الموضوع انا هشرحه دلوقتي يتعمل ازاي عقبال ما اعمله عملي
بس علشان الناس اللي محتاجه تعرف بيتعمل ازاي
احنا هنحتاج حاجه اسمها دايود (موحد) ودي بتتباع عند بتاع الالكترونيات وتمنها ربع جنيه تقريبا
وهنحتاج فلاشر اشارات (زي بتاع ال 128 كده) وده ليه بديل اجمد بس هنقوله في الشرح
أولا فايده الدايود ده انه بيخلي الكهربا تمشي في اتجاه واحد وده هنحتاجه علشان لو انت ضربت كلاكس الكهربا ماترجعش للأنذار وهيبان في الرسم وخلي بالك ان الدايود ده ليه اتجاه بيركب فيه موضح بالرسم
وبالنسبه للفلاشر ده علشان يخلي صوت الكلاكس متقطع علشان لو انت لاحظت ان الانذار لما بيشتغل بيخلي السرينه شغاله علي طول ولو ركبنا الكلاكس هيفضل شغال علي طول من غير تقطيع
في بقي بديل للفلاشر ده حاجه اسمها تردد بيركبوها في الموتسيكل الصيني وده فيه زرار تحكم سرعه التقطيع دي قد ايه انا شايف هيكون احسن وهو عموما بحوالي 10 جنيه وبيركب بنفس الطريقه
http://www4.0zz0.com/2010/01/09/11/962811807.jpg
زي ما الصوره موضحه
ان احنا هنطلع طرف كهرباء من اللي واصل للكلاكس ونركب فيه الدايود بحيث كهربه الكلاكس ما ترجعش للأنذار يعني الجزء اللي لونه فضي في الموحد ده هو اللي عامل زي الحيطه ومش بيخلي الكهربا ترجع تاني
ونجيب الطرف اللي واصل بالسرينه ونركبه في طرف من الكتاوت والطرف التاني ارضي والتالت اللي واصل بالكلاكس
كده بقي لما الانذار يشتغل
هيوصل الكهربا للفلاشر والفلاشر هيقطع الكهربا ويوصلها للكلاكس
وكده كله هيشتغل وهيبقي 100 100
عموما ده توضيح للفكره يعني لو انت مش عارف تعملها روح لكهربائي وفهمه الفكره وهي هيعملهالك
وانا قريب جدا هعملها عملي وبالصور