الموضوع: بالطريقة دي ممكن أسعار الشقق فعلا تقل

بلاش تحلم يا أخي
الموضوع إن فرض الضرائب هيكون على حساب المشتري زي ما هي العادة دائماً
ولا شئ يرخص في هذه البلد التي ما يملك شخص فيها أي شئ إلا وتصيبه حالة من الجشع الغير طبيعي حتى لو يقدر يبيعها ويكسب فيها مليون الميه هيحس إنه خسران
ولا حول ولا قوة إلا بالله
والوزير بصراحة ربنا يفض روحه مش فاه بس
الأسعار في آخر بلاد الدنيا بقت بالشئ الفلاني ولا حراك وقال جي يقول ضرايب وترخص
طيب وإلي عنده شقة له وعايز يجيب لولاده الغلابة إلي هيجوا في وقت ربنا يعلم بيه يبقى لازم تكون في ضرايب عشان ميفكرش يسيب حاجة لولاده تنفعهم ويسبهم للحكومة تطحنهم
حسبنا الله ونعم الوكيل
لدرجة إن الواحد بعد كده يبقى يشتري على الحدود أرخص له

اللهم أحيني ما دامت الحياه خير لي وأمتني ما دام الموت خير لي

الشعب المصري مبيغلبش - هيلاقي مية تصريفة ومش هيدفع ... ده طبعا إذا اتطبقت زي ما بيقولوا لأن أول المتضررين هيكونوا علية القوم :d؛ وكمان اشمعنى أكتر من شقة يعني اللي عنده شقة وفيلا وشاليه مش هيدفع عشان هما تصنيفات مختلفة ;)

وده هيؤدي لزيادة أسعار الشقق الجديدة في اعتقادي لأن طبعا المشتري لازم يتحمل كل التكاليف - فبدل ما يخلي اللي عنده أكتر من شقة يتنازل عنهم أو يقلل من سعرهم هيرفع سعر الشقق على اللي بيحاول يجيب واحدة ومش لاقي.

بس أرجع وأقولك ... لو بطلنا نحلم نموت :)

لو فرضا ده حصل
الى عده شقق كتير هيكتب واحده بأسمة وواحده بأسم مراته وواحده بأسم أبنه علشان يتهرب من الموضوع ده

يا جماعة اعذروا الناس
الاستثمار العقاري برضو اامن حاجة
يعني البنوك شبهة
و البورصة مغامرة
و مشروع صغير .. يعني ضغط دم و روتين و ناس كتير فاتحة عينيها و بقها
طيب لو انا رب اسرة و عاوز استثمر لاولادي و لنفسي
اكيد العقارات و الاراضي هي اسلم اختيار
ما تلومش على اللي بيشتري
لوم على الدولة اللي بتبيع متر الارض في الصحراء بالف جنيه ... (القاهرة الجديدة)
و سبحان الله لوم على نفس الدولة اللي بتدي اراضي المتر ب 5 جنيه للمستثمرين و يرجعو يبيعوها برضو بالف جنيه