السلام عليكم أعتقد أن جميع الاعضاء مستائين من الأحداث و الجدل الدائر حول هذه الانتخابات ,اسمحوا لى بالرجوع الى أول اجتماع و الثانى و العلاقات بين الاعضاء ومدى الحب و الاخوه المتبادله و المجهود الذى يتكبده الاعضاء لحضور الاجنماعات و ذلك لمجرد الاجتماع مع أصحاب و أخوه و تبادل الخبرات بكل أمانه و اللى اشترى شئ جديد يفرجه لنا و يعرض ينزل معاك و تشتريه و من ازدياد العدد و زياده قوه المحبه ولمصلحه الاعضاء فكرنا فى موضوع الرابطه دى و لكن اللى حصل ان انتخابات الرابطه بدأت تحطم العلاقه الأصليه اللى قامت عليها أصلا .اذا الأوليه للعلاقه المتينه السابقه و لتذهب الانتخابات للجحيم انا مش مستعد أفقد أى صديق من اللى عرفتهم علشان أى منصب فى رابطه تربطنا بدون اساس حنكون مجرد أرقام صماء فى السجل بتاع الرابطه يافرحتى.......
انا متأكد ان م. آمر مش ممكن يخسر أ. وائل عطيه و لا أ. وائل عايز يخسر م. آمر علاقتنا ببعض أهم و أبقى و لهذا رأيت أنا و أ. جنيدى تأجيل الانتخابات لحين الاتفاق على اسلوب أخر للأختيار و بقواعد ثانيه و كل عضو ممكن يقترح أسلوب أخر للاختيار .أرجو اكون وضحت للأخوه الموقف لأن فوز أى من الاعضاء المرشحين بالمنصب (الذى لا يضر و لا ينفع) يجعل الجو جوه الرابطه مكهرب جدا و أسف على الاطاله و على الجميع التعليق على رائى بدون أى احراج