خبر سمعته عن لجان الرادار، ياترى جد ولا اشاعة؟

**Hossam_Hassan** · 01-01-2010 08:46 PM

بقالى حوالى اسبوعين مش بقابل اى لجان رادار فى الغردقة او طريق سفاجا، بصراحة محطتش فى بالى لغاية ما واحد زميلى قالنا حاجة غريبة و مدير امن الفندق أكدها، قالوا ان فى تعليمات ان كمين الرادار يبقى كاميرا بس منغير دفع غرامة ولا سحب رخص، علشان المرور عاوز يزود الحصيلة لأن اغلب الناس بتدفع ال 150 جنيه، لكن دلوقت هيدفعوا 300 فى تجديد الرخصة، ياترى حد سمع حاجة عن الموضوع ده ولا مجرد اشاعة؟

**MOSHAKS** · 01-01-2010 08:55 PM

ليه لا كل شئ ممكن فى ارض المحروسه هما بيتفننوا ازاى يجيبوا الفلوس فمش مستغرب لو عملوا كده فعلا
ربنا يرحمنا برحمته

**MoToRiZeR** · 01-01-2010 09:18 PM

هو المفروض إن ده قانوناَ غلط .. لأن حسب نص القانون اللي قريته إن يجيلك المخالفة عالبيت زي ما قالوا زي الشطار كدة اما قعدوا يطبلوا لقانون المرور الجديد .. و تتساب لك مهلة كانت تقريباَ 3 أيام تدفع فيها الحد الأدني للمخالفة اللي هو 150 .. مدفعتش في المهلة تدفع بقي ال 300.

طبعاَ مفيش حاجة من دول بتحصل غير ال 300 جنيه اللي في الأخر.