كل واحد يقول هو اتعلم على مكنه نوعها ايه ؟
وامته يعنى من اد ايه او سنه كان كام سنه ؟
ومين كان بيعلمك ؟ ( صديق ـ مركز تدريب )
اتعلمت فييين؟؟؟؟
.
عرض للطباعة
كل واحد يقول هو اتعلم على مكنه نوعها ايه ؟
وامته يعنى من اد ايه او سنه كان كام سنه ؟
ومين كان بيعلمك ؟ ( صديق ـ مركز تدريب )
اتعلمت فييين؟؟؟؟
.
مش عارف والله اقولك ايه كل مواضيعك حلوه وهادفه وبتنشط المنتدي
عموما طبعا البدايه عجله طبعا ليها دور كبير في تعليم التوازن بعدين سوزوكي 150 مش عارف موديل كام علشان مش بتاعي كان بتاع واحد صاحبي وكان يادوب مره او مرتين طبعا قبل 15 سنه تقريبا وقبل 3 سنين كان معاي دايون صيني وقبل سنه او اقل كان كوزاكي 600 موديل 2004 وبعده ب 3 شهور غيرت الي سوزوكي 1000 موديل 2004 كمان
انا اتعلمت فى الاسكندرية شارع 45 اول واحد اتعلمت علية كان HondA 250 cbr Fire و تانى مرة اتعلمت على Honda 400cc Fireو تالت مرة اتعلمت على Honda 600 Cc RR يعنى فى تالت تيام ركبت تالت ريسات و الى كان بيعلمنى اسمة حسن الكلام دة مان فى شهر 8 الى فات و كان عندى 18 سنة
موضوع 10/10 ياكينج
انا اتعلمة علي هوندا cbr600f1 و منصحش اي حد يتعلم عليها :D
و دة كان من سنتين تقريبا
و محدش علمني خالص انا اللي علمة نفسي كل حاجة الحمدلله :)
شكرا على الموضوع اولا
ثانيا المكنه كانت سوزوكى 50 سى سى اتوماتيك الكلام ده من 8 سنين
وكمان سنه ركبت الفسبا واول لما اتعلمت قيمه الدبرياج ركبت تون جاوا وبعد كده من حوالى 5سنين و3 شهور اشتريت مكنه صينى من اول ما نزل
وعد بقى الحوادث والتصليح بلاوى متعدش:shyy:
موضوع جميل
انا لسه جديد فى السواقه
وبتعلم على honda cbr250
ويعنى مش من فتره حتى انا كمان ملخوم شويه اليومين دول ومش بطلع بيها
بس الصراحه...متعه
انا اول مره ركبت ريس كان yamaha xzf كان تقريبا 600
وكنت فى موسكو واصلا موضوع الريس ده مكنش فى دماغى خااالص :D
وعملت بيه حادثة تموت من الضحك ( عامله زى الحادثة بتاعة الشيخ حسنى كده ) بس كانت خفيفة الحمد لله
ولما رجعت هنا الموضوع كبر فى دماغى وبدأت اتعلم على 250 هوندا
ودى تعتبر المكنة اللى اتعلمت عليها فعلا وانا اللى اتعلمت مع نفسى
اخدت الاساسيات من صاحبى وقعدت اركب واتمشى بيه لحد لما بقيت اعرف اقعد على المكنه
بس بصراحه مكنتش بعرف انام بالريس لحد لما صاحبى ركب ورايا وقعد يقولى ازاى
بصراحه انا معاك ان احسن لو حد اللى يعلمك مش تبقى لوحدك
انا بقى يا جماعه اول مكنه اشتريتها كانت 900 كوزاكى موديل 95 وهى ديه اللى اتعلمت عليها بس اتعلمت عليها فى اكتوبر عشان هناك كانت الدنيا فاضيه اتعلمت الاساسيات وقالى على المخاطر اللى ممكن تقبلنى واخد بالى من ايه وقالى المشكله كلها فى الطلعه بتاعت الريس الاوله والحمد لله قعد امشى بيها بس بصراحه احزر اى حد ان الريس يغريه ويخليه يجرى انتم عرفين انا اتعلمت فى نص ساعه واول لما لقيت نفسى اتمكنت شويه من المكنه روحت مزود بقى عشان اجرى واسمع الصوت بتاع المكنه وصاحب المكنه كان ماشى جمبى بى العربيه قالى يابنى الجريه اللى انت جريتها ديه انا بقالى سنه بركب مكن لسه عملها من شهر انت لسه متعلم وبتعملها وبعد موده حسيت بقى انى بقيت كويس جدا وبقيت افروك بى المكنه واجر بسرعه فى مناطق ديقه وفيها ناس كتير واتصورو عملت حدثه مع ايه مع عجله ياريته توكتوك حتى لا عجله وتانى يوم الريس كان هيتباع والحمد لله على كل شىء بس انا عايز اقول ان المكن ملوش كبير وربنا يسترها
شــــكـــــرا لكل الناس اللى ردت
ومستنى باقى الناس
انا بقى لسة متعلمتش :36_1_8[1]:
بس ادعولى ربنا يوفقنى واخلص الأول فى مكنة وبعد كدة اتعلم عليها وأوعدكو هابقى اقولكو اتعلمت اززاى|؟!!!! :120146b
أنا بقه اتعلمت على مكانة هندي 100 سيسي وكانت اخرها 70 وبعدين واحدة تانية 150 برده هندي وكان اخرها 90 وال حمدو لله جبت هوندا 250 واديني بتعلم بس المكن الهندي مختلف في الملفات وهي ده مشكلتي مش عارف اميل بـال موتوسيكل وانا اللي بعلم نفسي
أول يوم فكيت الفيبر وغيرت اليجنيتر وال بطارية
بس لما الدنيا تبأه مندية
ادور الموتوسيكل الزاي ؟
اكاريك يعني ولا افضل دايس على المارش ولا إيه
بـال مناسبة جوست إنت منين من إسكندرية علشان النهاردة كان فيه 3 هوندا في العجمي
طيب يا جماعه انا عايز اتعلم !
اشتري المكنه الاول ولا اتعلم الاول
وهل في حد بيعلم موتسيكلات زي العربيات كده ولا لازم حد اعرفه؟؟
الأحسن تجيب ماكنا تتعلم عليها علشان كذا سبب
1 المكانة حتبأه بتعتك فياحا تخاف تجري لحسن تقع وده كويس علشان ماتجريش
2 بتعتك بقه وتحت ايدك أي وقت تتعلم عليها
3 محدش حيفضل وراك ويقولك خدش هنا ومش عارف إيه هنا
وربنا يستر طريقك وطرقنا
شكراً لردكم
بسة انا عايز حد يعلمني اصلاً لاني معرفش حاجه غير النظري انما عمري ما سقت ريس ومعرفش هيبقى مريح بالنسبالي ولا لأ فخايف اجيب حاجه وفي الآخر ميعجبنيش ومعرفش حد عنده بايك اساساً :ma:
فكنت بسأل لو في ناس متخصصه في التعليم اروحلهم وكمان عشان شفت امتحان الرخصه صعب ومحتاج حد متدرب شويه :policeman:
وكنت بفكر اجيب 250 cbr اعتقد انه هيبقى كويس في الاول ؟ صح؟؟
وربنا يستر طريقنا كلنا
لو بـتعرف تسوق عربية منوال مش حياخد منك اكتر من نص ساعة
we-250 أو 400 أحسن حاجة تتعلم عليها
وح تقعد فترة عبال ماتتمكن منه قوي الملفات وبين الناس وال فرامل وكده
اناا سوقت موتسيكل صينى ونفسى اجيب ريس بس عاوز اتعلم علية الاول واسوقة واشوف هرتاح معاة ولا اجيب عربية احسن
انا من القاهرة
انتو اية رئيكو
اتعلمت السواقة فى عشر دقائاق الساعة 3 الفجر على مكنة سى بى ار 600 اف 2 الكلام ده من سنتين
ايه يا جماعه مفيش حد تانى اتعلم سواقه غير الناس اللى ردت؟
امال فين باقى الناس المحترفين....
انا اشتريت هوندا 400 عادة و اتغلمت عليها لسه مكملتش شهر و وقعت 3 مرات مرتين منهم بسسب الرمل و فرامل قدام و الحمد لله دلوقتي بميل في الملفات و بشد و بجري وباخد امشاط مابين العربيات بس بعرف حدودي انا و المكنة واذا كان ينفع اعمل بيها كده ولا لأ و اتعلمت في نص ساعة و اول مروحت قمت رايح طالع لصحابي اوريهم المكنة
لذيذة فكرة الموضوع ,, طبعا ابتديت وانا لسة صغير ب دراجة هوائية و موتوسيكلات بكار ,, بعدين اول ما تميت ال 18 طلعت رخصة موتوسيكل قبل العربية وجبت ريس صينى 200 ودا اللى اتعلمت علية من نفسى الحمد للة الصينى دا فضل معايا سنتين او سنة ونص تقريبا وعملت حادثة اتدمر الموتوسيكل فيها وانا طلعت سليم الحمد للة ولسة من شهرين جايب 400 فاير والحمد للة ماشية معايا تمام
انا بقى حكايتى مع الموتسيكلات حكايه طويله انا اتعلمت على مكنه هوندا فطوطه وكانت اللفه بجنيه
الكلام ده وانا عندى 11 سنه ولما كبرت شويه الراجل بقى يدينى المكنه السوزوكى الفطوطه برده قعدت اركب الفطوطه لحد ما بقيت اعرف اركب مكن كبير ما كنتش باعتق اى مكنه تيجى قدامى حتى لو صاحبها ماعرفوش اوى وانا بقى فى ثانوى بعت الموبايل واشتريت مكنه سوزوكى فطوطه ب500 جنيه بجد انا بعشق الموتسيكلات عشق غير طبيعى وانا دلوقتى نفسى اركب موتسيكل حتى لو صينى اسف على الاطاله بس بجد انا مبسوط انى لقيت حد بيحب الموتسيسكلات زيى بس اكيد مش قدى
انا ركبت موتسيكلات كتير اوى بس بصراحه ما ركبتش الهوندا انا احسن موتسيكل ركبته البجاج ال200 بس موتوسيكل ناعم اوى