معايا ولله الحمد 60 ألف جنيه بس مش عارف أجيب ايه

السلام عليكم....
أنا معايا ولله الحمد 60 ألف جنيه و عايز أجيب عربيه

1-يكون ماتورها 1300 علشان استهلاك البنزين
2-تكون موديل 2004 فم فوق
3-تكون صالون وواسعه من جوا
4-قطع غيارها متوافره و أسعارها مناسبه
5-اعادة بيعها يكون سهل
6- ثابته على الطريق
7- عفشتها تكون متينه بس مريحه

أنا مش عارف..... أحيانا بفكر في لانوس كسر زيرو....وأحيانا بفكر في لانسر 1300 موديل 2004/2005. بردو الصني و النترا مطروحين.
الجين2 والأكسنت الشكل الجديد بردو بفكرفيهم ومش عارف اختار ايه

العربيه المفروض اني حاديها لمراتي بعد كام سنه فعلشان كده مش عاويزها كبيره اوي زاي النوبيرا مثلا.....بس في نفس الوقت مش عاوزها صغيره زي الجيتز و البولو.....

أنا كان معايا 128 وعايز أشم نفسي بأه:vctry:.

لو ممكن هنا الناس تقوللي رأيها والأسباب فيه أكون شاكر جدا....أنا بفهم حبه بس مش أوي في موضوع العربيات واموديات والفروق مبينهم

فكر في الساجا الجديده 1300 و بـ63000
او اللوجان الفاضيه

1) نوبيرا 2007 -2008 فابريكة بره جوه عداد كيلومتر قليل
2) اوبترا اوتوماتيك 2006 فابريكة عداد كتير
3) صني 2006-2007 مانيوال
4) لانسر 1300 2005 زي ما حضرتك قولت
5) ماتريكس 2006
6) النترا 2005-2006
7) جين 2 2007 ( شوفت في السوق بيرسونا 2009 19000 كم كان طالب 65000 بس شكيت في الراجل اصلو (تاجر).
8) تويوتا ياريس 2006
9) اوبل استرا 2006 (قطع غيار نار)
10) شيفورليه افيو 2007 مانيوال
11) دايهاتسو سيريون 2007
12) هوندا سيتي 2006
كل العربيات دي اخر الرنج 65000 وعلى حسب الحالة
والله اعلم

اقتباس:

---

المشاركة الأصلية كتبت بواسطة mrbond88

1) نوبيرا 2007 -2008 فابريكة بره جوه عداد كيلومتر قليل
2) اوبترا اوتوماتيك 2006 فابريكة عداد كتير
3) صني 2006-2007 مانيوال
4) لانسر 1300 2005 زي ما حضرتك قولت
5) ماتريكس 2006
6) النترا 2005-2006
7) جين 2 2007 ( شوفت في السوق بيرسونا 2009 19000 كم كان طالب 65000 بس شكيت في الراجل اصلو (تاجر).
8) تويوتا ياريس 2006
9) اوبل استرا 2006 (قطع غيار نار)
10) شيفورليه افيو 2007 مانيوال
11) دايهاتسو سيريون 2007
12) هوندا سيتي 2006
كل العربيات دي اخر الرنج 65000 وعلى حسب الحالة
والله اعلم

---

شكرا mrbond88 و TheEgyption.....
لو سمحت ياأستاذ mrbond88...لو ممكن توضح لي هل كل العربيات دي عندك...ولا دي نصيحه منك.....ولو بردو ممكن حد يوضح لي أركز على أنواع أو موديلات ايه......

بالنسبه للساجا ...أنا مستبعدها علشان لسه جديدة في السوق
بالسبه للوجان....هي جميله ..بس أنا عايز مستعمل مش جديد حاليا... وكمان أنا عايز أوبتشنز (تكييف وسنتر وباور وازاز كهربه و كاسيت و ....)
أصل أنا كنت سايق 128 موديل79 وشفت حر و مراجيح وسمعت أصوات عفشه وشاسيه وماتور ولفيت العجل من آخره لآخره لحد ما ايدي اتهلكت وكنت قاطع ابونيه عند الميكانيكي و الكهربائي والسمكري وبتاع اللازاز وبتاع الزوايا.....بس واالله أرجع وأقول (زوبه) عربيتي كانت أصيله و عايزه تعيش ...كتر خيرها والحمد لله انني أصلا كان معايا عربيه

انا من الناس المقتنعه بالجديد
اللوجان الفاضيه فيها تكييف و باور بس مش عارف تفاصيلها
انا كنت برشح الساجا عشان فيها كل الكماليات و موتور 1300
عندق حق تقلق عشان جديده بس نصيحتي روح شوفها هي و اللوجان و مش هتندم

طلباتك في العربية ماشية مع الانسر 1300 او الصني بس

اقتباس:

---

المشاركة الأصلية كتبت بواسطة fouad nour

طلباتك في العربية ماشية مع الانسر 1300 او الصني بس

---

ليه يا باشا....ممكن توضح شويه
طاب الأكسنت الشكل الجديد واللانوس والجين2 والانترا ...كلهم فيهم طالباتي...لو سمحت وضح لي وجهة نظرك ...
أنا بفهم شويه بس مش أوي في المواضيع دي:shyy:

راى الزيرو افضل شوف الساجا عربيه كويسه وفيها اوبشن حلوه وخاماتها كويسه وماتورها رائع راى الاختبار كويس جدا

وبعديها ال byd العربيه نازله وناس كتير اوى بتشكر فيها وفيها برضوا اوبشن وامان كويس

راى دول افضل عربيتن فى الحدود دى وابعد عن المستعمل علشان مش ممضمون الا لو حد قريبك او صاحبك بيبع عربيته وانت عرفها كده ممكن لكن غير كده بلاش السوق معظمه عربيات معيوبه

وربنا يوفقك

شكرا يأخ mahamedaraby....
أحب أوضح بس انني مش عايز صيني خالص
بالنسبه للساجا....لسه مش منتشره...قطع غيارها مش معروف أسعارها...اعادة بيع منخفضه لقلة انتشارها

اقتباس:

---

المشاركة الأصلية كتبت بواسطة hashour

ليه يا باشا....ممكن توضح شويه
طاب الأكسنت الشكل الجديد واللانوس والجين2 والانترا ...كلهم فيهم طالباتي...لو سمحت وضح لي وجهة نظرك ...
أنا بفهم شويه بس مش أوي في المواضيع دي:shyy:

---

الاكسنت الشكل الجديد و الانوس مفيش فيها فخامة الصالون اللي في الانسر او الصني اللي انت طالبة
الجين 2 اعادة بيعها صعب و مش مطلوبة اوي
الالنترا هتبقى الشكل القديم و في رايي الانسر او الصني احسن بكثير على الاقل لسة بينزل منها زيرو لحد دلوقتي نفس الشكل
لو هتزود شوية لحد 65 يبقى هتدخل معاهم الياريس هيبقى فيها ميزة انها اوفر في البنزين عن الانسر و الصني بس ثباتها مش عالي زيهم

في كيا اسبيكترا اوتو 2004 على 55 كحلي فبريكة جوه و رشة جنب بس من كتر الخرابيش و كل صيانتها في التوكيل و الرش كمان في التوكيل

لا والله العربيات دي مش عندي بس ان بدور يقالي اسبوعين في نفس الرينج ده
اكتر حاجة لاقيتها النوبيرا
بس الاحسن في الانواع دي كلها الصني والاوبترا
ده رايي الشخصي.
وكلمة المستعمل مش مضمون
انا شايف ان ناس قليلة بتشتري عربيات عشان تبوظها وتبهدلها ,,,فكلمة مش مضمون لسبب انها تكون عملت حادثة جامدة او العربية تم استهلاكها
عشان كده بدور على عربية موديل جديد \ كيلومتر قليل\ دهان القابريكة بره جوه
وباقي المواصفات في موضوع ازاي تشتري عربية مستعملة
وباخد معايا ميكانيكي معرفة
انا كده باخد بالاسباب وبتوكل على الله والله الموفق.

والله يا اخى انا حالتى نفس حالتك بالظبط لدرجة انى شكيت ان انا الى كاتب المشاركة لغاية لما قولت ان معاك 128 موديل 79 اصل الى معايا 78 :M_yes[1]:
انا بعد لف وسؤال استقريت على لانسر 1300 مانيول 2004 2005 2006 بس المشكلة انى فعلا مش لاقى جاجة نضيفه ب 60000 يا ريت لو حد من الاخوة الزملاء يقدر يساعدنا فى الموضوع ده
و الارجح انى هضطر اجيب لانوس موديل قريب عربيه مش بطاله 2008 مثلا فى حدود 52000

و ربنا يهدينا واياك للى فيه الخير باذن الله

اقتباس:

---

المشاركة الأصلية كتبت بواسطة mrbond88

لا والله العربيات دي مش عندي بس ان بدور يقالي اسبوعين في نفس الرينج ده
اكتر حاجة لاقيتها النوبيرا
بس الاحسن في الانواع دي كلها الصني والاوبترا
ده رايي الشخصي.
وكلمة المستعمل مش مضمون
انا شايف ان ناس قليلة بتشتري عربيات عشان تبوظها وتبهدلها ,,,فكلمة مش مضمون لسبب انها تكون عملت حادثة جامدة او العربية تم استهلاكها
عشان كده بدور على عربية موديل جديد \ كيلومتر قليل\ دهان القابريكة بره جوه
وباقي المواصفات في موضوع ازاي تشتري عربية مستعملة
وباخد معايا ميكانيكي معرفة
انا كده باخد بالاسباب وبتوكل على الله والله الموفق.

---

ربنا يوفقك أن شاء الله.......أنا عن نفسي قررت أركز في اللانسر....:vctry:

اقتباس:

---

المشاركة الأصلية كتبت بواسطة Tarek Omar

والله يا اخى انا حالتى نفس حالتك بالظبط لدرجة انى شكيت ان انا الى كاتب المشاركة لغاية لما قولت ان معاك 128 موديل 79 اصل الى معايا 78 :M_yes[1]:
انا بعد لف وسؤال استقريت على لانسر 1300 مانيول 2004 2005 2006 بس المشكلة انى فعلا مش لاقى جاجة نضيفه ب 60000 يا ريت لو حد من الاخوة الزملاء يقدر يساعدنا فى الموضوع ده
و الارجح انى هضطر اجيب لانوس موديل قريب عربيه مش بطاله 2008 مثلا فى حدود 52000

و ربنا يهدينا واياك للى فيه الخير باذن الله

---

ياسلام.......واضح انك زمل......ربنا يوفقنا جميعا ان شاء الله.....أنا لسه حبدأ أدور
بأقترح عليك الكيا سبكترا و ريو و الأكسنت الشكل الجديد....الجين2 طالعه من عيني باردو..بس أنا شايف ان اللانسر1300 أحسن :satelite:

مش عارف ازاي بتدور علي كيا سبكترا لما يكون في امكانك تجيب لانسر
فرق كبير في السيارتين اللانسر صاجها اقوي بكتير من السبكترا و ثبات اعلي و انتشار اكبر

اقتباس:

---

المشاركة الأصلية كتبت بواسطة bluemaneg

مش عارف ازاي بتدور علي كيا سبكترا لما يكون في امكانك تجيب لانسر
فرق كبير في السيارتين اللانسر صاجها اقوي بكتير من السبكترا و ثبات اعلي و انتشار اكبر

---

يا باشا عندك حق....أنا مش قصدي اني بادور على كيا سبكترا...أنا بدأت أدور على لانسر 2004-2006 مانوال 1300 ...
أنا كان قصدي اقول لأستاذ Tarek Omar ان بدل اللانوس ممكن يشوف عربيات تانيه زي الكيا:iagree:

معاك 60 الف بس ممكن تجيب فيرنا زيرو افضل اختيار وتقدر على مصاريفها لانها اقل مصاريف صيانه فى مصر ويكفى ان اى حد يصلحها لك بعد 10 سنين ويديك العمر وتعيش . واحلى حاجه تركب زيرو واول يد وريح دماغك من اى سيارة اعلى بس موديلها قديم حتى لاتدفع 60 وعليهم 20 لاصلاحها وتوجع قلبك

اقتباس:

---

المشاركة الأصلية كتبت بواسطة raedegypt

معاك 60 الف بس ممكن تجيب فيرنا زيرو افضل اختيار وتقدر على مصاريفها لانها اقل مصاريف صيانه فى مصر ويكفى ان اى حد يصلحها لك بعد 10 سنين ويديك العمر وتعيش . واحلى حاجه تركب زيرو واول يد وريح دماغك من اى سيارة اعلى بس موديلها قديم حتى لاتدفع 60 وعليهم 20 لاصلاحها وتوجع قلبك

---

اكيد طبعا الزيرو احسن بس مش في كل الاحوال
128 زيرو ب 42000
وبرده محدش بيشتريها
وانا بعتبر الفيرنا 128 معدلة.....عربية بدون ثبات بدون فرامل....زي ماتكون راكب حصان مجنون ومش عارف توقفه ...ودلوقتي معظم اللي بيشتريها التاكسي الجديد

وبعدين صعب اوي ان اجيب عربية مستعملة تمنها 60000 واصرف عليها 20

ا

اقتباس:

---

المشاركة الأصلية كتبت بواسطة mrbond88

وانا بعتبر الفيرنا 128 معدلة.....عربية بدون ثبات بدون فرامل....زي ماتكون راكب حصان مجنون ومش عارف توقفه ..
ا

---

والله ده رايي فب الفرنا بالظبط.....كل الناس بتقول ان عفشتها وحشه جدا...وكمان مش ثابته على السرعات العاليه:T_thum1[1]:

اقتباس:

---

المشاركة الأصلية كتبت بواسطة TheEgyption

انا من الناس المقتنعه بالجديد
اللوجان الفاضيه فيها تكييف و باور بس مش عارف تفاصيلها
انا كنت برشح الساجا عشان فيها كل الكماليات و موتور 1300
عندق حق تقلق عشان جديده بس نصيحتي روح شوفها هي و اللوجان و مش هتندم

---

أحمد باشا.....اللوجان الفاضية..........فاضية من غير ولا باور و لا تكييف و ب 57 ألف
الهاف فيها تكييف و باور و سنتر و ب63 ألف
الكاملة فيها تكييف و باور و سنتر و زجاج كهرباء و أيرباج للسائق ب 67 ألف

تحياتى يا باشا:vctry:

شوف يا باشا انا كنت في حيرتك دي بالظبط من كام شهر وكان معايا نفس المبلغ وأزيد علية بحوالي 5000 جنية
وفكرت في كل العربيات الحضرتك عارضها ماعادا النوبيرا والاكسنت .. وفي نفس الوقت كنت رافض تماما فكرة اني مجرد أفكر
في العربيات الصيني, اللوجان عربية تمام بس مش دي برضوا ال كنت عاوزها !! الساجا زى ما حضرتك تكرمت وقلت أنها لسة جديدة.
في النهاية الحمد لله بعد معاناة في مجرد بس الاختيار من بين العربيات دي وبعدها معاناة أكبر في اختيار عربية حالتها كويسة ونظيفة ولف كتير علي المعارض والسوق ومواقع الانترنت كانت الكورولا2002 1300cc اوتوماتيك.. بسم الله مشاء الله عربية فعلا جميلة جدا جدا ومريحة في سواقتها وصيانتها (أعطالها قليلة جدا) دا غير انها موفر في البنزين بشكل رهيب تقريبا (320 كيلو) في الصفيحة!!
بجد أنصحك بيه وبشددددة وبرضوا اهم حاجة انك متنساش تصلي صلاة أستخارة وتدعي ربنا انة يوفقك للافضل .. وأن شاء الله ربنا هيوفقك لحاجة كويسة

اقتباس:

---

المشاركة الأصلية كتبت بواسطة Ahmed A.Maksoud

أحمد باشا.....اللوجان الفاضية..........فاضية من غير ولا باور و لا تكييف و ب 57 ألف
الهاف فيها تكييف و باور و سنتر و ب63 ألف
الكاملة فيها تكييف و باور و سنتر و زجاج كهرباء و أيرباج للسائق ب 67 ألف

تحياتى يا باشا:vctry:

---

مع ان التوضيح مكانش ليا....بس عموما شكرا على المعلومه :S_thum1[1]:

اقتباس:

---

المشاركة الأصلية كتبت بواسطة mahmoudselim

شوف يا باشا انا كنت في حيرتك دي بالظبط من كام شهر وكان معايا نفس المبلغ وأزيد علية بحوالي 5000 جنية
وفكرت في كل العربيات الحضرتك عارضها ماعادا النوبيرا والاكسنت .. وفي نفس الوقت كنت رافض تماما فكرة اني مجرد أفكر
في العربيات الصيني, اللوجان عربية تمام بس مش دي برضوا ال كنت عاوزها !! الساجا زى ما حضرتك تكرمت وقلت أنها لسة جديدة.
في النهاية الحمد لله بعد معاناة في مجرد بس الاختيار من بين العربيات دي وبعدها معاناة أكبر في اختيار عربية حالتها كويسة ونظيفة ولف كتير علي المعارض والسوق ومواقع الانترنت كانت الكورولا2002 1300cc اوتوماتيك.. بسم الله مشاء الله عربية فعلا جميلة جدا جدا ومريحة في سواقتها وصيانتها (أعطالها قليلة جدا) دا غير انها موفر في البنزين بشكل رهيب تقريبا (320 كيلو) في الصفيحة!!
بجد أنصحك بيه وبشددددة وبرضوا اهم حاجة انك متنساش تصلي صلاة أستخارة وتدعي ربنا انة يوفقك للافضل .. وأن شاء الله ربنا هيوفقك لحاجة كويسة

---

ربنا يبارك ليك فيها ان شاء الله....
مش عارف لو في حد يقدر يقارن بين اللانسر 1300 موديل 2005 و الكورولا موديل 2002 يكون جازاه الله كل خير

هوا مش لو باردو في منها مانوال ممكن بنفس المباغ أجيب موديل أعلى زي 2004 مثلا ؟:shyy:

اقتباس:

---

المشاركة الأصلية كتبت بواسطة ahmed a.maksoud

أحمد باشا.....اللوجان الفاضية..........فاضية من غير ولا باور و لا تكييف و ب 57 ألف
الهاف فيها تكييف و باور و سنتر و ب63 ألف
الكاملة فيها تكييف و باور و سنتر و زجاج كهرباء و أيرباج للسائق ب 67 ألف

تحياتى يا باشا:vctry:

---

احمد باشا مشكور علي المعلومه :)

اقتباس:

---

المشاركة الأصلية كتبت بواسطة hashour

مع ان التوضيح مكانش ليا....بس عموما شكرا على المعلومه :s_thum1[1]:

---

يا باشا التوضيح للجميع........المهم الأستفادة توصل

اقتباس:

---

المشاركة الأصلية كتبت بواسطة theegyption

احمد باشا مشكور علي المعلومه :)

---

تأمرنى يا بوحميد

اقتباس:

---

المشاركة الأصلية كتبت بواسطة hashour

ربنا يبارك ليك فيها ان شاء الله....
مش عارف لو في حد يقدر يقارن بين اللانسر 1300 موديل 2005 و الكورولا موديل 2002 يكون جازاه الله كل خير

هوا مش لو باردو في منها مانوال ممكن بنفس المباغ أجيب موديل أعلى زي 2004 مثلا ؟:shyy:

---

انا مش عاوز أحبطك بس هو صعب أنك تلاقي كورولا 2004 بالسعر دا حتي لو مانيوال, عامتا انتا ممكن تلاقي عربية موديل 2004 صاحبها مبهدلها ومش محافظ عليها وعامل بيها كام حادثة, وفي نفس الوقت تلاقي عربية أقل منها في الموديل وصاحبها محافظ عليها جدا وصيانتها دايما في التوكيل وتشوف الاثنين تقول العكس دي 2004 والتانية 2000 .
الانسر البومة 1300 cc منصحكش بيها موتورها تعبان وشوفت كام موضوع في قسم الانسر أصحابها مخنوقين منها .. لو تلاحظ ان الانسر 1300 سعرها واقع في السوق شوفت واحدة 2006 عداد تقريبا 80 عاوز يبيعها علي 65 .
الكورولا مشاء الله سعرها ماسك جدا في اعادة بيعها ومطلوبة جدا..
ممكن كمان عشان تتطمن أكتر تعمل موضوع للمقارنة بين العربيتين في قسم المقارنات والناس هناك ان شاء الله هتساعدك أكتر مني . وربنا يووفقك للافضل ان شاء الله

اقتباس:

---

المشاركة الأصلية كتبت بواسطة mahmoudselim

الانسر البومة 1300 cc منصحكش بيها موتورها تعبان وشوفت كام موضوع في قسم الانسر أصحابها مخنوقين منها ..

---

لو سمحت ياباشا ممكن تحط اللنك بتاعة المواضيع دي......:stink[1]:

اقتباس:

---

المشاركة الأصلية كتبت بواسطة mahmoudselim

شوف يا باشا انا كنت في حيرتك دي بالظبط من كام شهر وكان معايا نفس المبلغ وأزيد علية بحوالي 5000 جنية
وفكرت في كل العربيات الحضرتك عارضها ماعادا النوبيرا والاكسنت .. وفي نفس الوقت كنت رافض تماما فكرة اني مجرد أفكر
في العربيات الصيني, اللوجان عربية تمام بس مش دي برضوا ال كنت عاوزها !! الساجا زى ما حضرتك تكرمت وقلت أنها لسة جديدة.
في النهاية الحمد لله بعد معاناة في مجرد بس الاختيار من بين العربيات دي وبعدها معاناة أكبر في اختيار عربية حالتها كويسة ونظيفة ولف كتير علي المعارض والسوق ومواقع الانترنت كانت الكورولا2002 1300cc اوتوماتيك.. بسم الله مشاء الله عربية فعلا جميلة جدا جدا ومريحة في سواقتها وصيانتها (أعطالها قليلة جدا) دا غير انها موفر في البنزين بشكل رهيب تقريبا (320 كيلو) في الصفيحة!!
بجد أنصحك بيه وبشددددة وبرضوا اهم حاجة انك متنساش تصلي صلاة أستخارة وتدعي ربنا انة يوفقك للافضل .. وأن شاء الله ربنا هيوفقك لحاجة كويسة

---

[OVERLINE]
+1:vctry:
[/OVERLINE]

اقتباس:

---

المشاركة الأصلية كتبت بواسطة mahmoudselim

الانسر البومة 1300 cc منصحكش بيها موتورها تعبان وشوفت كام موضوع في قسم الانسر أصحابها مخنوقين منها .. لو تلاحظ ان الانسر 1300 سعرها واقع في السوق شوفت واحدة 2006 عداد تقريبا 80 عاوز يبيعها علي 65 .

---

اقتباس:

---

المشاركة الأصلية كتبت بواسطة hashour

لو سمحت ياباشا ممكن تحط اللنك بتاعة المواضيع دي......:stink[1]:

---

فعلا الانسر البومة 1300 cc الاوتوماتيك سيئه لكن المانيوال كويسة

اقتباس:

---

المشاركة الأصلية كتبت بواسطة mahmoudselim

شوف يا باشا انا كنت في حيرتك دي بالظبط من كام شهر وكان معايا نفس المبلغ وأزيد علية بحوالي 5000 جنية
وفكرت في كل العربيات الحضرتك عارضها ماعادا النوبيرا والاكسنت .. وفي نفس الوقت كنت رافض تماما فكرة اني مجرد أفكر
في العربيات الصيني, اللوجان عربية تمام بس مش دي برضوا ال كنت عاوزها !! الساجا زى ما حضرتك تكرمت وقلت أنها لسة جديدة.
في النهاية الحمد لله بعد معاناة في مجرد بس الاختيار من بين العربيات دي وبعدها معاناة أكبر في اختيار عربية حالتها كويسة ونظيفة ولف كتير علي المعارض والسوق ومواقع الانترنت كانت الكورولا2002 1300cc اوتوماتيك.. بسم الله مشاء الله عربية فعلا جميلة جدا جدا ومريحة في سواقتها وصيانتها (أعطالها قليلة جدا) دا غير انها موفر في البنزين بشكل رهيب تقريبا (320 كيلو) في الصفيحة!!
بجد أنصحك بيه وبشددددة وبرضوا اهم حاجة انك متنساش تصلي صلاة أستخارة وتدعي ربنا انة يوفقك للافضل .. وأن شاء الله ربنا هيوفقك لحاجة كويسة

---

الف مبروك و و دة فعلا احسن اختيار بس جبتها على كام

اقتباس:

---

المشاركة الأصلية كتبت بواسطة hashour

لو سمحت ياباشا ممكن تحط اللنك بتاعة المواضيع دي......:stink[1]:

---

عذرا علي التأخير يا باشا .. ظروف!!
اتفضل دول رابطين فيهم كل المعلوما ال ممكن تحتاجها ان شاء الله ولو في أي حاجة تانية انا تحت أمرك
http://www.nilemotors.net/Nile/93699-1300.html
http://www.nilemotors.net/Nile/94140-1300-2.html

اقتباس:

---

المشاركة الأصلية كتبت بواسطة tarek omar

فعلا الانسر البومة 1300 cc الاوتوماتيك سيئه لكن المانيوال كويسة

---

تمام الكلام يا باشا بالنسبة لسحب الماتور فرق كبير ما بين المانيول والاوتو لصالح المانيول طبعا. وان كان يعيبها برضوا جودة االتقفيل في 1300 لو قارنتها بالكورولا طبعا

اقتباس:

---

المشاركة الأصلية كتبت بواسطة fouad nour

الف مبروك و و دة فعلا احسن اختيار بس جبتها على كام

---

الله يبارك فيك يا باشا .. علي 63500 جنية من حد (معرفة)

اقتباس:

---

المشاركة الأصلية كتبت بواسطة mahmoudselim

تمام الكلام يا باشا بالنسبة لسحب الماتور فرق كبير ما بين المانيول والاوتو لصالح المانيول طبعا. وان كان يعيبها برضوا جودة االتقفيل في 1300 لو قارنتها بالكورولا طبعا

---

اولا مبروك على العربية و ربنا يباركلك فيها و طبعا مفيش نقاش ان الكرولا احلى بس احنا بنتكلم فى رينج اسعار معين و حاله معينه و اعتقد ان المبلغ ده ممكن يجيب لانسر حالتها كويسه و موديل قريب لكن صعب جدا انه يجيب كرولا بنفس الحاله

عندى سؤال لحضرتك و انا متاكد انك هتصدقنا القول فيه انت مش شايف ان الموتور ال 1300 مع الاوتوماتيك بصفه عامة مش قد كدة مع اعترافى بافضلية الكرولا طبعا

اقتباس:

---

المشاركة الأصلية كتبت بواسطة Tarek Omar

اولا مبروك على العربية و ربنا يباركلك فيها و طبعا مفيش نقاش ان الكرولا احلى بس احنا بنتكلم فى رينج اسعار معين و حاله معينه و اعتقد ان المبلغ ده ممكن يجيب لانسر حالتها كويسه و موديل قريب لكن صعب جدا انه يجيب كرولا بنفس الحاله

عندى سؤال لحضرتك و انا متاكد انك هتصدقنا القول فيه انت مش شايف ان الموتور ال 1300 مع الاوتوماتيك بصفه عامة مش قد كدة مع اعترافى بافضلية الكرولا طبعا

---

في الكورولا مش هتحس ابدا بثقل التوماتيك و اداءها هيبقى قريب اوي من لانسر 1600 اتوماتيك متقلقش من النقطة دية
بالنسبة للسعر ربنا يبارك للاخmahmoudselimفي عربيتة و يكفية شرها العربية فعلا سعرها ممتاز و لو حب يجيب زيها لو دواخلها كاملة و اتوماتيك 2002 بمتقلش عن 68 الف

اقتباس:

---

المشاركة الأصلية كتبت بواسطة mahmoudselim

عذرا علي التأخير يا باشا .. ظروف!!
اتفضل دول رابطين فيهم كل المعلوما ال ممكن تحتاجها ان شاء الله ولو في أي حاجة تانية انا تحت أمرك
http://www.nilemotors.net/nile/93699-1300.html
http://www.nilemotors.net/nile/94140-1300-2.html

---

شكرا ياباشا وجاري حايا قراءة المواضيع.......:36_1_34[1]:

اقتباس:

---

المشاركة الأصلية كتبت بواسطة Tarek Omar

فعلا الانسر البومة 1300 cc الاوتوماتيك سيئه لكن المانيوال كويسة

---

أيوا ....تمام كدا...أنا سمعت كده بردو عن اللانسر1300 اوتوماتيك....بس أنا ناوي على المانوال ان شاء الله:Ta_clap[1]:

انا بشرحك زى من الاعضاء الكرم قالوا

اولا ابعد عن الصينى

ثانيا ابعد عن البوتون وكمان الساجا لان دى عربيات مش بتستحمل وكمان خاماتها وحشه وكمان شبابى اكتر من الباقى

ثالثا العربيات الى تنفعك والاحسن يبقى هما

الانسر تكوم مش مشيه كتير وحالتها كويسه
ونفسه بالنسبه للصنى

وتلتهم اليارس

والتلاته كويسين وعربيات محترمه

طبعا شرط الحاله الممتازه و مش مشيه كتير ودى حجات مهمه ويريت تاخد معاك حد يكون بيفهم فى المستعمل وتثق فى مشورته

وفى اكتر من موضوع فى المنتدى تقدر تستفيد منها لو عايز تشترى مستعمل وتعرف ازا كان كويس او لقه


تحياتى

شكرا يا أستاذ عمر...
ده كان الراي فعلا اللي استقريت عليه...

لو بأه حد يقدر يقوللي على عربيه حلوه لانسر1300 مانوال..يبقى جازاه الله كل خير
أنا الحمد لله أعرف ناس ثقه ممكن يبوصولي على العربيه سمكره و ميكانيكا...
والدي لسه جايب ماتريكس 2007 وكنا مع بعض فيها والحمد لله العربيه طلعت زي الفل:S_thum1[1]: