الموضوع دة فكرنى بأول مرة ركبت فيها موتوسيكل لوحدى كانت قصه واحد صديق قالى السواقه ازاى شفوى كان معاة سوزوكى تريلا 125 خرجت انا واصحابى فى شارع جامعه الدول العربيه لاقيه ناس بتأجر موتوسيكلات وكان عندهم التريلا ديه 125 سوزوكى راحت مأجر نص ساعه والراجل قالى بتعرف تسوق قولتلو طبعا راح مدينى الماكينه وخدت كمان اتنين اصحابى ورايا وانتو بقى عارفين الباقى شوفت فيلم الكيت كات لمحمود عبد العزيز لما ركب الفسبا كنت كدة زيو بين العربيات وعربيات تقف مرة واحدة وفرامل هنا وهناك صوت اسفلت بيصرخ والعيال ورايا تصرخ وهما ما يعرفوش ان اول مرة اركب على فكرة الكلام دة من حوالى 20 سنه تقريبا بس كان يوم ممتع جدا جدا انى اول مرة اركب واعرف امشى بالماكينه لوحدى من غير ما حد يعلمنى عليها وبعدها بفترة اشتريت موتوسيكل سوزوكى 100 وبعدين بعتو واشتريت هوندا 125 وغيرة كتير لحد اخر حاجه 250 سى بى ار وان شاء الله فى حته 400 فاير بعد يومين اسف للاطاله
المفضلات