اعرض مشكلتك ... واجري!!

**Dr_AHMAD** · 03-01-2010 11:46 PM

نحن هنا في المنتدى لنتعلم ونعلم ونتبادل الخبرات
وكوني جديد في المنتدى وفي عالم السيارات فاول ما ابدأ به قراءة المواضيع المنشورة في معظم الاقسام وخصوصا تلك التي يعرض فيها الاعضاء مشكلاتهم فمن تفاعل صاحب المشكلة مع خبرات وتجارب زملائه استفيد وقد اكون انوي ان اكتب عن مشكلة فأجد حلها فلا اتعب زملائي مرة اخرى
لكن هناك نوع من الاعضاء (يخليك تشد شعرك) لانه يكتب مشكلته ويختفي في حين يقوم زملائه مشكورين باقتراح الحلول صفحتين او ثلاث او اربع وهو (لا حس ولا خبر)

ولذلك اقترح
ان الاعضاء الذين ينشرون مشكلاتهم ولا يتابعونها سواء بالايجاب او السلب ويتعبون زملائهم في اقتراح الحلول يجب ان يتم انذارهم لهذا الفعل اذا اشتكى الزملاء من فعلهم عن طريق ابلاغ ادارة المنتدى بجملة (لم يتابع حلول مشكلته) او اي صيغة اخرى
ما رأيكم؟

**Terrible_DaRsH** · 03-01-2010 11:50 PM

مش ده اللى بيدايقنى .

اللى يغيظ , ان واحد يعمل اعلان عن عربيته و يكتب نص المعلومات المطلوبة و ميكتبش رقم موبايله و ميدخلش تانى .:(

**yoko** · 03-01-2010 11:51 PM

بصراحة عندك حق وبتخنق من الناس دي ومن الناس إلي كل دقيقة يقولك فين الردود

**ahmed_h_g** · 03-01-2010 11:53 PM

تمام كده
المفروض يتبعتله المشاركات أول بأول ولو مفيش استجابه يتقفل الموضوع ويتعمله انذار .
بس ليه طالما كلنا بنستفاد
الموضوع ده كان بيدايقنى جدا" فى منتديات صيانة المحمول
كان الشخص بيكتب العيب اللى عنده ولما يتبعتله الحل مبيردش وكلنا نفضل حيرانين ( ياترى التليفون أشتغل ولا مش هوه ده السبب)
لكن هنا مش شايف تأثير كبير فى الموضوع ده
يعنى اللى هيكتب مشكله وهيترد عليه بحلها اللى هيدخل بعد كده على نفس الموضوع أكيد هيستفاد وممكن يتابع مع الردود فى نفس الموضوع ... ولا ايه ؟؟؟

**waelfarid** · 04-01-2010 12:18 AM

بالعامية اعمل الخير وارميه بحر الاعمال الصالحة اللي حتوقفلك ولاد الحلال وقت زنقتك من حيث لا تدري وصنائع المعروف تقي مصارع السوء واللي عند ربنا مابيروحش وخالص تحياتي للجميع

**Dr_AHMAD** · 04-01-2010 12:21 AM

لكن هنا مش شايف تأثير كبير فى الموضوع ده
يعنى اللى هيكتب مشكله وهيترد عليه بحلها اللى هيدخل بعد كده على نفس الموضوع أكيد هيستفاد وممكن يتابع مع الردود فى نفس الموضوع ... ولا ايه ؟؟؟

بس بردو فى فيده كبير اللى هى ان فى عضو تانى يكون عنده نفس المشكله ويدخل يستفيد او تظهر المشكله دى مع حد ويقدر يحلها لانه قرأ الموضوع قبل كده وحصلت معايه كتر

اشكركم على التفاعل
بالطبع حلول ومقترحات الاخوة مفيدة ولكن احيانا لا تكتمل الاستفادة الا بالحصول على الحل الصحيح

بس فى حاجة غريبة لاحظتها

لحقت تاخد بالك من الموضوع دة و انت لسه مشترك النهاردة!!!!!!!!!!!!!!!!!!

تخيل !!!
عندي القدرة على الانتباه للاشياء الهامة بسرعة والحمد لله
ولكنك ربما لم تنتبه الى هذه الجملة في السطر الثاني

(وكوني جديد في المنتدى وفي عالم السيارات فاول ما ابدأ به قراءة المواضيع المنشورة في معظم الاقسام)

فكان اول مواضيعي عن نوعية من المواضيع المنشورة

**mada121977** · 04-01-2010 12:44 AM

والله عندك حق فعلا .. ومن ضمن ما حدث معى شخصيا كان فيه واحد كتب موضوع عن عربيه صاحبه دايو نوبيرا 1 عامله حادثه وعاوز حد يعرفله تمن النص الامامى كام ورديت عليه وبالفعل نزلت سألتله ناس بتشتغل فى الاستيراد والمفاجأه كمان انى لقيتله نفس اللون اللى هوا عاوزه وبسعر كويس ورديت عليه بكل التفاصيل دى والباشا لا حس ولا خبر

**Dr_AHMAD** · 04-01-2010 12:59 AM

المشاركة الأصلية كتبت بواسطة waelfarid

بالعامية اعمل الخير وارميه بحر الاعمال الصالحة اللي حتوقفلك ولاد الحلال وقت زنقتك من حيث لا تدري وصنائع المعروف تقي مصارع السوء واللي عند ربنا مابيروحش وخالص تحياتي للجميع:oc_sun1[1]::oc_sun1[1]::oc_sun1[1]:

الله عليك
ولو لاحظت اخي وائل ان اقتراحي متوقف على رد فعل الاخوة الذين يساعدون زملائهم وليس الهدف منه (نمسك غلط على بعضينا) ولكن الهدف تنبيه الاخوة الافاضل