فعلاً مفكر كبير ولا يحتاج لراى منا ولكن للاسف مغضوب عليه الان بس انضمامة الى حركة كفاية وللاحاطة هو المتحدث الرسمى للحركة الان
فعلاً مفكر كبير ولا يحتاج لراى منا ولكن للاسف مغضوب عليه الان بس انضمامة الى حركة كفاية وللاحاطة هو المتحدث الرسمى للحركة الان
والله انا متصور أنهم ضموه لحركة كفاية علشان حسوا أن الحركة ضعفت خلال الفترة اللي فاتت ..
فحبوا يغيروا القيادة علشان تاخد طابع إسلامي ..ولا توسم بالطابع العلماني ( المدني ) إللي كانت عليه ...
إنما أظن أنه " مش مهضوم" أصلا .. من قبل ومن بعد تزعمه للحركة ..
وزى أى حاجه ليها قيمه في البلد .. تكتشفها بالصدفة .. أو من خلال ناس يشاورولك عليها ..
لله الأمر من قبل ومن بعد ..
على فكرة موقع الدكتور المسيرى مش كله معموله hacking ... تقدر تدخل عليه من الرابط دة:
http://www.elmessiri.com/ar/
رأيي باختصار
انه لو كنا بنطالب بحرية لممارسة شعائرنا في الغرب
حتى لو كانت مناقضة لنظام الدولة
و على فكرة هم بيتساهلو في بعض امور
مثلا الذبح خارج السلخانات ايام الاعياد
و كما نطالب بالسماح بارتداء الحجاب او ما شرعه الله لنا من زي في بلادهم
طيب يا جماعة بالهداوة كده
و من غير حد ما يزعق فيا
مش برضو احنا مطالبين بالمثل
اللي هو كل واحد يعمل اللي مقتنع بيه
طالما لا يخالف النظام العام
و بعدين تعالو نفكر بهدوء
مش احنا بنشتكي من الديكتاتورية
اللي هي حكم الفرد الواحد
و الفكر الواحد
ليه نطبق ده في تعاملنا مع الاخرين
سؤال كمان
هل عندما دخل رسول الله ص المدينة
طرد اليهود
لا
هدم بيوتهم و و منعهم بيع الخمر لانفسهم
لا
انا كلامي كده بره موضوع اجمل راجل اللي انا لو هيدولي علي الفرجة عليه فلوس مش هاتفرج
انا بتكلم في مبدأ
اقتباس:
و من غير حد ما يزعق فيا
مش برضو احنا مطالبين بالمثل
اللي هو كل واحد يعمل اللي مقتنع بيه
طالما لا يخالف النظام العام
طالما لا يخالف النظام العام يبقى كلام جميل ... لكن الليبرالية مبتقولش متخالفش النظام العام ... دى بتقول ان النظام العام دة قيود متخلفة و الصح ان كل اللى عايز يعمل حاجة يعملها ... اللى عايز يموت عشان المرض تعبه هو حر ... اللى عايز يأجر الأرحام ماشى ... اللى عايز علاقات جنسية متحررة ماشى ... اللى عايز مثلية أوكيه ... اللى عايز اجهاض مفيش مشاكل ... اللى عايز يوزع وسائل منع الحمل على طلبة الجامعات و ماله ... اللى عايز ينتج أفلام يسخر فيها من الأنبياء و ايه يعنى ... و المعضلة اللى بتقع فيها الليبرالية انهم بيدعوا انهم بيتركوا لكل فرد أن يفعل ما يحلو له ... لكن لما ييجى شخص يعترض على الفوضى بتاعتهم اللى بيسموها حرية يقوموا بدل ما يسيبوه يقول رأيه بحرية يرمونه بالتخلف و الرجعية و يسخروا منه بكل ما أوتوا من كلم و لأنهم مسيطرون على الإعلام فى معظم دول الغرب فهم لا يعطون الفرصة لمن يخالفهم لعرض وجهة نظره ... بس يا سيدى .. آدى كل المشكلة
اقتباس:
هل عندما دخل رسول الله ص المدينة
طرد اليهود
لا
هدم بيوتهم و و منعهم بيع الخمر لانفسهم
لا
كلام سليم لكن برضه هل سمحلهم ينشروا فسادهم فى المدينة أم رد على كل حججهم بالبينة و عمل على أن يكون صوت دعوته مسموعاً للكل و حجته تصل لجميع سكان المدينة عشان اللى عايز يتبع المفسدين يتبعهم عن بينة و اللى عايز يتبع المصلحين يتبعهم عن بصيرة؟ القاعدة التى تحكم التعامل هنا هى "لهم ما لنا و عليهم ما علينا" --- لكن فى زمانا دة نجد دعاة الفوضى (اللى بيسموا نفسهم دعاة الحرية) عايزين "لهم ما لنا" من غير "و عليهم ما علينا"
انا موافقك ان ده ما يتم تسويقه تحت مسمى الليبرالية
بس انت لقيت امصطلح ده في كلامي
انا بتكلم عن فكرة مجردة
لا تخلط بين الدين و افعال معتنقيه
زي ما بنزعل لما بييجي حد و يقول اديكو بتعيشو في العشوائيات و سلوككم سيئ و ده اللي بيأمركم بيه الاسلام بقى
ساعتها بنقوله
لا دول المسلمين بس مش ملتزمين
حدد موقفك انت بتتكلم عن مبدأ و لا تطبيق
و شكرا لذوقك في الحوار
أنا آسف يا ريس و الله ... بس أصل الكلام كان دخل فى الليبرالية فأنا افتكرت حضرتك بتكمل الكلام ... على كل حال أنا مخلطش بين بين الدين و أفعال معتنقيه .. ممكن حضرتك تقولى أنا خلطت فين؟
لا انا قصدي لا تخلط بين مبدأ الحرية
و افعال من يدعون اليها (الغرب يعني)
فحبيت اجيب الدين مثل علشان اوضح قصدي ان الافكار (العقيدة الشريعة المنهج المبدأ....) منفصلة عن افعال من يروجون لها
ده شيء و ده شيء
و انا اللي اسف يا باشا اني موضحتش ان كلامي مش كمالة للكلام اللي سبقني
نظرية المؤامره اياها...صدقوني احنا مش بالاهمية دي بالنسبة ليهم....اقتباس:
المطلوب هو خلق عدو جديد ( بعد اختفاء العدو القديم ) .. يتم توجيه اللوم إليه .. من جهة .. وخدمة الكنيسة الغربية التي تعاني في مواجهة العولمة من جهة أخرى ..
ودليلي علي ذلك محاضرة البابا بندكيت في الجامعة والتي أقامت ثورة في العالم الأسلامي .. في حين أن صلب محاضرته كان ينصب علي ترغيب الأوربيون في الكنيسة وأدعائه أن عقيدته هي التي تتحد مع العقل خلافا للأسلام ..
وإلا .. فليخبرني أيا منكم ما السبب في منع الحجاب في هذا التوقيت بالذات .. ( رغم ازدياد كثافة المسلمين في فرنسا ) ..
وما السبب في مسابقات الرسوم المسيئة للرسول عليه الصلاه والسلام ..
وما السبب في كلمات البابا التي تجدونها خارج السياق الطبيعي للمحاضرة ..
وما السبب في كم الدراسات والكتب والتي تكلمت عن صراع الحضارات ..
وتعبيرات الحروب الصليبية المتكررة .. ( والتي أظن أنها لاتأتي بالصدفة بمثل هذا الترتيب ) ..
الموضوع به جزء سياسي .. طاغي .. وسبب هذا التيار .. الجارف .. هو ضعفنا كدول وحكومات .. وأيضا الحروب الأستباقية التي تشن علينا من كل اتجاه .. ومن كل العالم .. ( لو دققتم النظر .. ) ..
احنا والله بنشتمهم كل جمعة "الغرب الكافر""امريكا الفاجرة"......الخ وانتو عارفين الباقي
و الناس مابيفتحوش بقهم... (مع انهم سبب المنتدى اللي احنا فيه ده!!)
و لمما واحد فاضي عندهم يفتح بقه.....تقوم الدنيا ماتقعدش!!!!
بس احنا بس اللي بنعمل ال"فتوحات الاسلامية" و همة اللي بيعملوا ال"غزوات الصليبية"!!!!!!!!!
يا ناس فوقوا بقى :? :? :?