هنا السوال باة ؟؟؟
مين معاة عربية عالية في المنتدي
عرض للطباعة
هنا السوال باة ؟؟؟
مين معاة عربية عالية في المنتدي
أنت قصدك اعلى فى السرعة القصوى و لا فى العزم و لا فى الاداء بوجه علم و لا فى السعر ؟؟
أوضح افصح أجب :36_1_37[1]:
لو تقصد السعر يبقا انت بتسال مين اغنا واحد فى المنتدة
لكن لو تقصد قوة وشراسة الالمانى يقف بقوة والاوبل موجودة تتحدا الجميع اعتز بها جدا ولا اقبل النقد
ولا أعلى عربية عن سطح الأرض؟
اكيد واحد معاه عربيه نقل ....!!!
:,::,::,::,::,:
لالالالالالالالا
مين معاة اعلي في ماركة السيارة نفسها
الفكترا الاعلى فى الاوبل لغايت سنة 2008
لكن فى 2009 الانسنيا وحش بجد سعرها يفوق الفئة الخامسة والمرسيدس c
عربية جميلة جدا لكن مش هتنزل مصر للاسف مش هتتباع لانها برة زيرو عملة بالمصرى حوالى 350 او اكتر شوية يعنى هتنزل بالميت من 700 الى 800 لان مفيهاش موتير صغيرة خالص
وطبعا بالنسبة للفكترا ملكة المنحنيات الخطيرة بلاء منافس فى الفئة بتعتها انا بقصد الفئة السعرية امان عالى قوة وشراسة بلاء حدود انا باخد العربيات الكورى على الدائرى حتى 180 وبكسب فى الاخر لانى مبدوس فرامل خالص طبعا اليابانى يريح خالص على الجنب
سؤال الراجل واضح يا رجاله ههههه
الاجابه مش انا ههههه
على فكرة انا شفت انسينيا جمرك عندنا فى بنها من 10 ايام و كانت فاااااااااااججججججججججرة وهم وهم
بس بالنسبة لحتة الفكترا ملكة المنحنيات ف ده مش صحيح الملكة بجد هية السوبارو و ده بلا منازع,اكيد الفكترا احسن من حيث الموتور بس مش احسن فالثبات و ده عن تجربة.
و بالنسبة لأعلى عربية ف اعتقد ان فيه ناس فالمنتدى من بره مصر و اكيد معاهم عربيات جامدة,ف حدد موضوعك جوه مصر و لا ؟
فى واحد هنا معاه بورش كايين ...
ممكن يكون هو ..
طبعا انا مش بحسد والله ..
ربنا يباركله فيها ...
و بعدين ده انا راكب عربيه برقبتها هههههه فيكترا 2008
لو بتتكلم الكلام ده على فيكترا !!!
يبقى معلش ...
مفيش اثبت من الالمانى ...
الفيكترا اثبت من كل الالمانى الى فى فئتها ...
و خصوصا فى المنحنيات ....
انا كلامى على الفيكترا الجديده ...
انا باخد بيها ملفات على 180 و اقسم بالله باخد غرز فى الملف ...:shyy:و لسه عايش..:36_7_7[1]:
+11111111111
فى السرعة اصدق ان ممكن عربية مش ألمانى تكسب بس فى الثبات ده موضوع منتهى، أن عربية تقدر تجيب 200 مش معناها انها تقدر تلف على 200. الألمانى معمول انه يلف على اقصى سرعة ليه. من سنتين كنت سايق باسات 2000 سى سى فى ليبيا و الطرق هناك تساعد على الجرى و اصلاً كنت متأخر على الطيارة و كنت ماشى على 200 و الدنيا مطرة جامدة و خدت 100 ملف و غرزة و محسيتش خالص ان العربية بتعوم او حتى بتتزحلق.
مع الأحترام للجميع ، الثبات = الألمانى
اكيد الثبات بس ف الماني
وع فكره مش بس الفكترا وكمان الاسترا حلوه ف الثبات
الماني ثابت جدا طبعا
بس برضو مش تستهين ب سوبارو
في الدول العربيه يطلق عليا اسم اودي اليابان
العربيه دي مش ح ينزلها منصور عشان سعرها عالي جدا بس ايه بجد عربيه تستاهل
انا لسه مبارح شايف واحده كدا هنا ع طريق سريع
طبعا تجاوزت عني بشكل مش طبيعي تقول صاروخ عدا من جنبي وكان وراهم بي ام وباساات الجديده بس ايه ضايعين منه تقريبا كانه يتسابقو انو اللى يجب الاول
الرجل صاحب الموضوع كان قايل اعلى عربية مثلا بورش اودى مرسيدس بى ام
مش فكترا و لا استرا
لالالالالا بصراحة االالماني لايعلي علية في الثبات
بس تسارع مفيش ممكن اي عربية تسبقة
بس هوة بيجييبها اكيد بعد ال100
دة انا مرة كنت ماجر جيتا2008نة الي فاتت كنت ماجرها من مصر
وجاي بيها طنطا كنت بشد مع عريبات 2000سي سي وعربيات كتير اوي كنت لاول مرة بسوق عربية بعد عربيتي (فيرنا ) لا خجل ولا كسوف
والة يجماعة انا سبقت الناس دي بكتير اوي
وجيت لقيت بتوع برتقال علي السريع انا كان نفسي اكلة وقفت ونزلت اشتريت 2كيلو
وانا اعد علي الكبوت بقشر برتقال كانوا هما لسة معديين عليا
كلت يجي 3برتقالالات
وركبت وجبتهم تاني وهكزا اقشر واشد اقشر واشد
واللة اكتشفت في الاخر ان العربية الجيتا 2500سي سي
لما رجعتها الراجل بقولة انا شديت مع دة ودة قالي اكيد لازم تشد وتجيبهم
دة 2500سيسي
لسة بقي مجربتش 1600
بس انا لسة عند سوالي مين معاة عربية عالية في المنتدي يعني مرسيدس 2009
بس ام الفئة السابعة
بورش
فيات 132 2000سيسي
كلااااااام سليم يااخي
دي بي ام ودي مارسيدس ودي اوبل
وكل واحده بتقارنها بفئتها
انا مش بقول انه البي ام وحش ولا مرسيدس لا بلعكس عربيات دي محترمه جدا بس مش معنى انه الاوبل وحش خاالص
في عربيات اوبل زي الجديد اللى نزل دا الانسانيا والاسترا ا دول عربيات لو تشوفهم ح تجنن عليهم كأنك شايف بي ام او مرسيدس....
شكرا حضرتك
افتكر ياباشا في عندنا هنا ف المنتدي ناس معاها مرسيدس 2009 او8 بس معرفش هما فين
الموضوع كبير
انا كان معايا عربيتين بيتل وحاليا معايا دوجان
وفى الحالتين عمرى ماجبت سرعة اقصى من 100ك/س
بس ده مش ضعف من العربيات اللى ركبتها
لكن انا ماحبش اذود سرعه عن كده
ربنا يسترها معانا جميعا ويكفينا شر طريقنا
يمكن الفورمان بتاعتي اعلى عربية في المنتدى ههههههه
متهيأ لى السؤال محرج ، يعنى لو أنا معايا عربية عالية مش هاخش أحكى عليها ، من باب التواضع يعنى.
بص نكون صراح مع بعض انا باخد منحنيات شديدة الانحدار على 180 وبقوة وببشاعة بجد عربية ملكة المنحنيات فى الفئة بتعتها السوبارو لو خدتة على 160 ومعدتش على الجنب انا مركبهاش تانى خالص مش عشان دفع رباعى لا وزنها كام يعنى احنا هنا بنتكلم على الثبات انا بمسك طارة الدركسيون والعب بيها على 200 تقدر السوبارو تعمل كدة يا راجل يا طيب انا مستعد اعملها معاك بالوبل فكترا 95 شوف بقا التكنولوجيا الاقل فى الفكترا وهتلقى السوبارو دية وهنتفرج عليها وهى بتطير :b4_556:
احنا هنا بنتكلم على فئة وانت بتتكلم على فئة تنية خالص انت بتتكلم فى عربيات معدية سرعات وتكنولوجيا وثقل وحجات يامة وعفشة رياضية انا بتكلم فى الفئة العادية بتعتناء
هى رائعة الثبات ياريت ياجمعة يكون جربها مش على سمع لانها الميزة القوية لهذة العربية الالمانى كفاية انها تقفيل المانى
خلاص ياجماعة الفيكترا احسن عربية علشان بس نرضى مالك الفيكترا
احنا ثبنا كل العلامات الكبيرة الالمانية ال بى ام و فولكس و مرسيدس و الاودى و الشركات دية الاى عاملت شهرة الثبات بتاعت الالمانى و هانتكلم عن الاوبل فى الثبات
و لو هنحكم بالعدل بين الفيكترا و السوبارو السوبارو اثبت من العربيات المشهورة فى الراليات ميتسوبيشى ايفو و سوبارو امبيرازا و اوبل ملهاش مكان فى الرالى
و الرالى الازم عربيات ثابتة جدا
الرجل صاحب الموضوع بيقول اعلى عربيات
ماقلاش اثبت عربيات
و الفيكترا مابقاش لها مكان كبير دلوقتى الجيتا مغطية عليها
:vctry:عيب عليك ...
انا قلت اثبت من كل الالمانى الى فى فئتها ...
العين ما تعلاش عن الحاجب يا كبير ...
انا بركب الفيكترا و الاوكتافيا بتاع الوالد ...
الفرق الوحيد الى بحسه فى الثبات بينهم ..
من اول ال 160 فى الملفات !!!!
لكن مثلا مقدرش اقارنها بالباسات:shyy:
و بالنسبه بقى لنزولك المحله ....
لازم تكلمنى و نتقابل ....
مش هينفع كده:Y_hi_3[1]:
يا باشا الفكره مش فى ارضاء الملاك ...
الفكره فى ان العربيه الفيكترا مشهوره بالثبات ..
و كذلك السوبارو ...
بس مننساش ان اليابانى عموما مشهور بالعومان ...
و انا عارف ان السوبارو ثابته ...
و ثابته جدا كمان ...
بس معتقدش زى الفيكترا ...
و بالنسبه للرالى ..
مش معنى ان شركه متشاركش فيه انها مش بتعرف تعمل عربيات رالى او عربياتها مش ثابته ..
سيبك انت بقى من الكلام ده كله و خلينا نركز و نشوف مين صاحب اعلى عربيه فى المنتدى عشان نحسده:,:هههههههه
اه نسيت اقولك ان مفيش فيكترا دلوقتى ..
بس هى فعلا الجيتا و الاوكتافيا غطو عليها مش لعيوب فى العربيه و لكن لعيوب فى الوكيل و الموضوع هنا مش هينفع اذكر الاسباب دى ..
انا معايا اعلى عربية فى المنتدى
معشوقة الجماهير
حبيبة الملايين
فيات مية تمنية وعشين (علشان القافية)
هههههههههههههههههه
انا معايا جيتا و باسات ايوة باسااااااااااااااات يعنى ثبات محدش يبق معايا فيه و اخد المحور بغرز على 200 و لا الهوا
بورش كايين في المنتدي
بس دة اعتقد مش عايش في مصر
اكيد عايش بري
fiat 128طبعا:3mla::36_3_18[1]:
ان عايز اقولك اولا تاريخ شركة اوبل يرجع الى 1889 يعنى قبل المركات دية حتى يفكرو فيها تعتبر الاقدم وشركة عريقة جدا وكفاية ان شركة gm الامريكية معتمدة على اوبل وابل شركة بتكسب جدا ووخدة مبيعات من شركة فولكس وبى ام متقرنش بالعربية هنا مالالفا روميو تعبانة هنا والاودى وكفاية انها وخدة عربية العام 2008 فى المانيا
هديك مثال عشان تفهم قصدى السكودا a4 قبل متبتدى شركة فولكس بتوكلها النشط جدا حد كان يسمع عنها كانت الفكترا مغطية سواء بالكورسا او الاسترا كمان لكن تراجع التوكيل اخر 10 سنوات ليفسح المجال امام فولكس خلاء a4 a5 ملين الدنيا وتقفيل تشيكى وبتتباع نيجى للاوبل تقفيل المانى وحط تحتها مليون خط لكن للاسف منصور مبهدل العربية توكيل فاشل من زمان وعملائة بيشتكو منة لكن هى كعربية تتفوق على الكثير وعلى فكرة شركة اوبل اعلى من فولكس سواء فى رائس المال او الامكنيات او التكنولوجيا بس احنا هنا فى مصر غلابة مبيجلناش حاجة الوميجا او الزفيرا او او او الكثير توكيل فاشل وقع العربية وكمان جت الازمة وقعت جنرال موتورز عرفت لية الاوبل واقع فى السوق نيجى لحكاية الرالى اولا شركة اوبل ليها عربية رياضية لكن الفكترا عربية فخمة وعائلية وبرستيج وتتمتع بالثبات الالمانى المعروف وطبعا بلاء مبلغة تكتسح السوبارو وبشدة اصل انت بتتكلم عن اساسيات الصناعة الالمانى كفاية ان المتور 1600 ضعيف عليها جدا والالمانى يبتدى يتركب من 2000 سىسى ودة بيديك فكرة عن مداء ثقل العربية وكل حاجة بتمنها ثبات ام تجميع