mmffor
(Y)(Y)
أنا بقترح نختار انواع عربيات نقارن بينها افضل ... لاني زي ما احمد حسن قال ان بلد افضل من بلد او شركه كلها افضل من شركه ده كلام مش دقيق علي الاطلاق ...
عرض للطباعة
mmffor
(Y)(Y)
أنا بقترح نختار انواع عربيات نقارن بينها افضل ... لاني زي ما احمد حسن قال ان بلد افضل من بلد او شركه كلها افضل من شركه ده كلام مش دقيق علي الاطلاق ...
يا اخي الفاضل لو حابب تقتبس مني خلي الاقتباس كامل و واضح متاخد كلمه و تحطها في غير محلها رجاءا!!! انا كنت بتكلم عن السونار و الانفراريد رادار الل البي ام اعلنت استعماله و بعدين قلت الكماليات اللي الالماني بيضيفه علشان يحلل اسعار سياراته المبالغ فيها!!!! مجبتش سيرة عوامل الامان زي الفرامل و الايرباج !!!! و على فكره ساعة القدر الحاجات دي متسواش بصله لما عربيه تكون ماشيه على 120 اة 140 و تحصل حادثه لاقدر الله بتبقى السياره علبة بيبسي مضغوطه ولا وسائد هوا ولا فرامل بتنفع بس الحاجات دي للسرعات اقل من 100 و للحوادث متوسطة الشده بس طبعا برضه مهمه والا مكانش اغلب الصيني حاطط الحاجات دي! بس لما عربيه سيات ابيزا يقولك ب 125 الف سياره هاتش باك؟! علشان فيها اي بي اس؟ عموما برجاء الاقتباس كاملا من موضوعاتي. السؤال في الحوار ده هل الياباني سيء؟ الاجابه رجاءا تكون نعم او لا و لو اردت حضرتك تعمل مقارنات ممكن تحط موديل ياباني او كوري و الماني او امريكي و الاعضاء يقارنوا ساعتها بس المهم يكون الموديليين من نفس الفئه
بعد اذنك متاخدش الموضوع بصوره شخصيه انا فعلا مش قصدي اهاجم حضرتك. انا من الناس المؤمنين جدا ان وسائل الامان في اي عربيه مهمه جدا و بانصح جميع اصدقائي و همه بيشتروا عربيه ان نقطة وسائل الامان يكون لها الاولويه الاولى.اقتباس:
في ناس بتعتبر الحاجات دي كماليات مالهاش لازمة بيحللوا بيها القرش زي الاخ mmfor
سيبها للناس السطحية.
اهلا يا اخواني ....معلش أصل أنا مشغول شوية اليومين دول فـمشاركاتي قليله شوية
أولا ...في قواعد معرفة في عالم العربيات .... زي إن دول اوروبا عربيتها وحتى الشركات الاوروبية أكبر وأقوى من الياباني .... ده اقتصاديا....
أما ك عربيات فـاجمالا ...الاوروبي أحسن من الياباني وده لعدة أسباب وجيهة جدا
1- الشركة الاوروبي اغلبهم في كتل مع بعض فـاقتصاديا أقوى عندك مجموعة VW مجموعة BMW مجموعة مرسيدس...مجموعة renault-nissan مجموعة peuogot - citroen وماعتقدش في حاجة تانية ومعذرة لو نسيت ...أما اليابان فـهي مجموعة toyota بس ... فـكاقتصاد اوروبا أقوى ...
2- أكتر حاجة مخلية اوروبا هي نمرة واحد ...هي التكنولجيا ...هم اللي بيزقوا الصناعة دي ل قدام ... في حين إن اليابان مابتحبش تاخد risk التكنولجيا الجديدة... تلاقي الشركات الاوروبية بتنفس بعض في النقطة دي ...و اليابان بتاخد من بعضهم ... آه ممكن تطوره ويبقى أحسن من الاوروبي , بس ده بيكون في خلال من 5 إلى 8 سنين ....
3- اوروبا مهتمة بالمواتير وتطويرها... اليابان ممكن تشغل موتور 10 و 15 سنة , زي الصني هو نفس الموتور من 15 سنة ....
4 اوروبا دايما المواصفات بتاعتها دايما بتبقى أحسن .... شوف الفرق بين كود البيئة في اوروبا .... وأي حتة تانية ... وشوف ده نزل امتى و في باقي الدنيا امتى .... ال europncap وهكذا.....
5- الاسعار هنا في مصر مش مقياس لأي حاجة .... ومايتاخديش بيها ... سيبك من مصر في الموضوع ده ...شفت بره حتلاقي الاسعار آه أغلى شوية بس مش أغلى كتير ... وحتلاقي الاسعار مبررة..... أما هنا فـغبور منزل الالنترا ب 100 ألف .... ده كلام فارغ..... السيفك دي عربية الشباب في كل الدنيا ... في مصر يطلع عين اهلك علشان تجيب سفيك....
6- عادي جدا إن شركة ياباني تنزل عربية قوية .... يعني النيسان ال GTR أو ال lexus الجديدة اللي هي سوبر كار .... عادي ... دي شركات كبيرة وليها اسمها ..... مش صيني يا جماعة ..... آه الاوروبي سابق بكام خطوة ... بس الياباني لازق فيه على طول ....
جميل جدا السؤال رغم كل الكلام الجميل ده .....ليه الاوروبي في النهاية الناس بتشتريه ... وليه لما الواحد بيغتني بيشتري ماركة اوروبي سواءا merc أو BMW أو jaguar أو aston martin أو RR أو bently ...لان ببساطة في الآخر كل الحاجات الوهمية دي اوروبي ....
اليابان عملت كام supercar وكام sportcar الياباني مثلا مفيهوش في الفئة دي أكتر من 10 عربيات على بعض ... مجموعة VW بتعمل لوحدها أكتر من كده.....
حضرتك بتقول إن النيسان GTR أحسن من البورش 911 جميل بس ال 911 ولا 911gtولا 911GT2 ولا 911GT3.....