الموضوع: فانوس اللوجان الخلفى

هو الفانوس اتكسر خالص يعنى جسمه اتكسر ولا الباغه بس
عشان لو الباغة بس ممكن تعمل الباغة واعتقد بتكون فى حدود 30 جنيه
لكن لو محتاج الفانوس كامل فسيادة العقيد والاستاذ / أحمد كمال كانو من كام يومين فى الحرفيين وسئلوا على الامامى وكان ب 300 جينه اكيد الخلفى هيكون سعره اقل

لا هوا اتكسر فى جنبه فى مكان مفهوش لمبة او اى حاجة يعنى نقدر نقول الباغة بس الجزء الى جوا فاضى
بس هى ازاى الباغة تتعمل ؟

اسف يا استاذ zkralla
سعر الفانوس 230 جنيه فقط وليس 490
بس برا التوكيل هايكون برضوا اقل

المشاركة الأصلية كتبت بواسطة alfa_we

لا هوا اتكسر فى جنبه فى مكان مفهوش لمبة او اى حاجة يعنى نقدر نقول الباغة بس الجزء الى جوا فاضى
بس هى ازاى الباغة تتعمل ؟

فيه شركة فى شارع زكى وليها فرع فى الظاهر (على ما افتكر اسمها الاهرام للبلاستيك ) كنت روحت مرة مع واحد صاحبى نعمل باغة فانوس ورانى للنيسان صنى بتاعته وبيطلع شكلها معقول جدا وكان الاستلام تقريبا بعد يومين هى فى نص شارع زكى على الشمال وأنت جاى مش ش الجمهورية

المشاركة الأصلية كتبت بواسطة alfa_we

اسف يا استاذ zkralla
سعر الفانوس 230 جنيه فقط وليس 490
بس برا التوكيل هايكون برضوا اقل

طب كده اتحلت أن شاء الله يا باشا مادام سعره فى التوكيل كده أن شاء الله بره ما يعديش مائة وكسر يبقى فياما تجيبه من بره او من التوكيل وتجيبة كامل وما فيش مانع تعمل الباغه برضه وتخليه عندك احتياطى مش هيخسر

متشكر يا باشا على الاهتمام
بس ايه موضوع الباغة دا انا اول مرة اسمع عنه يعنى هوا بيعمل فانوس كامل ( دا طبعا من غير البلاستيك الخلفى للباغة ) ولا بيعمل ترقيع ولا ايه انا مش فاهم

هى الشركة بتبقى عاملة قطع بلاستيك كل قطعة ليه لون من الالوان المنتشرة للفوانيس و سمك القطع ديه بيكون مقارب لمتوسط سمك بلاستيك الفانوس
عشان لما تكون عربية لسه جديدة وما نزلهاش باغة فتروح تعملها عندهم عن طريق تقطيع قطع ما الافرخ مشابهة لالوان الفانوس الاصلية ويتم لصق القطع جنب بعض مثل شكل الفانوس بس طبعا فى الاخر مش هتطلع زى شغل المصانع حتى لو مش الاصلى برضه هيكون شكله احسن من الباغة التركيب ديه بس هى ممكن تقضى الغرض مؤقتا لغاية ما اسعار قطع الغيار ترخص اكتر