اهلا بالشباب
الحقيقة العربية عجبانى جدا فوق ما تتصورا ومفيش مقارنة لها مع فيرنا او لانوس نهائيا
ولكنى صدمت النهاردة لما اتصلت بالتوكيل واسال على المراية ومش لاقيها فى ولا فرع لهم
واستغربت ازاى ده يحصل وخصوصا ان العربية انتشرت وشفت منها 5 تاكسى فى المنصورة دا غير الملاكى وقائمة الحجز فى التوكيل اللى انا كان ترتيبى فيها 57 وتركتها واشتريت من معرض خارجى لسرعة التسليم
هل اصحاب التاكسيات مجانين لو يشتروا عربية بدون قطع غيار متوفرة او سيارة ليست كفاءة
عموما انا حليت الامر مؤقتا لانى وجدت الموتور الداخلى لها سليم وبيتحرك طبيعى فركبت عليها مراية مؤقتة وماشى بيها كده لما التوكيل يوصله مرايات
* الاخ العقيد انا اتصلت بالتوكيل اليوم فى 3 افرع وبلغونى بثلاث اسعار مختلفة
فرع العبور 750 شامل الضريبة وغير موجودة
فرع العدوى للصيانة 847 شامل الضريبة وغير موجودة
فرع المصرية العالمية بالمنصورة 620 شامل الضريبة وغير موجودة
الحقيقة مش عارف اصدق مين فيهم
بالتوفيق للجميع
المفضلات