريع هيا النيسان تيدا لهيها اسامى تانيه بره
ولا ايه
تحياتى