عندك حق
انا كل مره اقرا الموضوع بروح من اخر صفحه
عرض للطباعة
عندك حق
انا كل مره اقرا الموضوع بروح من اخر صفحه
السيارات اليابانية هي الأفضل على الإطلاق
انا جربت الامريكي (لومينا) الألماني(مرسيدسML350) الياباني(تويوتا Camry ,Corolla ,Land Cruiser والكزسIS300)
في فرق الياباني معمر وقطع غيار أرخص و جودة عالية و إعتمادية عالية جدا
تويوتا يكسب:vctry:
انا من رأيى
بالنسبة للسيارات اليابانيه انا بديلها تقييم ممتاز وتقيمى ده على أساس انها
معمرة واعتماديه وقطع غيارها متوفرة وأرخص
مقارنة بالأوروبى
وبالنسبة للأوروبى انا بديله تقييم ممتاز برضه لأن عربياته معمره واعتماديه وقطع غياره متوفره لكن غاليه والاختلاف بينه وبين اليابانى ماعتقدش انه كبير لو قارنا فئات اليابانى بفئات الاوروبى
اليابانى ممتاز بس فى مصر هنا ما بنشوفش منه غير الأقل بتاعه دا غير التوكيلات المصرية الجامدين جدا
الأستاذ فادي عزت .
الموضوع مفتوح منذ ديسمبر 2007
و حضرتك أنضممت للمنتدى في نوفمبر 2008
يعني الموضوع مفتوح قبل تشريفك و أنضمامك للمنتدى بسنة أو 11 شهر .
الأستاذ فادي المقصود هو المهندس فادي و أكثر مشاركاته هاتلاقيها في قسم الفيات نظرا لعشقه الشديد لماركة فيات و الماركات الأوروبي عموما .
و هو عنده أقتناع كامل أن السيارات ألآسيوي كلها سيارات سيئة و دخيلة على صناعة السيارات و لا يوجد مصنعون جيدون في العالم سوى أوروبا و بعديها تأتي أمريكا .
و كان قصة الموضوع أن فيه مناقشات دائرة في موضوع أخر عن أن الشاهين ..... أفضل من الكورولا .
و لذلك أنا قررت أن أفتح هذا الموضوع لإستشكاف آراء الأعضاء أصحاب السيارات الياباني ليقوموا بإبدأ آرائهم و عملت أستطلاع علشان أبين العدد الموافق أو الغير موافق .
ده بأختصار قصة الموضوع ده .
بس سؤالك له مغزى .......... هو أنت رأيك كدا برضه ؟؟؟؟؟؟؟؟؟؟؟
طبعا مع احترامى الكامل لصاحب الموضوع انا شايف ان التصويت كان المفروض ميبقاش فيه ممتازة وعن نفسى انا اخترت جيدة لأنى بصراحة شايف ان مكان ممتازة ده مينفعش يتحط فيه غير العربيات الألمانى وبعديها الإيطالى وبعدين نفكر فى اليبانى
أخي بيشو
الموضوع مش بيتقاس كدا خالص .
يعني بمعنى أصح
مفيش حاجة أسمها أن الألماني أفضل على الأطلاق أو الأيطالي أفضل على الأطلاق أو الياباني أفضل على الأطلاق .
يعني مينفعش أقول أن الأوبل كورسا أفضل من التويوتا كورولا لسبب وحيد فقط لا غير و هو أن الأوبل كورسا ألماني !!
أو أقول أن الماروتي أحسن من الالنترا علشان خاطر الماروتي ياباني و الألنتر كوري .
يبقى لما نقول ان الياباني ممتاز ........ دي مش مقارنة مع عربيات تانية أو بلد منشأ تانية .
أحنا بنقول أن الياباني في العموم ممتاز ( و ده رأيي ) علشان هي عربيات اقتصادية و بتعيش و قطع غيارها معمرة .
فيه حاجة تانية ........ العربيات الياباني تشغليها أكثر أقتصادية بكتير من الألماني .
فيه حاجة كمان ...... أحنا أغلب اللي بينزل مصر من الياباني هي العربيات الصغيرة و المنخفضة الثمن اللي وكلائها بيبيعوها بأضعاف أسعارها و اللي الحكومة حاطها في بند جمركي أعلى ....... إنما الألماني اللي موجود في مصر أيه ؟؟؟
أغلبه عربيات فارهة زي المرسيدس و البي إم دبليو .
يبقى ما ينفعش أقارن كورولا ........ بعربية بمليون جنيه .و أقول أن الألماني أحسن !!
لما نقارن ........ نقارن عربية بعربية ........ رأس برأس
فيه ياباني غالي و مرتفع السعر ...... مش بينزل مصر ......
زي النيسان جي تي ار........ زي التويوتا كامري ...... زي اللكسز ........ الخ .
يبقى الألماني في العموم ممتاز ....... و الياباني في العموم ممتاز ........ و الأيطالي في العموم ممتاز ....... أغلب الماركات هاتلاقي ليها حاجات مميزة و تخليها تبقى ممتازة من وجهة النظر الخاصة بها ....... و بطريقة التقييم .
أنا عن نفسي شايف أن ماركة زي المرسيدس ....... مش ممتازة
مش علشان هي وحشة ؟؟؟؟؟؟؟؟
لاءة علشان هي مكلفة في تشغليها و مكلفة في تصليحها و مكلفة في شرائها .
ده مثال بسيط لنظرة شخص زيي و اكيد كل واحد له نظرة و بيبص على الحاجة من منظور مختلف .......... و لكن الأهم ...... توسيع زاوية المنظور علشان تشوف الصورة كلها ......و نقدر ندي أحكام مظبوطة على الأشياء .
و السلام عليكم
طبعا انا بحيك على طريقتك الرائعة فى المناقشة :) بس انا طبعا مش قصدى أقارن بين عربية ب 100 الف يبانى وعربية بمليون المانى انا مش قصدى الموضوع ده انا بتكلم عمتاااااا صناعة ألمانى تتفوق 100 مرة على صناعة يبانى مش فى العربيات بس انا بتكلم عمتا انا كل قصدى لما بقول المفروض ميبقاش فى ممتازة كان قصدى على مبدأ الصناعة نفسها طبعا اليابانى فيه عربيات حلوة وعالية زى منتة قلت نيسان جى تى ار و الكزس وهكذا بس مهما وصلوا عمرهم مهيوصلوا لبورش 911 ... ومرسيدس مكلرين وفيرارى بوجاتى فيرون فيه فرق تكنولوجيا وصناعة بين اوروبى ويبانى وده اللى هيخلى الأوروبى ممتاز وفى المقام الأول ياريت اكون قدرت اوصلك وجهة نظرى اللى ببص بيها على الحاجة ( ومثلا لو هنقارن بين حاجتان قريبين فى الرنج هوندا سيفيك المساعد بتاعها مثلا هيكون عمر افتراضى ققل من مساعد الجيتا مش عشان الهوندا وحشه لأ انا بجبها عن الجيتا على فكرة بس عشان فرق جودة الصناعة مش أكتر ) ده اللى خلانى ققول الألمانى المانى ممتاز وبعديه إيطالى ونرجع بعد كدة لليابانى :)