السلام عليكم ..
انا عارف ان الموضوع غريب شويه بس انا كنت عاوز أعرف من الناس هنا و خصوصا فئه الشباب .. هل لما بتخرجوا مع بعض بتقسموا فلوس البنزين عليكم و لا بيتحملها صاحب العربيه لوحده
و شكراا
عرض للطباعة
السلام عليكم ..
انا عارف ان الموضوع غريب شويه بس انا كنت عاوز أعرف من الناس هنا و خصوصا فئه الشباب .. هل لما بتخرجوا مع بعض بتقسموا فلوس البنزين عليكم و لا بيتحملها صاحب العربيه لوحده
و شكراا
واللة ياباشا انا ساعات باسمع من ناس اعرفها بس مش اصحابي
بقي اللي باخرج معاهم وكدة ان فية ناس بتعمل كدة وصاحب العربية بيدفعهم في البنزيين
بس انا مع اصحاابي ماقدرش اقلهم علي حاجة زي دة اساسا
وشايف انها منظرها وحش جداااا
بس قلي انت رايك اية
أنا يا باشا متعود اني دايما أطلب منهم كده
و هما تعودوا علي كده خلاص
مش شايف فيها أي مشكله
انا وزملائي بنخرج مع بعض عشان نفك عن نفسنا ونتمشى وننبسط فاكيد طبعا مش هتفرق 10او20 جنيه بنزين في سبيل انك تكون مع اصدقائك ومبسوط...
واعتقد برضه شكلها مش حلو ان الواحد يقول لأصدقائه هاتو فلوس بنزين
بس سبب الموضوع ده ان اليوم حصل مشاده كلاميه بسيطه من احد الأصدقاء لأعتراضه علي الدفع ( أول مره يركب معايا )
و طبعا قولتله اللي يريحك
بس هوه فعلن دفع في الأخر
بص ياباشا
لو خروجات عاديه في البلد وكده عادي مابتفرقش خالص هتطلب من كل واحد مثلا 2 جنيه مش معقول طبعا
لكن مثلا انا كنت مسافر اسماعيليه مع اصحابي من فتره
وماكنتش هطلب بصراحه لقيت واحد صاحبي قاللي ماينفعش انك تدفع بنزين لوحدك وفعلا اتفق مع الباقيين ودفع كل واحد 14 جنيه بنزين
حل اخر بدل الفلوس وكده انكوا تخرجوا كل مره بعربية واحد
علي فكره هي بتعتمد الشخص حسيس ولا لأ انا في واحد صاحبي كان عايز يقاسمني في كل حاجه حتي الباركينج وواحد تاني والله مبقتش اعرفه بسبب الموضوع ده كان عنده مازدا وشاهين يجيلي كل مره بالشاهين ويقعد يقولي عربيه تقيله ورخمه وماينفعش نخرج بيها لغاية ما اديته علي دماغه صح
هو المشاوير بتكون طويله
يعني 120 - 140 كم في الخروجه الواحده
واضح فعلا ان كلكم متفقين علي رأي واحد
فى حالة السفريات فقط اما الخروج العادى لاء
بصراحه لو خروجه مشتركه..يعنى مثلا قررنا فى يوم أجازه نسافر مثلا..أكيد مش انا اللى حشيل البنزين لوحدى..
لو رايح مثلا مشوار أو مسافر بردو..ومعايا واحد ..بس سواء جه أو مجاش انا مسافر..مش باخد منه..
كله بالأصول اللى متزعلش حد
بصراحه انا بالنسبه لي الموضوع ده سامحوني قمه البواخه :T_thum1[1]: من اللي معاه العربيه ولو هي مزنقه وحاسس انها تقيله ابقوا اركبوا مواصلات لاني عن نفسي لو رايح اسوان من القاهره عمري ماهخلي حد يدفع مليم حتي الكارته لان الموقف ده حصل معايا وصحابي عرضو يشاركو في البنزين والكارته وانا اندهشت طب ازاي يعني ينفع حد يبقي في بيتك ووقت غدا وتقوله لو هاتاكل معايا تدفع وتحسب له سعر الارز واللحمه بكام ويدفع معاك بصراحه موضوع بايخخخخخ اخررر حاجه :banghead: بس ممكن تتعوض ان طبعا في المشوار لو وقفتم تاكلوا حد يحاسبلك او قعدتو علي كافيه حد يحاسب وكده يعني:satelite:
على جثتى حد يدفع مليم فى عربيتى انسى يا عمرو
وانا كتير صحابى هما اللى بيعرضوا عليا عشان ساعات
بمشى بالعربية كتير لكن برفض رفضا تاما
[QUOTE=engmohamed;3872241816]بصراحه لو خروجه مشتركه..يعنى مثلا قررنا فى يوم أجازه نسافر مثلا..أكيد مش انا اللى حشيل البنزين لوحدى..
لو رايح مثلا مشوار أو مسافر بردو..ومعايا واحد ..بس سواء جه أو مجاش انا مسافر..مش باخد منه..
كله بالأصول اللى متزعلش حد[/QU
شكرا علي الرد
انا ليا رأي في الموضوع ده
لو شباب وكلنا في جامعات وبناخد مصروف وكده مفيش مانع اننا نشارك بعض لان كلنا نفس الظروف بل على العكس اللي معاه عربية يمكن اغلب فلوسه ضايعه عليها بالذات انا ساعات بمشي بالعربية كتير واحب اغير زيت وفلتر ساعات الواحد يتكسف يقول لاهله انا عايز اغير زيت ب 150 جنيه مثلا بضظر اني احوشهم ويع
اما لو كلنا بنشتغل وكلنا والحمد لله بنقبض فلوس كويس
اعتقد انها مش لطيفة وقتها
مش ممكن خالص
واضح فعلا يا جماعه ان التربيه الأوروبيه عمله gap بيني و بين الناس
بس عمري ما في لحظه فكرت ان ممكن حد يزعل من كده
و الفكره برضه انا مش بقوله تعالا معايا أغير زيت .. أنا بقولله نقسم الفلوس علي بعض
و في الأخر هتدفع 1/10 من اللي هتدفعوا في التاكسي و صاحب العربيه اللي في أوقات كتير ممكن يكنسل خروجه بسبب ان مفيش بنزين مش هيبقي متضرر
و ايه رأيكم ؟؟
بالمناسبه انا مش بتكلم عن خروجه من وسط البلد للمهندسين
انا بتكلم عن 120 كم او اكتر كمان
بص ياباشا دة معتمد على صحابك
مثلا انا و صاحبى كل ما بنخرج بتكون عربية واحد و اليوم التانى بعربية واحد تانى و هكذا و كل واحد بيجيب عربيتة او عربية والدة
بصراحه صعب اوي وعيب اوي ده يحصل وتطلب من حد فلوس وتقسموا مع بعض والكلام ده
بس في حاجه اظرف
انتا بتحرج اكيد مع ناس ولاد ناس ومحترمين تمام؟؟
اكيد الخروجه مبتبقاش ناشفه يعني مثلا في اكل في قاعده في حته (كافتيريا اي حاجه علي نفس المثال يعني)
في مبدا متفقين عليه انا واصحابي
مش معني متفقين انه قعدنا وقلنا واحد اتنين تلاته
لا ده بيجي بالاحساس لان كل واحد معاه عربيه وحاسس بالمصاريف
فلواحدينا عارفين الي جايب عربيته في اليوم ده كفايه عليه مصاريفها ونشيله في اي مكان بنقعد فيه
بالنسبه للسفر نفس الكلام لواحدينا عارفين الي معاه العربيه ورايحين الاسكندريه مثلا
صاحب العربيه مش هيشيل الا مصاريفها من الالف للياء واحنا هنشياه في كل حاجه برضه من الالف للياء
احسبها كده بينك وبين نفسك هتلاقيها هيه هيه بس بطريقه ظريفه وذوق
لاني مش هقول للاربعه الي خارجين معايا ونبي كل واحد 2 جنيه حق البنزين
متهيالي كده بقيت العن من اجره
ده راي المتواضع
A.Yakout
صعب فكرة (دقيقه ومتزنه) دي تكون مع اصحابك
سيبك من ماديات وكلام فاضي
صاحبك الحقيقي لو حصلتلك مشكله بتديله تليفون بيكون موجود قبل اخوك
فمش هتفرق بقي لو صرف هوا انهارده 30 انا صرفت 40 متهيالي مش حاجه ولا دي الي هبصلها
يا راجل ده انتا لو عند الميكانيكي بتدي اقل واجب للواد الصبي خمسايه في ايده وانتا ماشي
وعلي فكره منكرش ان في ناس اعرفهم من عينة (معلش والله العربيه مفيهاش بنزين والعمليه معايا علي الاخر)
نصيحتي ليك دول مش اصحاب كفايه اوي اوي تقول عليهم معارف وعلشان كده مش دول الي تخرج معاهم وتامنلهم انهم يركبوا معاك لان في اي مشكله ببساطه مش هتلاقيهم
صاحبك الي بجد هيخاف علي عربيتك اكتر منك ولو في مشوار يقولك استني هنا الشارع مكسر متدخلش لاكن التاني يقولك يا عم دوس انتا عربيتك جامده انتا برضه هيهمك مطبات صغيره زي دي
فكر كده ومستني تعليقك
A.Yakout
لما بنسافر ممكن
كلام حضرتك بجد رائع و مؤثر
بس انا فعلا مش هيكون ممكن ليا اني أتحمل مصاريف السياره و كمان البنزين و هو ده السبب فعلا
و فعلا انا اصحابي دول يااااااااااااااما احتجتلهم و كانو معايا في أشد المواقف
ولــــــــــكن انا عاوز أوضح نقطه بسيطه
أحنا عند الذهاب الي الكليه في ناس مش معاهم عربيات و فعلا بكون في غايه السعاده لما يركبوا معايا بصفه شبه يوميه و رغم كده عمري ما طلبت منهم فلوس ّ!!
و بالمناسبه .. في البدايه أصحابي كانو مشترطين ان فلوس البنزين في الخروجات تبقي عليهم
لدرجه ان في مره مش قولتلهم
و طلعولي الفلوس و حلفوا عليا لازم أخدها ( و ان كنت رغم كده ما خدتهاش .. بس دي المره الوحيده )
دكتور عمرو مش قصة تقييد لانكم مش بتتحاسبوا ورقه وقلم
انا بقول مثال لان في خروجات وقتها مش بيبقي وقت لا اكل ولا شرب
وبيني وبينك يا دكتور انا بصراحه برضه حتي لو عربيتي ممكن اوقات كتير برفض حد يحاسبلي علي اي حاجه لان انا فعلا زي ما حضرتك قلت ممكن تكوني طلباتي خاصه شويه فمش بحب اتقل علي حد
وبعدين انهارده خرجنا بعربيتك بكره عليا انا وهكذا يعني
لاكن بصراحه انا مش خارج مع اصحابي وعاملها اجره حتي ولو انا بس الي في وسطهم معايا عربيه متخيلش ابدا ابدا في يوم مهما كان الموقف اقول يا جماعه البنزين هيتقسم علينا
بصراحه من وقت ما ركبت عربيات وليا دلوقت اكتر من 10 او 12 سنه بسوق محدش حطلي في عربيتي بقرش بنزين من جيبه
A.Yakout
لا بص حتى لو مش أصحابى أوى وحتى لو المشوار طويل ما ينفعش أخلى حد يمد أيده فى جيبه ويطلع فلوس بنزين بس كان فى واحد معايا فى الجامعة زمان ما كنتش طايقه و كان واخد الموضوع غلاسه (براشوت) عملتها معاه علشان ما يركبش معايا لأنى عارف أنه بخيل جدا وفعلا خد خطيبته و مشى
لو بنسافر و اللي مسافر معايا صحابي أوي .. بنقسمه
بس كام مرة كدة سافرنا و كان اللي راكب معايا مش صحابي جامد فا نفضت
إنما خروجة عادية لأ في كل الأحوال.
بص يا باشا هى حصلت معايا
انا صحابى كنت شايلهم فى عربيتى وكل مشوار عاوزين يرحوه معايا بالعربيه مكنتش بقولهم لا
المهم فى يوم قالو حيأجرو عربيه وعاوزين يتفسحو وتعالى معانا
انا كبرت دماغى هما صممو واتصلو بيا فى نص اخر اليوم تقريبا وكانو مروحين وقولت انزلهم وركبت معاهم ولاقتهم بيقولو البنزين خلص كل واحد يجيب 3 جنيه عشان نحط بنزين طبعا عملت نفسى مش سامع وقولت الكلام مش ليا انا عمرى معملت معاهم كده وانا جاى فى اخر اليوم اصلا مالى ومال البنزين المهم لاقتهم لمو من بعض وبيقولولى هات قولتلهم لا معلش انا معيش فكه لمو من بعض انتو وحطو على اد فلوسكو
بجاحه ببجاحه
من يومها وانا علمت عليهم ومعملتهمش ولا مشوار يخصهم
مهو يا تشلنى واشيلك يا مع السلامه
لاكن انا عمرى مطلبت من حد حق بنزين طبعا عمرها متحصل
بس على فكره الى انت بتعمله ده الصح بس انت عارف بقا المصرين وجدعنتهم الى بتيجى فى الاخر على دماغهم
انت شكلك ممشيها انجليزى انا ساعات بقول لنفسى ليه معملش كده يعنى الى بيوفر ده احسن منى
بس انا فيا عيب غبى انى بتحرج او بتكسف وده مينفعش الزمن ده خالص
ومتزعلش من ردود اخوانا الاعضاء وردودهم دى ان دلت فتدل على كرمهم وانهم ناس خدومه جدا
بس زى مقولتلك الى انت بتعمله ده فى حد زاته صح مش غلط