مواقف خطيره حصلت ليا وأنا سايق ....والحمد لله ربنا ستر
.
زمان ..وأنا في أولى جامعه
كنت مسافر من كفر الشيخ رايح القاهره - قبل ما أجيب عربيه-
كنت قاعد جمب سواق البيجو ..كنا في الشتاء
الطريق الاسفلت كان عليه تراب كتير ..ولما الدنيا مطرت..الطريق بقا سايح طين
السواق كان -والله أعلم - شارب حاجه
وكان بيجري والطريق مزفلط..فجأه
العربيه عومت ع الاسقل بشكل مرعب
والسواق الاهيل عمال يدوس فرامل ويجيب الدركسيون يمين في شمال.
والعربيه وشها يحدغ وضهرها يحدف بشكل -بجد -مرعب
والطريق - طبعا- على اليمين ترعه كبيره ..وع الشمال أراضي زراعيه
والدنيا بتمطر
والناس الي في العربيه بتصرخ في السواق
فجأه..في وسط المعمه
السواق راح فاتح الباب ونط من العربيه.
يانهار احمر
انا قاعد جمب السواق .
لما السواق نط ..بدون وعي مني مسكت الدركسيون..وبطلت العربيه
العربيه فضلت ماشيه بقوه الدفع الذاتي ..وأنا ماسك الدركسون بحاول ابعدها عن الترعه ..والحمد لله وقفت قبل ما تنزل بينا الترعه
..............ده موقف ..............................
موقف تاني
كنت رايح اجيب عربيه ايجار من الاسماعيليه لفرح واحد صاحبي
هوا الي كان سايق..وهوا كان اهبل سواقه
طريق الاسماعيليه الزقازيق صغير وكله عربيات نقل وتريلات
صاحبي كان بيعمل غرزه بين عربيات نقل..
فجأه العربيه بطلت ( كان عربيه kia )
والباشا كان بيجري على 140 وبيعدي النقل..عربيات جايه في المقابل
والعربيه ماشيه بالدفع الذاتي
دي بجد كانت موت محتوم
بس ربنا ستر
وضرب فرامل فجأه لما كان العربيات في المقابل خلاص في وشه
صرب فرامل وغمض عينيه ..وأنا بسوط جمبه
النقل عدى ..والمقابل حدف نفسه على شماله .
وربنا ستر
.
................ده موقف ............................
كنت لسه عامل فرده كاوتش كانت مخرومه
ومشيت بيها
كان معايا اتنين اصحابي ورايح الجامعه
فجأه
العربيه بترج بشكل مخيف..تحس ان العربية سايبه من بعضها
بصعوبه ركنت على جمب.
لقيت فرده الكاوتش الي انا لسه عاملها
ماسكه على مسمار واحد بس.
بتاع الكاوتش ماربطش المسامير كويس
والحمد لله ربنا ستر
كانت الفرده الي قدام ..يعني كانت موته أكيده..
الحمد لله ربنا بيستر كل مره
.
كل سنه وانتوا طيبين
.
تحياتي..
.